joomla templates Youth Power Media

လွင်ႈၸုမ်းသိုၵ်းမၢၼ်ႈပူၼ်ႉပႅၼ်သုၼ်ႇလႆႈသုၼ်ႇပဵၼ်ၵူၼ်းၼၼ်ႉ မိူဝ်ႈပီၵၢႆၵေႃႈၽူႈတႅၼ်းၶိုၵ်ႉတွၼ်း ၸၢတ်ႈ ၸိုင်ႈလုမ်ႈၾႃႉ ၾၢႆႇသုၼ်ႇလႆႈသုၼ်ႇပဵၼ်ၵူၼ်း ၵပ်းသၢၼ်လွင်ႈမိူင်းမၢၼ်ႈလႆႈတၢင်ႇၼႄၼႂ်းပၢင်ၵုမ်လူင် ၵူႈလွင်ႈလွင်ႈၸၢတ်ႈၸိုင်ႈလုမ်ႈၾႃႉ လွင်ႈတႃႇၶွတ်ႇၽွတ်ႈၸုမ်းထတ်းထွင်လုမ်ႈၾႃႉၶဝ်ႈ မိူဝ်း မိူင်းမၢၼ်ႈလႄႈ ၼႂ်းၽိုၼ်လၢႆးငၢၼ်းမၼ်းၸဝ်ႈပီၼႆႉၵေႃႈလႆႈသိုပ်ႇတုၵ်းယွၼ်းႁႂ်ႈၶွတ်ႇၽွတ်ႈထႅင်ႈ ၼႆ။

ၼႂ်းၶၢဝ်းယၢမ်းလဵဝ်ၵၼ် သွင်ၸိုင်ႈမိူင်း မိူင်းတဵၼ်ႊမၢၵ်ႊ လႄႈမိူင်းလတ်ႊပီႊယိူဝ်ႊ ၸိူဝ်းပဵၼ်လုၵ်ႈၸုမ်း မိူင်း ႁူမ်ႊတုမ်ယူႊရူပ်ႊ ၵေႃႈၵမ်ႉထႅမ်တႃႇၶွတ်ႇၽွတ်ႈၸုမ်းထႅင်ႈလႄႈ မိူဝ်ႈလဵဝ်ၸိုင်ႈမိူင်းၸိူဝ်းၵမ်ႉထႅမ်ႁႂ်ႈၶွတ်ႇၽွတ်ႈ ၸုမ်းထတ်းထွင်ၸၢတ်ႈၸိုင်ႈလုမ်ႈၾႃႉဢၼ် တေႃႊမၢတ်ႊ ၶိၼ်ႊတႃႊၼႃႊတၢင်ႇတုၵ်း ယွၼ်း ၼၼ်ႉ မီး 16 ၸိုင်ႈမိူင်းယဝ်ႉၼႆ။

ဢၼ်ၸုမ်းလူင်ပွင်ၸိုင်ႈသိုၵ်းမၢၼ်ႈပူၼ်ႉပႅၼ်သုၼ်ႇလႆႈသုၼ်ႇပဵၼ်ၵူၼ်းႁၢဝ်ႉႁႅင်းလိူဝ်ပိူင်ၵူၼ်း ၼၼ်ႉ မိူဝ်ႈပီၵၢႆၵေႃႈ ၽူႈတႅၼ်းၶိုၵ်ႉတွၼ်းၸၢတ်ႈၸိုင်ႈလုမ်ႈၾႃႉ ၽၢႆႇသုၼ်ႇလႆႈသုၼ်ႇပဵၼ်ၵူၼ်းၵပ်းသၢၼ် လွင်ႈ မိူင်းမၢၼ်ႈ လႆႈတုၵ်းယွၼ်းႁႂ်ႈၶွတ်ႇၽွတ်ႈၸုမ်းထတ်းထွင်လုမ်ႈၾႃႉ မိူဝ်းထတ်းထွင်လွင်ႈသိုၵ်း မၢၼ်ႈ ပူၼ်ႉပႅၼ် လႄႈပီၼႆႉၵေႃႈၶိုၼ်းသိုပ်ႇတုၵ်းယွၼ်းထႅင်ႈၼႆယဝ်ႉ။

