joomla templates Youth Power Media

ၵဵဝ်ႇ​ၵပ်း​လွင်ႈ​ၼၵ်းၸႂ် မႆႈၸႂ်​ၸွမ်း ၵၢၼ်​ပူၼ်ႉ​ပႅၼ်​သုၼ်ႇ​လႆႈ​သုၼ်ႇ​ပဵၼ်​ၵူၼ်းၼႂ်း​မိူင်း​မၢၼ်ႈ​ယုၵ်း​ယၢင်ႇ ၼၼ်ႉ ၶွင်ႊ​သီႊ​သုၼ်ႇ​လႆႈ​သုၼ်ႇ​ပဵၼ်​ၵူၼ်း​ၸၢတ်ႈ​ၸိုင်ႈ​လုမ်ႈ​ၾႃႉ​ၶဝ် လႆႈ​တႅပ်း​တတ်း မၵ်း​မၼ်ႈ​ၵႂႃႇ​မိူဝ်ႈ ဝၼ်းသုၵ်းပူၼ်ႉ မႃးၼႆႉၼႆ။

ၼႂ်း​ၽိုၼ်​လၢႆး​ငၢၼ်း​ယုၵ်း​ယၢင်ႇ ၶွင် မိတ်ႉသ်​တူဝ်ႊ တေႃး​မၢတ်ႉ​ၶိၼ်ႊ​တႃႊ​ၼႃႊ ၽူႈ​တႅၼ်း​ၶိုၵ်ႉ​တွၼ်း လုမ်ႈ ၾႃႉ ၽၢႆႇ​သုၼ်ႇ​လႆႈ​သုၼ်ႇ​ပဵၼ်​ၵူၼ်း​ၵပ်း​သၢၼ်​လွင်ႈ​မိူင်း​မၢၼ်ႈ​လႆႈ​ၵဵပ်း​ၶေႃႈ​မုၼ်း​သေ​တႅမ်ႈ​ဝႆႉ လွင်ႈ သုၼ်ႇ​လႆႈ​သုၼ်ႇ​ပဵၼ်​ၵူၼ်း​မိူင်း ၼႂ်း​မိူင်း​မၢၼ်ႈ​ယင်း​တိုၵ်ႉ​မီး​လွင်ႈ​ပူၼ်ႉ​ပႅၼ် ၶိူဝ်း⁠ၶိူဝ်း ယႂ်းယႂ်း​ယူႇ၊ ၶွင်ႊ​သီႊ​သုၼ်ႇ​လႆႈ​သုၼ်ႇ​ပဵၼ်​ၵူၼ်း သိုပ်ႇ​မွပ်ႈ​တၼ်း​ႁဵင်း ႁႂ်ႈ​မိတ်ႉသ်​တိူဝ်ႊ ၶိၼ်ႊ​တႃႊ​ၼႃႊ​ႁပ်ႉ​ပုၼ်ႈ ၽွၼ်း ၾၢႆႇ​သုၼ်ႇ​လႆႈ​သုၼ်ႇ​ပဵၼ်​ၵူၼ်း​မိူင်း​မၢၼ်ႈ​ၵႂႃႇ​ထႅင်ႈ ဝႃႈ​ၼႆ။

ၵဵဝ်ႇ​ၵပ်း​လွင်ႈ​ဢၼ် တႅပ်း​တတ်း​သိုပ်ႇ​ပၼ်​ၼႃႈ​တီႈ​မၼ်း​ၸဝ်ႈ​ၼၼ်ႉ မိတ်ႉ​သ​တိူဝ်ႊၶိၼ်ႊ​တႃႊ​ၼႃႊသို်ပ်ႇႁဵတ်း​ၵၢၼ် ၵဵဝ်ႇ​ၵပ်း​လွင်ႈ​သုၼ်ႇ​လႆႈ​သုၼ်ႇ​ပဵၼ်​ၵူၼ်း​ၼၼ်ႉ​လႆႈ​ဝႃႈ ပဵၼ်​ၶၢဝ်ႇ​လီ​တွၼ်ႈ​တႃႇ​ၵူၼ်းၼႂ်း​မိူင်း မၢၼ်ႈ​ပေႃး​လႆႈ မီး​လွင်ႈ​သုၼ်ႇ​လႆႈ​သုၼ်ႇ​ပဵၼ်​ၵူၼ်း​လႄႈ မီး​လွင်ႈ​ၶိုၼ်ႈယႂ်ႇ​ၵႂႃႇ မိူဝ်း​ၼႃႈ ၼႆ​သေ​မၼ်း​ၸဝ်ႈ တေ​သိုပ်ႇ​ႁူမ်ႈ​မိုဝ်း​ၸွမ်း​ ၽူႈ​ၵဵဝ်ႇ​ၶွင်ႈ​လၢႆ​ၽၢႆႇ​လႄႈ သိုပ်ႇ​ႁဵတ်း​သၢင်ႈ ၵႂႃႇ​ၼႆ ။

ၵဵဝ်ႇ​ၵပ်း​လွင်ႈ​ၼႆႉ ၶွင်ႊ​သီႊ​သုၼ်ႇ​လႆႈ​သုၼ်ႇ​ပဵၼ်​ၵူၼ်း တီႈ​ၵျီႇ​ၼီႇ​ပႃႇ​ၼၼ်ႉ မိူင်း​ႁၼ်ႇ​ၵေႇ​ရီႇ​တၢင်​တူဝ် ႁူမ်ႈ​တုမ်​ၸၢတ်ႈ​ၸိုင်ႈ​ယူႊ​ရူပ်ႊ​သေ တၢင်ႇ​လၢတ်ႈ​ၵႂႃႇ၊ မိူင်း​မၢၼ်ႈ၊ မိူင်း​ၶႄႇ၊ ရတ်ႊ​သျိူဝ်ႊ​လႄႈ​မိူင်း​ၶျူး​ပႃးၶဝ်​လႆႈ​သၢၼ်​ၶတ်း​လွင်ႈ​ၼႆႉ​ဝႃႈ​ၼႆ။

မိူင်း​ၶႄႇ၊ မိူင်း​ထႆး၊ မိူင်း​ၵျ​ပၢၼ်ႇ​လႄႈ​မိူင်း​မ​လေ​သျိူဝ်ႊ​တႄႉ ၵဵဝ်ႇ​ၵပ်း​လွင်ႈ​ၵၢၼ်​မၵ်း​မၼ်ႈ ယုၵ်း​ယၢင်ႇ ၼၼ်ႉ လႆႈ​လၢတ်ႈ​ၵႂႃႇ​ဝႃႈ ဢမ်ႇ​လႆႈ​ၶဝ်ႈ​ႁူမ်ႈ​ႁဵတ်း​သၢင်ႈ​ၸွမ်း ဝႃႈ​ၼႆ။