မၢၵ်ႇၼင်
ပၵ်းတႃတူၺ်းၸွမ် ပၢင်သိုဝ်ႉၶၢႆ ၽူႈလဵၼ်ႈ ပွၵ်ႈၵမ်း 2
- Details
- Published on Friday, 07 January 2011 19:42
- Written by ၶီႈၾုၼ်ႇ
ဝၢႆးသေပီမႂ်ႇယဝ်ႉ ပၢင်မၢၵ်ႇၼင်ၼႂ်းၵုၼ် Europe ၵေႃႈ ႁွတ်ႈၽွင်း ပိုတ်ႇႁႃသိုဝ်ႉ တူဝ်ၽူႈလဵၼ်ႈ ၼႃႈမႂ်ႇ တႃႇတေၶဝ်ႈမႃး ၵႄႈၶႆမူၼ်ႉမေးလွင်ႈယူပ်ႈယွမ်းဢၼ်မီး ၼႂ်းပၢင်ၽွင်းလူင်းလဵၼ်ႈၼၼ်ႉယဝ်ႉ။
ၸုမ်းယႂ်ႇၼႂ်းၸိုင်ႈမိူင်းလၢႆၸိုင်ႈမိူင်း ဢွၼ်ၵၼ်တႄႇတူင်ႉတိုၼ်ႇႁႃတူၺ်းၽူႈလဵၼ်ႈမႂ်ႇ မိူၼ်ၼင်ႇလိၵ်ႉဢၼ် ယႂ်ႇတီႈ သုတ်း Man Utd, Liverpool, Man City လႄႈ Spur ၶဝ်ၸိူဝ်းၼႆႉၵေႃႈဢွၼ်ၵၼ်တူၺ်းႁႃၽူႈလဵၼ်ႈဝႆႉယဝ်ႉ။
သိုပ်ႇၶၢမ်ႈမႃးၽၢႆႇတၢင်းၸိုင်ႈမိူင်း Spian ၼၼ်ႉ တႄႇဢဝ်ၸုမ်း Real Madrid Barcelona Velencia လႄႈ Aletico Madrid ၵေႃႈတႄႇႁႃတူၺ်းၽူႈလဵၼ်ႈဝႆႉၵမ်ႈၽွင်ႈယဝ်ႉ။ လိူဝ်သေၼၼ်ႉ Italy လႄႈ Germany သွင်လိၵ်ႉၼႆႉၵေႃႈမီး လွင်ႈတူင်ႉတိုၼ်ႇၶွင်ၸုမ်းယႂ်ႇမိူၼ်ၼင်ႇ Muchnic Inter လႄႈ Milan ၶဝ်ၵေႃႈဢွၼ် ၵၼ်ႁႃတူၺ်းၽူႈ လဵၼ်ႈဝႆႉယူႇ ၼႆယဝ်ႉ။
ၵွပ်ႈၼၼ်လႄႈ ၽွင်းမိူဝ်ႈလဵဝ်လၢႆၸုမ်းယင်းယူႇၼႂ်းၽွင်းဢၼ်လူလွမ်ၽူႈလဵၼ်ႈဝႆႉၵူၺ်း ၵွပ်ႈဝႃႈပၢင်သိုဝ်ႉၶၢႆ မၼ်းတိုၵ်ႉ ပိုတ်ႇၶိုၼ်ႈမႃးလႆႈ 4 ဝၼ်းၵူၺ်းၼႆလႄႈ လွင်ႈယၢႆႉၸုမ်းၶွင်ၽူႈလဵၼ်ႈမၢၵ်ႇၼင်ၶဝ် ယင်းတေဢမ်ႇ ပႆႇၶိုၵ်ႉၶၵ်ႉၶႅမ်ႉၵႃႈႁိုဝ်။
ႁဝ်းဢွၼ်ၵၼ်မႃးသိုပ်ႇပႂ်ႉတူၺ်းဝႃႈၽွင်းပၢႆပၢင်သိုဝ်ႉၶၢႆၽူႈလဵၼ်ႈၼၼ်ႉတေပဵၼ်ႁိုဝ်ၵၼ်ၼႆ တႄႇဢဝ် 11/01/11 - 31/01/11ၼၼ်ႉ တေပဵၼ်ၶေႃႈတွပ်ႇပၼ်ႁႂ်ႈႁဝ်းလႆႈႁူႉၵၼ်ၵူႈၵေႃႉ ၼႆယူႇယဝ်ႉ။