တေႃႊမတ်ႊ ၶိၼ်ႊတႃႊၼႃႊ လၢတ်ႈဝႃႈ “လႆႈတၢင်ႇၼႄ တုၵ်းယွၼ်း ႁႂ်ႈၶွတ်ႇၽွတ်ႈၸုမ်းထတ်းထွင် လုမ်ႈ ၾႃႉ မိူဝ်ႈပၢင်ၵုမ်လူင်ၵူႈလွင်ႈလွင်ႈၸၢတ်ႈၸိုင်ႈလုမ်ႈၾႃႉ ဢၼ်ၸတ်းတီႈဝဵင်းၼိဝ်ႊယွၵ်ႊၸိုင်ႈ မိူင်း ႁူမ်ႈတုမ် ဢမေႊရိၵၢၼ်ႊ မိူဝ်ႈလိူၼ် October ပီ 2010။ ၼႂ်းၽိုၼ်လၢႆးပီၼႆႉၵေႃႈလွင်ႈဢၼ်ၶႃႈ လႆႈတုၵ်းယွၼ်း ထႅင်ႈၼၼ်ႉ ၵွပ်ႈဝႃႈယင်းတိုၵ်ႉမီးလွင်ႈပူၼ်ႉပႅၼ်သုၼ်ႇလႆႈ သုၼ်ႇပဵၼ်ႁၢဝ်ႉႁႅင်းဢၼ် လီမႆႈဢူၵ်းမႆႈၸႂ်။  ၼႂ်းလုမ်ႈၾႃႉၼႆႉ သင်ဝႃႈတေလႅၵ်ႈလၢႆႈလၢႆးဢုပ်ႉပိူင်ႇ ပဵၼ်တီႊမူဝ်ႊၶရေႊသီႊ ၸိုင် တၵ်းလႆႈၵႄႈၶႆ ပၼ်ႁႃ လွင်ႈပူၼ်ႉပႅၼ်သုၼ်ႇလႆႈသုၼ်ႇပဵၼ်ၵူၼ်း ဢွၼ်တၢင်းၵွၼ်ႇ။

ၸိုင်ႈမိူင်းဢၼ်ယၢမ်ႈတူၵ်းယူႇတႂ်ႈဢမ်ႊၼၢတ်ႊ ၸဝ်ႈဢမ်ႊၼၢတ်ႊ သိုၵ်းဢုပ်ႉပိူင်ႇတင်းၼမ်ၼၼ်ႉ ပႃးတင်းၸိုင်ႈမိူင်းၶႃႈ ဢႃႊၵျိၼ်ႊတီႊၼႃႊ မိူင်းၼိုင်ႈ၊ ၼႂ်းၸိူဝ်းၼၼ်ႉလွင်ႈပူၼ်ႉပႅၼ်သုၼ်ႇလႆႈသုၼ်ႇ ပဵၼ်ၵူၼ်းတိုၼ်းမီး။ ၽွင်းတေပိၼ်ႇလႅၵ်ႈလၢႆႈပဵၼ်ၸိုင်ႈမိူင်းတီႊမူဝ်ႊၶရေႊသီႊၼၼ်ႉတၵ်းလႆႈဢဝ် ပိူင် မၢႆမီႈၵုမ်းၵမ်လႄႈ တႃႇႁႂ်ႈယွမ်းႁပ်ႉတၢင်းၽိတ်းဢၼ်ယၢမ်ႈပူၼ်ႉပႅၼ်မႃးၸိူဝ်းၼၼ်ႉၵေႃႈလမ်ႇ လွင်ႈ တေႉတေႉ” ဝႃႈၼႆ။
ၼႂ်းၽိုၼ်လၢႆးငၢၼ်းမၼ်းၸဝ်ႈဢၼ်ဢွၵ်ႇမိူဝ်ႈဝၼ်းပုတ်ႉ ပူၼ်ႉမႃးၼႆႉၼႄဝႆႉဝႃႈ ငဝ်းလၢႆးသုၼ်ႇလႆႈ သုၼ်ႇပဵၼ်ၵူၼ်းမိူင်းမၢၼ်ႈၼႆႉ တိုၵ်ႉယူႇၼႂ်းဢၼ်လီမႆႈဢူၵ်းမႆႈၸႂ် လိူတ်ႇမႆႈတေႉတေႉၼႆ။ ဢၼ်ၸုမ်း လူင်ပွင်ၸိုင်ႈသိုၵ်းမၢၼ်ႈၶဝ်ၸတ်းပၢင်လိူၵ်ႈတင်ႈမိူဝ်ႈပီၵၢႆပူၼ်ႉမႃးၼၼ်ႉ ၼႄၽၢင်ႁၢင်ႈဝႃႈၶဝ်ၶႂ်ႈလႅၵ်ႈ လၢႆႈလၢႆးဢုပ်ႉပိူင်ႇၵၢၼ်မိူင်းလႄႈ လႆႈဝႃႈပဵၼ်ၽၢင်ႁၢင်ႈလီယူႇ။

