- Details
- Published on Thursday, 19 August 2010 15:37
ယွၼ်ႉၾူၼ်တူၵ်းလူင်းတင်းဝူင်ႈဢမ်ႇထၢတ်ႇ လႄႈ ႁဵတ်းႁႂ်ႈတိုၵ်းႁူင်းႁဵၼ်းတီႈၼိုင်ႈ ၼႂ်းမိူင်း ဢုတ်ႊတရႃႊ ၶၼ်ႊ ၼႂ်းၸိုင်ႈမိူင်းဢိၼ်ႊတီးယိူဝ်ႊ ၵူၼ်ႇပင်းလူင်းတဵင်သႂ်ႇ လုၵ်ႈႁဵၼ်းတၢႆတီႈဢႄႇသုတ်း 18 ၵေႃႉ၊ ၸဝ်ႈ ၼႃႈတီႈၶဝ် ႁိပ်ႈသေႃႉႁႃၵူၼ်းၸိူဝ်းတိုၵ်ႉၶမ်ယူႇတႂ်ႈၵွင်ဢုတ်ႇ တိုၵ်းႁူင်းႁဵၼ်းၼႆ။
ၸုမ်းၶၢဝ်ႇၼွၵ်ႈမိူင်းလၢႆးငၢၼ်းမိူဝ်ႈ ဝၼ်းထိ 18.08.2010 ဝႃႈ ထူပ်းႁၼ်တူဝ်တၢႆလုၵ်ႈႁဵၼ်းတီႈဢႄႇသုတ်း 18 ၵေႃႉ ယွၼ်ႉတိုၵ်းႁူင်းႁဵၼ်းတီႈၼိုင်ႈ ၼႂ်းမိူင်းဢုတ်ႊတရႃႊၶၼ်ႊ မိူင်းဢိၼ်ႊတီးယိူဝ်ႊ ပွတ်းႁွင်ႇ ၵူၼ်ႇပင်းလူင်း ၵွပ်ႈၾူၼ်တူၵ်းႁႅင်းတင်းဝူင်ႈ၊ ၽၢႆႇၸဝ်ႈၼႃႈတီႈၶဝ် တိုၵ်ႉသိုပ်ႇႁႃၵူၼ်းၸိူဝ်းတိုၵ်ႉ ၶမ်ယူႇတႂ်ႈၵွင် ဢုတ်ႇ။ ၸဝ်ႈၼႃႈတီႈလႆႈၸွႆႈလုၵ်ႈႁဵၼ်း 6 ၵေႃႉဢွၵ်ႇမႃး ၼႆယဝ်ႉ။
မိူဝ်ႈႁူဝ်လိူၼ်ပူၼ်ႉမႃးၼႆႉ ယွၼ်ႉၾူၼ်တူၵ်းႁႅင်း တီႈမိူင်းဢိၼ်ႊတီးယိူဝ်ႊ ပွတ်းႁွင်ႇ သေႁဵတ်းႁႂ်ႈၵူၼ်းမိူင်း လႆႈလုတၢႆထိုင် 185 ၵေႃႉ ပႃးတင်းၵူၼ်းၼွၵ်ႈမိူင်းၸိူဝ်းၶဝ်ႈမႃးလေႇ 6 ၵေႃႉ လႄႈတီႈဢႄႇသုတ်း တိုၵ်ႉႁၢႆ လၢႆ 400 ဝႃႈၼႆ။
