- Details
- Published on Tuesday, 15 March 2011 15:22
ႁူင်းၸၢၵ်ႈၼိဝ်ႊၵလီႊယိူဝ်ႊ တီႈမိူင်းၵျပၢၼ်ႊတႅၵ်ႇလႄႈ ၵူၼ်းမိူင်း ၵျပၢၼ်ႊ ၵူဝ်ဢၢႆၵႂၢၼ်း ၼိဝ်ႊၵလီႊ ယိူဝ်ႊ ၸိူဝ်းမီးၵွင်ႉ သၢၼ်ၶေးမီးၼၼ်ႉ သေၵူၼ်းမိူင်း 170,000 ပၢႆပႅတ်ႈႁိူၼ်းယေးသေ ပၢႆႈသေႃႉႁူမ်ႈ တီႈလွတ်ႈၽေး ၼႆ။
ၵူၼ်းၸိူဝ်းယူႇ ၸွမ်းႁိမ်းႁွမ်း ႁူင်းၸၢၵ်ႈၼိဝ်ႊၵလီႊယိူဝ်ႊတီႈဝဵင်း ၽူႊတႃႊပေး မိူင်းၵျပၢၼ်ႊဢွၼ်ၵၼ် ပၢႆႈ။ ၸဝ်ႈၼႃႈတီႈၽူႈမီးပုၼ်ႈၽွၼ်းၶဝ် လၢတ်ႈဝႃႈၵူၼ်းၸိူဝ်းလႆႈၶၢမ်ႇ ဢၢႆၵႂၢၼ်းဢၼ်မီးၵွင်ႉၼၼ်ႉ ၼပ်ႉ ႁူဝ်သိပ်း ။ ႁူဝ်ၵူၼ်းၼပ်ႉပၢၵ်ႇၸိူဝ်းၼၼ်ႉၵေႃႈ တိုၵ်ႉၸႅတ်ႈတူၺ်းယူႇဝႃႈၺႃးသၢၼ်ၶေးမီးၸိူဝ်း ၼၼ်ႉႁိုဝ် ဢမ်ႇၺႃးၼႆယူႇ။
မိူဝ်ႈဝၼ်းသုၵ်းပူၼ်ႉမႃးၼႆႉ ၽႅၼ်ႇလိၼ်ဝႆ(ဢိင်ႇသၼ်ႇ)တီႈမိူင်းၵျပၢၼ်ႊ လႄႈဢဝ်ႁူင်းၾႆးၾႃႉၼိဝ်ႊ ၵလီႊယိူဝ်ႊ မိူင်းၵျပၢၼ်ႊ ဢၼ်ၼိုင်ႈတႅၵ်ႇ၊ ၼမ်ႉၵေႃႈထူမ်ႈလႄႈလင်ႁိူၼ်းၵူၼ်းမိူင်းၵျပၢၼ်ႊလႆႈလူႉ သုမ်း တင်းၼမ်။
ၵူၼ်းတၢႆယွၼ်ႉ ၽေးသႃႇၽႃႇဝတီႈမိူင်းၵျပၢၼ်ႊၼႆႉ မီး 10,000 ပၢႆ၊ ႁူဝ်ၵူၼ်းလၢၼ်ႉပၢႆထူပ်းတၢင်း ယၢပ်ႇ ၽိုတ်ႇလွင်ႈၼမ်ႉ၊ ၶူဝ်းၼုင်ႈတၢင်းဝႆလႄႈ ၶဝ်ႈၼမ်ႉတၢင်းၵိၼ်ၸိူဝ်းၼႆႉယူႇ ဝႃႈၼႆ။