ၵူၺ်းၼႃႇတေႃႇထိုင်မိူဝ်ႈလဵဝ်ယင်းပႆႇႁၼ်လွင်ႈၶိုပ်ႈၼႃႈသင်မႃးလႄႈၸင်ႇလႆႈတုၵ်းယွၼ်းႁႂ်ႈၶွတ်ႇ ၽွတ်ႈ ၸုမ်းထတ်းထွင်ၸၢတ်ႈၸိုင်ႈလုမ်ႈၾႃႉမိူဝ်းမိူင်းမၢၼ်ႈပိူဝ်ႈတႃႇထတ်းထွင်လွင်ႈပူၼ်ႉပႅၼ်သုၼ်ႇလႆႈသုၼ်ႇပဵၼ် ၵူၼ်း၊ လွင်ႈၶွတ်ႇၽွတ်ႈၸုမ်းထတ်းထွင်ၼႆႉၵူၺ်းယဝ်ႉဢၼ်တေၸၢင်ႈႁဵတ်းႁႂ်ႈမိူင်း မၢၼ်ႈၸၢင်ႈလႅၵ်ႈလၢႆႈ လွင်ႈၼိုင်ႈ ဝႃႈၼႆယဝ်ႉ။
ၼႂ်းၶၢဝ်းယၢမ်းလဵဝ်ၵၼ် လုၵ်ႈၸုမ်းႁူမ်ႈတုမ် ယူႊရူပ်ႊ ၸိူဝ်းပဵၼ်ၸိုင်ႈမိူင်း တဵၼ်ႊမၢၵ်ႊ လႄႈ ၸိုင်ႈမိူင်း လတ်ႊပီႊယိူဝ်ႊ ၵမ်ႉထႅမ်လွင်ႈၶွတ်ႇၽွတ်ႇၸုမ်းထတ်းထွင် မိူဝ်းထတ်းထွင်လွင်ႈသိုၵ်းမၢၼ်ႈ ပူၼ်ႉပႅၼ်သုၼ်ႇ လႆႈသုၼ်ႇပဵၼ်ၵူၼ်းၼၼ်ႉထႅင်ႈလႄႈ မိူဝ်ႈလဵဝ်ၸိုင်ႈမိူင်းၸိူဝ်းၵမ်ႉထႅမ်လွင်ႈၼႆႉ မီး 16 ၸိုင်ႈ မိူင်း ယဝ်ႉ ၼႆ။

မၢၵ်ႊ ၾႃႊမီႊၼႃႊ (Mark Farminer) လၢတ်ႈဝႃႈ “ မိူဝ်ႈလဵဝ်သွင်ၸိုင်ႈမိူင်းၶိုၼ်းၵမ်ႉထႅမ်ထႅင်ႈလႄႈ တင်း မူတ်းမီး 16 ၸိုင်ႈမိူင်းယဝ်ႉ။ ၼႂ်း 16 ၸိုင်ႈမိူင်းၼႆႉ တႃႇ 12 ၸိုင်ႈမိူင်းပဵၼ်ၼႂ်းလုၵ်ႈၸုမ်းႁူမ်ႈ တုမ် ယူႊရူပ်ႊ လႄႈပႅၵ်ႇပိူင်ႇလၢၵ်ႇလၢႆး ၵူၺ်းဢမ်ႇၵႃး လမ်ႇလွင်ႈတေႉတေႉ။

 ဢၼ်ပၼ်တၢင်းႁၼ်ထိုင် ၵဵဝ်ႇ လူၺ်ႈလွင်ႈ မိူင်းမၢၼ်ႈ ၼႂ်းပၢင်ၵုမ် ၶွင်ႊသီႊသုၼ်ႇလႆႈသုၼ်ႇပဵၼ်ၵူၼ်း ၸၢတ်ႈၸိုင်ႈ လုမ်ႈၾႃႉ ၼၼ်ႉ လႄႈသင်ၼႂ်း ပၢင်ၵုမ်ၵူႈလွင်ႈလွင်ႈၸၢတ်ႈၸိုင်ႈလုမ်ႈၾႃႉၼၼ်ႉလႄႈသင် ပဵၼ်ၸိုင်ႈမိူင်းလုၵ်ႈၸုမ်းႁူမ်ႈတုမ်ယူႊရူပ်ႊ ၶဝ်ယဝ်ႉ။

ၵွပ်ႈၼၼ်တႃႇတေၶွတ်ႇၽွတ်ႈၸုမ်းထတ်းထွင်လွင်ႈသုၼ်ႇ လႆႈ သုၼ်ႇပဵၼ် ၵူၼ်းမိူဝ်းမိူင်းမၢၼ်ႈၼၼ်ႉ တၵ်းလႆႈလွင်ႈၵမ်ႉထႅမ်တီႈႁူမ်ႈတုမ် ယူႊရူမ်ႊ ၵွၼ်ႇ”ဝႃႈ ၼႆယဝ်ႉ။

