မၢၵ်ႇၼင်
သၢင်ႇသီႇသွမ်ႇ Chelsea Fc လႄႈ ဢွင်ႈတီႈထိ 1 Premierleague ယၢမ်းလဵဝ်
- Details
- Published on Thursday, 28 October 2010 17:42
- Written by ၶီႈၾုၼ်ႇ
ပၢင်မၢၵ်ႇၼင် Premierleague ပီ 2010 - 2011 ၼၼ်ႉၵေႃႈ ပူၼ်ႉၵႂႃႇ 9 ပၢင်ယဝ်ႉ၊ ၸုမ်းဢၼ်ယူႇႁူဝ်ထႅဝ်မၼ်း ၼၼ်ႉၵေႃႈ ပဵၼ်ၸုမ်းၼႃႈၵဝ်ႇၶိုၼ်းၵူၺ်း မိူၼ်ၸဵမ်ဢဝ် Chelsea, Arsenal, Man Utd, Man City ၶဝ်ၸိူဝ်း ၼႆႉ။ ၵူၺ်းၸုမ်းဢၼ်တီႈတူၺ်းလီလႄႈၶိုၵ်ႉၶႅမ်ႉလိူဝ်သေပိူၼ်ႈၼၼ်ႉၵေႃႈပဵၼ်ၸုမ်း Chelsea သျႅမ်ႇၵဝ်ႇၽွင်း မိူဝ်ႈ လဵဝ်ၼၼ်ႉယူႇထိ 1 သေမီးဝႆႉယူႇ 22 မၢၵ်ႈ၊ သႂင်းၽၵ်းတူလႆႈတၢင်းမူတ်း 25 လုၵ်ႈ၊ လႄႈသုမ်းပၼ် ၵူႈၶႅင်ႇ ၵႂႃႇ 2 လုၵ်ႈၵူၺ်းၼႆယဝ်ႉ။
သင်ၶိုၼ်းဝၢႆႇပွၵ်ႈမႃးတူၺ်းၸုမ်းယႂ်ႇတၢင်းမူတ်းၼႆၸိုင် မီး Chelsea ၼၼ်ႉၵူၺ်းတီႈတေၸၢင်ႈသွၼ်ႇလႆႈဝႃႈၶိုၵ်ႉ ၶႅမ်ႉယွၼ်ႉဝႃႈ ၼႂ်း 9 ပၢင်ပူၼ်ႉမႃးၼၼ်ႉဢဝ်ပေႉၵူႈၶဵင်ႇလႆႈတၢင်းမူတ်း 7 ပၢင်၊ ဢမ်ႇပေႉဢမ်ႇသုမ်း 1 ပၢင်၊လႄႈ သုမ်းၵႂႃႇ 1 ပၢင်ၵူၺ်းၼႆယဝ်ႉ။
Chelsea ၼႆႉ ပဵၼ်ၸုမ်းၶိုၵ်ႉလိုၵ်ႉၵူၺ်းဢမ်ႇၵႃး ပႃးၸဵမ်ၽူႈလဵၼ်ႈၼႂ်းၸုမ်းၵေႃႈ လဵၼ်ႈလႆႈၶိုၵ်ႉၶႅမ်ႉမိူၼ်ၼင်ႇ ယၢမ်း ၽွင်းမိူဝ်ႈလဵဝ် ၽူႈလဵၼ်ႈဢၼ် သႂင်းၽၵ်းတူလႆႈၼမ်တီႈသုတ်းၼၼ်ႉၵေႃႈပဵၼ် ၽေႃႇလွင်ႇမႃႇလူႇတႃႇ ဢၼ် သႂင်းလႆႈ 7 လုၵ်ႈ ပဵင်းၵၼ်တၢင်း တေႇဝဵတ်ႇၶွင် ၸုမ်း Man City၊ လိူဝ်သေၼၼ်ႉ ယင်းမီးထႅင်ႈ တရွၵ်ႇပႃႇ ဢၼ်သႂင်းလႆႈ 6 ႁူၺ်ႇပဵင်းၵၼ်တၢင်း ပႃႇပိူဝ်ႇတွပ်ႉ ၶွင်ၸုမ်း Man Utd ၼႆယူႇ။
ထႅင်ႈလွင်ႈဢၼ်ႁဵတ်းႁႂ်ႈ Chelsea ပဵၼ်ၸုမ်းဢၼ်ၶိုၵ်ႉၶႅမ်ႉလိူဝ်သေပိူၼ်ႈယၢမ်းမိူဝ်ႈလဵဝ်ၼၼ်ႉ ပဵၼ်ယွၼ်ႉၽူႈ ၸတ်းၵၢၼ်ၸုမ်း ဢိၵ်ႇတၢင်းၽူႈလဵၼ်ႈဢၼ်လဵၼ်ႈလႆႈၶဝ်ႈတိၼ်ၶဝ်ႈမိုဝ်းၵၼ်လီလႄႈ ၸင်ႇChelsea ပဵၼ်ၸုမ်း ဢၼ်သႂင်းၽၵ်းတူၼမ်လိူဝ်သေပိူၼ်ႈ၊ ပေႉၼမ်လိူဝ်သေပိူၼ်ႈ၊ လႄႈယူႇဝႆႉထိ 1 ၼႆယဝ်ႉ။