မၢၵ်ႇၼင်
Manchester United 6 ပၢင် 16 မၢၵ်ႈလႄႈဢွင်ႈတီႈထီႉ 1 ယၢမ်းလဵဝ်
- Details
- Published on Monday, 26 September 2011 17:25
- Written by ၶီႈၾုၼ်ႇ
သျႅမ်ႇၵဝ်ႇ Premierleague 2010-2011 Manchester United လႆႈဢွၵ်ႇလဵၼ်ႈၼႂ်းပၢင် Premierleague 2011-2012 လူၺ်ႈၵၢၼ်ပေႉ 5 ပၢင်သိုပ်ႇၵၼ်သေၸင်ႇလႆႈမႃး သမိူဝ် Stoke City 1-1 သေတႃႉ ၵူၺ်းဢွင်ႈ
တီႈ ထီႉၼိုင်ႈၽွင်းယၢမ်းလဵဝ်ၵေႃႈတူၵ်းယူႇၼႂ်းမိုဝ်းဝႆႉၼၼ်ႉယဝ်ႉ။
Manchester United တႄႇလူင်းလဵၼ်ႈပၢင်ဢွၼ်တၢင်းသုတ်းၸွမ်း West Bromwich သေဢဝ်ပေႉလႆႈၵႂႃႇ
2 ၽၵ်းတူတေႃႇ 1၊ ၶိုၼ်းသိုပ်ႇမႃးလဵၼ်ႈပၢင်သွင်ၸွမ်း Tottenham Hotspur ၼႂ်း Old Trafford သေဢဝ်
ပေႉၵႂႃႇ 3 ၽၵ်းတူတေႃႇ 0၊ ပၢင်ထီႉ 3 ၵေႃႈဢဝ်ပေႉ Arsenal ၵႂႃႇ 8 ၽၵ်းတူတေႃႇ 2၊ ပၢင်ထီႉ 4 ဢဝ်ပေႉၸုမ်း
Bolton Wanderers 5 ၽၵ်းတူတေႃႇ 0၊ ပၢင်ထီႉ 5 ဢဝ်ပေႉၸုမ်း Chelsea ၵႂႃႇ 3 ၽၵ်းတူတေႃႇၼိုင်ႈသေ
ၸင်ႇလႆႈၵိုတ်းယင်ႉၵၢၼ်ပေႉထပ်းၵၼ် 5 ၼႂ်းပၢင်ထီႉ 6 ဝၢႆးသေၵႂႃႇလဵၼ်ႈတီႈႁိူၼ်း Stoke City သေဢဝ်သမိူဝ်
ၵၼ်ပႅတ်ႈ 1 ၽၵ်းတူတေႃႇၼိုင်ႈၼၼ်ႉယဝ်ႉ။
ဢွင်ႈတီႈဢၼ်ယူႇဝႆႉထီႉၼိုင်ႈယၢမ်းလဵဝ်ၼၼ်ႉ မီးမၢၵ်ႈ 16 မၢၵ်ႈပဵင်းၵၼ်တၢင်း ၸုမ်းႁူမ်ႈမိူင်းမိူၼ်ၼင်ႇၸုမ်း
Manchester City လႄႈႁဵတ်းႁႂ်ႈယူႇသဝ်းဝႆႉဢွင်ႈတီႈထီႉၼိုင်ႈယွၼ်ႉလူၺ်ႈၽၵ်းတူသႂင်းလႆႈၼမ်သေလႄႈၸုမ်း
Manchester United ၵေႃႈတေသိုပ်ႇလဵၼ်ႈၸွမ်းၸုမ်း Norwich City သေတေသိုပ်ႇၵႂႃႇလဵၼ်ႈပၢင်လႅင်လိူတ်ႇ ၸွမ်း Liverpool ၼႂ်းဝၼ်းထီႉ 15 လိူၼ် October 2012 ၼၼ်ႉသေ မႃးသိုပ်ႇတူၺ်းဝႃႈ ဢွင်ႈတီႈထီႉၼိုင်ႈ ၼၼ်ႉ ၸင်ႇတေလႅၵ်ႈလၢႆႈပဵၼ်တၢင်ႇၸုမ်း ဢမ်ႇၼၼ်ယင်းတေပဵၼ်ၸုမ်း Manchester United သိုပ်ႇၵႂႃႇၵူၺ်း ၼႆဢွၼ်တိတ်းတၢမ်းၵႂႃႇၸွမ်းၵၼ်။
ၶႅပ်းႁၢင်ႈ http://www.manutd.com/