ဝွၵ်းသွၼ်ႈၸႂ်

ပၢင်ႁိမ်ၵွၵ်းငိုၼ်းလူင် ယူႇၾႃႉ ပႃႇယဵၼ်ႇမျိဝ်ႇၼိၵ်ႇ လႄႈ ဢိၼ်ႇထိူဝ်ႇမီးလႅၼ်ႇ

မိူဝ်ႈဝၼ်းထီႉ 22/05/2010 ၵင်ၶမ်ႈ 01:45 မွင်းၼၼ်ႉ ပႃႇယဵၼ်ႇမျိဝ်ႇၼိၵ်ႇ (Bayern München) လႄႈဢိၼ်ႇ ထိူဝ်ႇမီးလႅၼ်ႇ (Inter Milan) မီးပၢင်ၶေႉၶႅင်ႇမၢၵ်ႇၼင် ႁိမ်ၵွၵ်းငိုၼ်းယူႇၾႃႉ (UEFA Champions League) ၵၼ်တီႈ ၵႂၢင်းၶႅင်ႇမၢၵ်ႇၼင် ရီႇယႄး မႅတ်ႉရိတ်ႉ(Real Madrid)။

တွၼ်ႈဢွၼ်တၢင်းၽၢႆႇ ပႃႇယဵၼ်ႇမျိဝ်ႇၼိၵ်ႇ လဵၼ်ႈလႆႈၼဵဝ်ၼႅၼ်ႈသေတႃႉၵေႃႈ မိူဝ်ႈမိၼိတ်ႉထိ 34 ၼၼ်ႉ ၺႃး မိလိတ်ႇထူဝ်ႇ(Milito) ၽၢႆႇ ဢိၼ်ႇထိူဝ်ႇမီးလႅၼ်ႇ သႂၢင်းၶဝ်ႈၽၵ်းတူ လႆႈလႄႈ ႁဵတ်းႁႂ်ႈ ဢိၼ်ႇထိူဝ်ႇမီးလႅၼ်ႇၼမ်း 0-1 ၽၵ်းတူသေ မူတ်းၶၢဝ်းယၢမ်းၵႂႃႇတွၼ်ႈဢွၼ်တၢင်းၵႂႃႇ။

တွၼ်ႈလင် 45 မိၼိတ်ႉတေႉ ၽၢႆႇပႃႇယဵၼ်ႇမျိဝ်ႇၼိၵ်ႇ လဵၼ်ႈလႆႈလီသေတႃႉၵေႃႈ မိူဝ်ႈမိၼိတ်ႉထိ 70ၼၼ်ႉၺႃး မိလိတ်ႇထူဝ်ႇ ၸဝ်ႈၵဝ်ႇ သႂၢင်းၶဝ်ႈၽၵ်းတူ လႆႈထႅင်ႈလႄႈ ႁဵတ်းႁႂ်ႈ ဢိၼ်ႇထိူဝ်ႇမီးလႅၼ်ႇၼမ်း 0-2 ၽၵ်းတူ သေ မူတ်းၶၢဝ်းယၢမ်းၵႂႃႇ ၼႆယူႇ။

ၵွပ်ႈၼၼ်လႄႈ ႁဵတ်းႁႂ် ဢိၼ်ႇထိူဝ်ႇမီးလႅၼ်ႇ ပေႉပႃႇယဵၼ်ႇမျႍးၼိၵ်ႇ 0-2 သေလႆႈ ၵွၵ်းငိုၼ်းလူင် ယူႇၾႃႉ ၵႂႃႇ ၼႆယဝ်ႉ။