- Details
- Published on Thursday, 17 March 2011 13:59
ၸုမ်းၽၢႆႇပၢႆးယူႇလီလုမ်ႈၾႃႉ (WHO) ပိုၼ်ၶၢဝ်ႇလၢတ်ႈဝႃႈ ယွၼ်ႉဢိင်ႇသၼ်ႇ (ၽႅၼ်ႇလိၼ်ဝႆ) တီႈမိူင်းၵျပၢၼ်ႊ လႄႈႁဵတ်းႁႂ်ႈ ႁူင်းၼိဝ်ႊၵလီႊယိူဝ်ႊ တႅၵ်ႇၵႂႃႇၼၼ်ႉထၢတ်ႈဢၢႆၵႂၢၼ်းမၼ်းဢမ်ႇ ၸၢင်ႈ ၽေႈႁွတ်ႈထိုင်မိူင်းၶႄႇ လႄႈ ၼႂ်းမိူင်းဢေးသျိူဝ်ႊ ၼႆ ။
မၢႆႊၶိူဝ်ႊ ဢူဝ်ႊလီႊယိူဝ်ႊရီႊ (Michael O’leary) ၽူႈတၢင်တူဝ်ၸုမ်းၽၢႆႇပၢႆးယူႇလီလုမ်ႈၾႃႉဢၼ်ပၵ်းသဝ်းယူႇ တီႈပေႊၵျိၼ်ႊ မိူင်းၶႄႇ ပိုၼ်ၶၢဝ်ႇၼႂ်းဢီးမေႊလ် ဝၼ်းထီႉ 17.03.2011 ၼႆႉဝႃႈႁူင်းၼိဝ်ႊၵလီႊယိူဝ်ႊၽူႊၵူႊသီႊ မႃး( Fukushima) တင်းႁွင်ႇဝဵင်း Tokyo ၵႆၵၼ် 235 လၵ်း၊ ၵူၼ်းယူႇၸွမ်းႁိမ်းႁွမ်းႁူင်းၸၢၵ်ႈၼၼ်ႉယၢၼ်ၵၼ် မွၵ်ႈ 20 လၵ်း၊ ၵူၼ်းၸိူဝ်းၼၼ်ႉ ယင်းပႆႇႁၼ်ဝႃႈပဵၼ်တၢင်းပဵၼ်သင် ၼႆ။
သိုပ်ႇလၢတ်ႈဝႃႈ ဢၼ်ပဵၼ်ၶၢဝ်ႇလိုဝ်းလင်ယူႇတီႈမိူင်းၶႄႇ၊ မိူင်းၾလင်ႇသႅတ်ႊ (France) လႄႈမိူင်းၵျႃႊ မၼီႊဝႃႈ ဢၢႆၵႂၢၼ်းထၢတ်ႈၼိဝ်ႊၶလီႊယိူဝ်ႊ ၵျပၢၼ်ႊၸၢင်ႈႁွတ်ႈထိုင်ၼႆၼၼ်ႉ ဢမ်ႇၸႂ်ႈလွင်ႈတေႉ။လွင်ႈၼၼ်ႉမၼ်းပဵၼ် ၶၢဝ်ႇလိုဝ်းလင်သေ ႁဵတ်းႁႂ်ႈၵူၼ်းမိူင်းၵူဝ်မႆႈၸႂ်ၵူၺ်းႁႂ်ႈၵိုတ်းယိုတ်းပႅတ်ႈၶၢဝ်ႇ ဢၼ် ၼၼ်ႉဝႃႈၼႆ။
ၽူႈမီးပုၼ်ႈၽွၼ်းမိူင်းၵျပၢၼ်ႊ လႄႈ ၸုမ်းၽၢႆႇပၢႆးယူႇလီလုမ်ႈၾႃႉဢေႊၵျိၼ်ႊၸီႊၶဝ် ပိုၼ်ၽၢဝ်ႇဝႃႈထိုင်မိူဝ်ႈလဵဝ် ထၢတ်ႈဢၢႆၵႂၢၼ်း ၼိဝ်ႊၵလီႊယိူဝ်ႊတႅၵ်ႇ ၽႄႈၸွတ်ႇၵႂႃႇလၢႆတၢင်းၼႆ ၼၼ်ႉပႆႇမီးဝႃႈၼႆ ယဝ်ႉ။
