- Details
- Published on Thursday, 01 July 2010 14:03
မိူင်းၵဝ်ႇၶွင် ဢီႇၵျိပ်ႉဢၼ်လႆႈၸူမ်ယူႇၼႂ်းၼင်လိၼ် ၶၢဝ်းတၢင်းႁိုင်ယၢဝ်းၼပ်ႉႁူဝ်ႁဵင်ပီၼၼ်ႉ ၶိုၼ်းသွၵ်ႈ ႁၼ်မႅၼ်ႈ ၼႆ။
ၽၢႆႇငဝ်ႈငုၼ်းလွင်ႈယဵၼ်ႇငႄႈ မိူင်းဢီႇၵျိပ်ႉ ၶဝ်လၢတ်ႈဝႃႈ “ မိူင်းၵဝ်ႇဢီႇၵျိပ်ႉ ဢၼ်မီးႁိမ်း သၢပ်ႇလႅၼ်လိၼ် မႄႈၼမ်ႉၼၢႆႊလ် ၼၼ်ႉၸဝ်ႈပၢႆးသၢႆႊ မိူင်းဢေႃးသတေးလီးယိူဝ်ႊ ၶဝ်ႁႃႁၼ်” ဝႃႈၼႆ။
ဢီႊရီႊၼႃႊမူႊလႃႊ ၽူႈဢွၼ်ႁူဝ် ၽၢႆႇသွၵ်ႈႁႃလၢတ်ႈဝႃႈ လႆႈသွၵ်ႈႁၼ်မႅၼ်ႈတႃႈႁိူဝ်း၊ တိုၵ်း (ႁိူၼ်း) တင်းၼမ် လႄႈ ဝတ်ႉဝႃးၽႃသိူဝ်ႇ (ၵျွင်း) ဢႃႇယု မွၵ်ႈ 3,500 ပီပၢႆ ဝႃႈၼႆ။
မၼ်းသိုပ်ႇလၢတ်ႈထႅင်ႈဝႃႈ မိူင်းၵဝ်ႇၼၼ်ႉပဵၼ် ဝဵင်းလူင်ဢၼ်မီးၸိုဝ်ႈ ဢႃႇပႃးလိတ်ႉ တေႇတင်ႈဝႆႉ မိူဝ်ႈပၢၼ် ၶုၼ်ႁိတ်ႊသေႃႊ ဝႃႈၼႆယဝ်ႉ
ၽူႈလဵပ်ႈႁဵၼ်းၶဝ်ယုမ်ႇယမ်ဝႃႈ မိူင်းၵဝ်ႇဢၼ်ၸူမ်ယူႇၼႂ်းလိၼ်ၶၢဝ်းႁိုင်ၼၼ်ႉ ပဵၼ်မိူင်းဢီႇၵျိပ်ႉ မိူဝ်ႈပၼ် ႁေႃၶမ်းႁိတ်ႊသေႃႊ။ ဝဵင်းလူင် ဢႃႇပႃးလိတ်ႉၼၼ်ႉၵေႃႈပဵၼ်တီႈဝဵင်းတႃႇလိုဝ်ႈသဝ်းၶဝ် ဝၢႆးၶႂၢၵ်ႈၼႃႈလိၼ် ယဝ်ႉ ဝႃႈၼႆ။
ဢီႊရီႊၼႃႊ လၢတ်ႈဝႃႈ ၼႂ်းၵၢင်မိူင်းၼၼ်ႉ မီးသၢႆမႄႈၼမ်ႉ ၼၢႆႊလ် လတ်းၶၢမ်ႈပူၼ်ႉသေမီးၵုၼ်ဢွၼ်ႇဝႆႉ သွင်ၵုၼ်။ ပၢၼ်ႁေႃၶမ်း ႁိတ်ႊသေႃႊ ဢၼ်ဢုပ်ႉပိူင်ႇ ဢီႇၵျိပ်ႉ ၼႆႉ ပဵၼ်မိူဝ်ႈ BC 1664 တေႃႇထိုင် BC 1569 ၼႆ ၼႂ်းပိုၼ်းတီႈၼိုင်ႈ ၼေဝႆႉၼင်ႇၼႆ။