ၼႂ်းၸိုင်ႈမိူင်းႁူမ်ႈတုမ်ယူႊရူပ်ႊ 27 ၸိုင်ႈမိူင်းၼႆႉ 12 ၸိုင်ႈမိူင်းၵမ်ႉထႅမ်ယဝ်ႉလႄႈ သင်ဝႃႈလႆႈထႅင်ႈ 2 ၸိုင်ႈမိူင်းၵမ်ႉထႅမ်ၸိုင်တေလႆႈၶိုင်ႈလိူဝ်ယဝ်ႉလႄႈ ၸၢင်ႈလႆႈလွင်ႈၵမ်ႉထႅမ်တီႈ ႁူမ်ႈတုမ်ႊယူႊရူပ်ႊယူႇ။ မိူဝ်ႈဝၼ်းၽတ်းပူၼ်ႉမႃးၼႆႉၸုမ်းတူင်ႉၼိုင်ပုၼ်ႈမိူင်းမၢၼ်ႈဢၼ်ပၵ်းသဝ်းၼႂ်းမိူင်းဢင်းၵိတ်ႉလႆႈ ၶတ်း ၸႂ်သူၼ်းတုမ် ၼႂ်းၸိုင်ႈမိူင်းႁူမ်ႈတုမ်ယူႊရူပ်ႊ ပိူဝ်ႈတႃႇ 6 ၸိုင်ႈမိူင်းၸိူဝ်း ပႆႇၵမ်ႉထႅမ်ၼၼ်ႉယွမ်း ႁပ်ႉၵမ်ႉထႅမ်မႃး။ ၼႂ်းၼၼ်ႉ ၽွင်းတၢင်ၸိုင်ႈမိူင်း တဵၼ်ႊမၢၵ်ႊ လႆႈတႅမ်ႈလိၵ်ႈမွၵ်ႇလၢတ်ႈၵမ်ႉထႅမ် လႄႈ လုမ်းၽွင်းတၢင် ၸိုင်ႈမိူင်း လတ်ႊပီႊယိူဝ်ႊၵေႃႈ လႆႈၵမ်ႉထႅမ်ပႃးမႃး။ ၸိူဝ်းပဵၼ် ၸိုင်ႈမိူင်းသူၺ်ႊ တိၼ်ႊ၊ လူႊၸိင်ႊပိူၵ်ႊ လႄႈၸိုင်ႈမိူင်းၼေႃႊဝူၺ်ႊ ၸိူဝ်းၼႆႉၵေႃႈယုမ်ႇယမ်မုင်ႈမွင်းဝႃႈၼႂ်းၶၢဝ်းတၢင်း ဢမ်ႇႁိုင်ၼႆႉ တေၵမ်ႉထႅမ်ယူႇ ဝႃႈၼႆယဝ်ႉ။

မိတ်ႊသတိူဝ်ႊ ၶိၼ်ႊတႃႊၼႃႊၼႆႉမိူဝ်ႈပီၵၢႆပူၼ်ႉမႃးသိုၵ်းမၢၼ်ႈပၼ်ၶႂၢင်ႉမိူဝ်းလဵပ်ႈႁဵၼ်းသုၼ်ႇလႆႈ သုၼ်ႇ ပဵၼ်ၵူၼ်းၼႂ်းမိူင်းမၢၼ်ႈတၢမ်တူဝ်မၼ်းၸဝ်ႈသေ ပီၼႆႉတႄႉသိုၵ်းမၢၼ်ႈဢမ်ႇပၼ်ၶႂၢင်ႉၶဝ်ႈမိူဝ်း ဝႃႈၼႆ ယဝ်ႉ။

မိတ်ႊသတိူဝ်ႊ ၶိၼ်ႊတႃႊၼႃႊ တေတၢင်ႇၼႄၽိုၼ်လၢႆးငၢၼ်းၵဵဝ်ႇလူၺ်ႈ သုၼ်ႇလႆႈသုၼ်ႇပဵၼ်ၵူၼ်း မိူင်းမၢၼ်ႈ ၼႂ်းဝၼ်းထိ 14.03.2011 ၼႆႉတီႈပၢင်ၵုမ်ၶွင်ႊသီႊ သုၼ်ႇလႆႈသုၼ်ႇပဵၼ်ၵူၼ်းၸၢတ်ႈၸိုင်ႈ လုမ်ႈၾႃႉ တီႈၵျီႊၼီႊဝႃႊ ၼႆယဝ်ႉ။