ဝွၵ်းသွၼ်ႈၸႂ်

ယွၼ်ႉၵွၼ်းၾႆးတီႈ လွႆၾႆးဢႆႊယႃႊလၢၼ်ႊ လႄႈ လႆႈၵိုတ်းလိုဝ်ႈၵၢၼ်ဝိၼ်ၸူဝ်ႈၶၢဝ်း

မိူဝ်ႈပူၼ်ႉမႃးသွင်ဝူင်ၼၼ်ႉ ယွၼ်ႉၵွၼ်းၾႆးဢွၵ်ႇမႃးတီႈ လွႆၾႆးဢႆႊယႃႊလၢၼ်ႊလႄႈ ဢႆႊယႃႊလၢၼ်ႊ တင်း ဢင်းၵိတ်ႉ လႆႈၵိုတ်းယင်ႉၵၢၼ်ဝိၼ်ၼႂ်းယူးရူပ်ႊဝႆႉ ၼႆယူႇ။

ဢၢင်ႈဢိင်ၼိူဝ်ၶၢဝ်ႇ BBC လၢႆးငၢၼ်းသေ ယွၼ်ႉၵွၼ်းၾႆးတီႈဢႆႊယႃႊလၢၼ်ႊ ၶၢႆႉလူင်းပွတ်းတၢင်းတႂ်ႈလွႆး လွႆးလႄႈ ၽူႈမီးပုၼ်ၽွၼ်းၸဝ်ႈၼႃႈတီႈ ဢႆႊယႃႊလၢၼ်ႊ တင်း ဢင်းၵိတ်ႉၶဝ် လႆႈသင်ႇၸႂ်ႉၵိုတ်းယင်ႉၵၢၼ် ဝိၼ်ဝႆႉၸူဝ်ႈၶၢဝ်း ဝႃႈၼႆ။

ၶိူင်ႈဝိၼ် ဢၼ်တေမႃးတီႈ ဢႆႊယႃႊလၢၼ်ႊ ၼႂ်းဝၼ်းဢၢင်းၶၢၼ်းၼႆႉ ၸဝ်ႈၼႃႈတီႈၽၢႆႇလူလွမ်သၢႆဝိၼ်ၶဝ် ၸႂ်ႉၵိုတ်းယင်ႉဝႆႉၼႆ။

ၵွၼ်းၾႆးၸိူဝ်းၼၼ်ႉၸၢင်ႈထိုင်လႆႈတီႈ ဢႆႊယႃႊလၢၼ်ႊ ပွတ်းၼိူဝ်ပႃးယူႇၼႆ။ ၶိူင်ႈဝိၼ် ၸၵွတ်ႊတလၢၼ်ႊ ဢၼ်တေဝိၼ်ၵႂႃႇတီႈၵုၼ် ႁီႇပယိတ်ႉ ၼၼ်ႉၵေႃႈလႆႈယင်ႉလိုဝ်ႈဝႆႉ ယဝ်ႉဝႃႈၼႆ။

ၸဝ်ႈၼႃႈတီႈၽၢႆႇၶၢဝ်ႇငၢဝ်းၽူၼ်လူမ်းတီႈဢႆႊယႃႊလၢၼ်ႊလၢတ်ႈဝႃႈ ယွၼ်ႉသၢႆလူမ်းလႅၵ်ႈ လၢႆႈတၢင်းမၼ်းသေ ထူဝ်းပတ်ႉမႃးလႄႈ ၵွၼ်းၾႆးတီႈလွႆၾႆးၼၼ်ႉ ၸင်ႇပိဝ်ၶိုၼ်ႈသုင်မႃး၊ ၵွပ်ႈၼၼ်ၸင်ႇလႆႈၵိုတ်းယင်ႉ ၵၢၼ်ဝိၼ်ဝႆႉ ဝႃႈၼႆယဝ်ႉ။