မၢၵ်ႇၼင်
တီႈပွင်ႇ Boxing Day ၼႂ်းပၢင် Premierleague
- Details
- Published on Tuesday, 27 December 2011 16:16
- Written by Hseng Merng
ပေႃးဝႃႈပၢင်မၢၵ်ႇၼင်ၸိုင် ၵူႈလိၵ်ႉ ၼႂ်းၵုၼ် Europe ၵေႃႈတေယင်ႉၵိုတ်းလိုဝ်ႈ ၽွင်းၸမ်သဵင်ႈပီ တႄႇဢဝ် 25 လိူၼ် December တေႃႇ ႁွတ်ႈထိုင်ႁူဝ်ပီသေ ၵူႈၸုမ်းၵေႃႈ လႆႈယင်ႉၵိုတ်းလိုဝ်ႈပၼ်ၽူႈလဵၼ်ႈၵႂႃႇတႃႇႁႂ်ႈမီးတိုဝ်ႉ တၢင်းလႆႈယူႇၸွမ်းၼႃႈႁိူၼ်းလုၵ်ႈလၢင်းၼၢင်းမေးၸဝ်ႈၵဝ်ႇၼႂ်းဝၼ်း Christmas ဢၼ်ဢဝ် ဝၼ်းထီႉ 25 လိူၼ် December ဝႃႈၼၼ်ယဝ်ႉ။
ၵူၺ်းပုၼ်ႈတႃႇလိၵ်ႉဢၼ်ယႂ်ႇမၼ်းမိူၼ်ၼင်ႇ Premierleague တႄႉယင်းသိုပ်ႇလဵၼ်ႈၵႂႃႇမိူၼ်ၵဝ်ႇဢမ်ႇယင်ႉ လိုဝ်ႈသေဢမ်ႇၵႃး ယင်းသိုပ်ႇလဵၼ်ႈထပ်းၵၼ်ၵႂႃႇ 4 ထိုင် 5 ပၢင်သေ ယင်ႉလိုဝ်ႈၼႂ်းၵႄႈ 1 ပၢင်ၵေႃႈတေယင်ႉလိုဝ်ႈ 2 ထိုင်သၢမ်ဝၼ်းၵူၺ်း ၸူဝ်ႈၽွင်းၶၢဝ်းယၢမ်းၼၼ်ႉၵေႃႈပဵၼ်ၽွင်းဢၼ်ၽူႈလဵၼ်ႈလႆႈၵိုတ်းလိုဝ်ႈဢေႇလူင်း လုၵ်ႉ ဢဝ်တီႈ လႆႈလိုဝ်ႈ 4 ထိုင် 5 ဝၼ်းၵေႃႈလိူဝ်လူင်း 2 ဝၼ်းၼႂ်းၸူဝ်ႈ 2 ဝူင်ႈပၢႆၽွင်း Chirstmas ၼၼ်ႉယဝ်ႉ။ ယွၼ်ႉ ၽွင်းဢၼ်လဵၼ်ႈထီႇၸပ်းၵၼ်တေမီးၽွင်းၼၼ်ႉၵူၺ်းလႄႈ ၸင်ႇလႆႈဢွၼ်ႁွင်ႉပၢင်ၶေႉၶႅင်ႇ Premierleague ဝႃႈ ပၢင် Boxing Day ၼႆယဝ်ႉ။
ပၢင် Boxing Day ၼၼ်ႉတီႈပွင်ႇတႄႉမၼ်းတႄႉပဵၼ်ၵၢၼ်ဢၼ်တီႈ ၵီႈႁေႃႇၶူဝ်းတွၼ်ႈ ဢၼ်လႆႈႁပ်ႉၼႂ်းၸူဝ်ႈ ဝၼ်း Christmas ၵူၺ်း ဢမ်ႇၵဵဝ်ႇဝႃႈပဵၼ်ပၢင်ဢၼ်လဵၼ်ႈထီႇႁႅင်းၵျၢမ်းသေဢဝ်တႅၵ်ႈၼိူင်းၸွမ်း ပၢင်ထုပ်ႉတွႆႇသင် ၼၼ်ႉယဝ်ႉ။ ၼႂ်းပၢၼ်ၵူႈပွၵ်ႈၼၼ်ႉ လႆႈမီးၵၢၼ်တႅပ်းတတ်းတမ်းဝၢင်း ၵၢၼ်လဵၼ်ႈဢၼ်ထီႇၼမ်ၶိုၼ်ႈမႃးၼၼ်ႉ ယွၼ်ႉလူၺ်ႈၶႂ်ႈႁႂ်ႈ ၽူႈသူင်ၵျိူၵ်ႈၶဝ်လႆႈတူၺ်းမၢၵ်ႇၼင် ဢၼ်မႅၼ်ႈၽွင်းဝၼ်းယင်ႉလိုဝ်ႈယၢဝ်းလိူဝ်သေၵဝ်ႇလႄႈ ၼင်ႇႁိုဝ်ၵူၼ်းမိူင်းပေႃးလႆႈၵျေႃႇမူၼ်ႈသိူဝ်းၸႂ်လႄႈ လႆႈသိုပ်ႇလဵၼ်ႈမႃးပီယၢဝ်းၶၢဝ်းႁိုင် ဢမ်ႇလႅၵ်ႈလၢႆႈတေႃႇႁွတ်ႈ ထိုင်ယၢမ်းလဵဝ်ၼၼ်ႉယဝ်ႉ။
ပၢင်ၽွင်း Boxing Day ၼၼ်ႉဢမ်ႇၸႂ်ႈဝႃႈသိူဝ်းၸႂ်ၸွမ်း ဝၼ်းလိုဝ်ႇယၢဝ်း ၶွင်တွၼ်ႈဢၼ်လႆႈသေဢမ်ႇၵႃး ပုၼ်ႈ တႃႇၵူၼ်းၼႂ်းၸိုင်ႈမိူင်း England တႄႉလႆႈသိုပ်ႇတူၺ်းမၢၵ်ႇၼင်မႃးၼမ်လိူဝ်ၵဝ်ႇၼႂ်းဝၼ်းယင်ႉလိုဝ်ႈယၢဝ်း ၸဝ်ႈ ၵဝ်ႇၼၼ်ႉယဝ်ႉ။