မၢၵ်ႇၼင်
ငဝ်းလၢႆးမၢၵ်ႇၼင် Big 4 ၼႂ်း Barclays Premier league
- Details
- Published on Monday, 29 August 2011 20:31
- Written by ၶီႈၽုၼ်ႇ
ဝၢႆးသေပၢင်မၢၵ်ႇၼင်ဢၼ်ၵူၼ်းသူင်ၵျိူၵ်ႈၼမ်လိူဝ်သေပိူၼ်ႈမိူၼ်ၼင်ႇ Barclays Premier league ၼႆတေၵႆႉ လႆႈငိၼ်း ၶေႃႈၵႂၢမ်းဝႃႈ Big 4 ၼႆယူႇ သင်တေလၢတ်ႈၼႆၸိုင် ၸၢင်ႈလၢတ်ႈလႆႈဝႃႈ ၸုမ်းယႂ်ႇၸုမ်းလူင် 4 ၸုမ်းဢၼ်
တေဢဝ်ဢွင်ႈတီႈထီႉ 1 ထိုင်ထီႉ 4 ယူႇတႃႇသေႇလႄႈၸင်ႇလႆႈၸိုဝ်ႈပဵၼ် Big 4 ၼၼ်ႉယဝ်ႉ။
ၵူႈပွၵ်ႈၼႆတေမီးၸုမ်း Manchester United, Arsenal, Chelsea လႄႈ Liverpool ဢၼ်ပဵၼ်ၸုမ်းလဵဝ်ၼႂ်း
သီႇၸုမ်းဢမ်ႇပႆႇတွၼ်ႉလႆႈသျႅမ်ႇၸဵမ်မိူဝ်ႈတႄႇၸႃႉလၢႆႈၸိုဝ်ႈသေပဵၼ် Premier league ၼၼ်ႉယၢမ်းလဵဝ်ၵေႃႈ
ၸင်ႈတေမီးလွင်ႈၵၢၼ်လႅၵ်ႈလၢႆႈမႃးၼမ်လိူဝ်သေၵဝ်ႇယွၼ်ႉလူၺ်ႈမီးလၢႆလၢႆၸုမ်း ဢၼ်ႁဵတ်းသၢင်ႈၸုမ်းလႆႈယႂ်ႇ
ၶိုၼ်ႈမႃးလိူဝ်သေၵဝ်ႇမိူၼ်ၼင်ႇၸုမ်းႁူမ်ႈမိူင်း Manchester မိူၼ်ၼင်ႇ Manchester City၊ ၸုမ်းႁူမ်ႈမိူင်း London ဢၼ်မီးၸုမ်း Arsenal လႄႈ Chelsea ႁူမ်ႈယူႇဝႆႉၵေႃႈမီးၸုမ်း Tottenham Hotspur ၵေႃႈလႆႈယုၵ်ႉ
ဢဝ်ၸုမ်းယႂ်ႇၶိုၼ်ႈမႃးသေ ၵၢၼ်ႁိမ်သျႅမ်ႇတေႃႇထိုင်ႁိမ်ဢွင်ႈတီႈ Uefa Champions League ဢၼ်ၸုမ်းလႆႈထီႉ
ထီႉ 1 ထိုင်ထီႉ 4 ၵူၺ်းတေလႆႈၵႂႃႇလဵၼ်ႈၼၼ်ႉၵေႃႈပႃးယဝ်ႉ။
ၽွင်းဢၼ်လၢႆၸုမ်းသၢင်ႈတူဝ်တႃႇတေႁႂ်ႈၸုမ်းယႂ်ႇၶိုၼ်ႈမႃးလိူဝ်ၵဝ်ႇ ၵူၺ်းၸုမ်းၼႂ်း Big 4 သမ်ႉလႆႈဢူၼ်ႈဢွၼ်ႇ
သမ်ႉဢဝ်ဢဵၼ်ႁႅင်းဢူၼ်ႈလူတ်းၵႂႃႇမိူၼ်ၼင်ႇ Liverpool လႆႈထူပ်းမႃးၼႂ်းပီ 2010 သေၼႂ်းပီ 2011 ၼၼ်ႉၵေႃႈ
မီးသုၼ်ႇတေတူၵ်းၵိၼ်းထႅင်ႈၸုမ်းမိူၼ်ၼင်ႇ Arsenal ၼၼ်ႉဝၢႆးသေလႆႈၶၢႆၽူႈလဵၼ်ႈဢၼ်လမ်ႇလွင်ႈၵႂႃႇလၢႆၵေႃႉ
မိူၼ်ၼင်ႇ chez fabregas ယၢႆႉၵႂႃႇယူႇၸွမ်း Barcelona သေ ဢမ်ႇၵႃး ဝၢႆးၼၼ်ႉၵေႃႈ Samir Nasri ၵေႃႈယၢႆႉ
ၵႂႃႇယူႇၸွမ်း Manchester City သေယင်းမီးၽူႈလဵၼ်ႈဢၼ်မၢတ်ႇၸဵပ်းဝႆႉလႄႈ ပၢင်ပိုတ်ႇ Premier League 3 ပၢင်ၵေႃႈလႆႈမၢၵ်ႈလဵဝ်သေ တူၵ်းသုမ်း Manchester United ၵႂႃႇ 8 ၽၵ်းတူတေႃႇ 2 ၼႆၼၼ်ႉယဝ်ႉ။
ၽွင်းမိူဝ်ႈလဵဝ် ပၢင် Premier League ၵေႃႈလႆႈၶႅင်ႇပူၼ်ႉၵႂႃႇ 3 ပၢင်ယဝ်ႉ၊ လၢႆၸုမ်းၵေႃႈ လဵၼ်ႈၶိုၵ်ႉမိူၼ်ၼင်ႇ
Manchester United လႄႈ Manchester City ၵေႃႈၵဵပ်းမၢၵ်ႈလႆႈ 9 မၢၵ်ႈတဵမ်သေသႂင်းၽၵ်းတူလႆႈၼမ်တၢင်း
2 ၸုမ်းသေၸုမ်းဢၼ်လႆႈသုမ်းၵေႃႈမီး ၵူၺ်းၵႃႈ ၼႂ်းၽွင်းဢၼ်ၶႅင်ႇၵၼ်တၢင်းမူတ်း 38 ပၢင်ၼၼ်ႉ ၸုမ်းလႂ်တေ
ၶိုၼ်ႈယူႇၼႂ်းဢွင်ႈတီႈ 1 ထိုင် 4 ၼၼ်ႉလႆႈၼႆမႃးသိုပ်ႇပႂ်ႉတိတ်းတၢမ်းဢၢၼ်ႇလူၸွမ်းၵၼ်ၵႂႃႇထႅင်ႈ။