joomla templates Youth Power Media

ၸုမ်းၶၢဝ်ႇရွႆႊထိူဝ်ႊ လၢႆးငၢၼ်းဝႃႈ ၽူႈဢွၼ်ႁူဝ်ၼႂ်းလုမ်ႈၾႃႉ ဢမ်ႇႁၢၼ်ႉၸ်ႂ ဢၼ်ၸဝ်ႈသိုၵ်းလူင် မူးဢမ်းမႃးလ် ၵတ်ႉတႃႊၾိ ၽူႈဢွၼ်ႁူဝ်မိူင်းလိပ်ႊပီႊယႃႊ ၽဵဝ်ႈယႃႉ ၽူႈၼႄၵၢင်ၸႂ် လူၺ်ႈၶိူင်ႈ ယိပ်းၵွင်ႈၵၢင်ႇသေဢမ်ႇ ယွမ်းၵိုတ်းယိုတ်းပၢင်ၼွင်းလိူတ်ႇ ပွၵ်ႈၼႆႉၼႆ။

ၸွမ်ၸိုင်ႈမိူင်းဢမေႊရိၵၢၼ်ႊ ပႃႊရၵ်ႉဢူဝ်ႊပႃးမႃး ဢွၵ်ႇ ပၼ်တၢင်းႁၼ်ထိုင်ပွၵ်ႈဢွၼ်တၢင်းသုတ်းဝႃႈၵၢၼ် ၽဵဝ်ႈယႃႉၽူႈၼႄၵၢင်ၸႂ်လူၺ်ႈဢဵၼ်ႁႅင်းၸိူင်ႉၼႆ ပဵၼ်တီႈယွမ်းႁပ်ႉဢမ်ႇလႆႈ ၊ ၵူႈၸိုင်ႈမိူင်းထုၵ်ႇလီႁူမ်ႈပဵၼ် သဵင်လဵဝ်ၵၼ်သေတၵ်ႉၸမ်ႈႁႂ်ႈၵိုတ်းယိုတ်း ၼႆ။

ၸုမ်းၶၢဝ်ႇရွႆႊထိူဝ်ႊ ထတ်းသၢင်ဝႃႈ ပဵၵ်ႉသမ်ႉဝႃႈ ဢမေႊရိၵၢၼ်ႊလႄႈ ၸိုင်ႈမိူင်းႁူမ်ႈတုမ် ယူႊရူပ်ႊၶဝ် ဢုပ်ႇဢူဝ်းၵၼ်ပိူဝ်ႈတႃႇပၼ်တၢမ်ႇ ႁႅတ်ႉပၢႆးမၢၵ်ႈမီး ၵိုတ်းယိုတ်း လွင်ႈၵႃႉၶၢႆၸွမ်း ၸဝ်ႈ သိုၵ်းလူင် ၵတ်ႊတႃႊၾိ သေတႃႉတေႃႇထိုင်မိူဝ်ႈလဵဝ်ၽူႈဢွၼ်ႁူဝ်ၼႂ်းလုမ်ႈၾႃႉ ယင်းပႆႇမီး သၢႆငၢႆတႃႇႁိပ်ႈၼႅတ်ႈ ၵပ်းသၢၼ်ၵၼ်ၵႃႈႁိုဝ်။ ပၢင်လုၵ်ႉႁိုၼ်ႇပွၵ်ႈၼႆႉ ယင်းပႆႇၵူၼ်ႇပင်းပႅတ်ႈၸဝ်ႈဢႃႇၼႃႇလူင်းလႆႈ မိူၼ်ၽူႈ ဢွၼ်ႁူဝ်မိူင်းႁိမ်းႁွမ်းၸိူင်ႉၼင်ႇ  တူႊၼီႊသျိူဝ်ႊ လႄႈဢီႊၵျိပ်ႊ ဝႃႈၼႆယဝ်ႉ။

ၶူဝ်းၶွင်သႃၽဝ ၼမ်ႉမၼ်းၼႂ်းမိူင်းလိပ်ႊပီႊယႃႊ ပဵၼ်ငဝ်ႈႁၢၵ်ႈတူၼ်ႈတေႃလမ်ႇလွင်ႈလူင် တႃႇၸၼ်ၸႂ် ၽူႈလူင်းတိုၼ်း မိူင်းဝၼ်းတူၵ်းၶဝ်လႄႈ ပဵၼ်ၵၢၼ်ၵမ်ႉထႅမ်ၶူင်းၵၢၼ်လၢႆလၢႆဢၼ် ၼႂ်းဢႃႊၾိၵ၊ ယွၼ်ႉၼၼ် ၸဝ်ႈသိုၵ်းလူင် ၵတ်ႊတႃႊၾိ ၸင်ႇမီးဢူၺ်းလီ ၼမ် ဝႃႈၼႆ။