ဝွၵ်းသွၼ်ႈၸႂ်
ၸုမ်း NGO လၢႆၸုမ်းႁူမ်ႈၵၼ်ၸတ်းဝၼ်းၼၢင်းယိင်းလုမ်ႈ ၾႃႉၶွပ်ႈၶူပ်ႇ 100 ပီတဵမ်
- Details
- Written by ၶိတ်ႉလႃး
မိူဝ်ႈဝၼ်းထိ 8.3.2011 ၸုမ်း NGO လၢႆလၢႆၸုမ်းႁူမ်ႈၵၼ်ၸတ်းဝၼ်းၼၢင်းယိင်းလုမ်ႈၾႃႉ၊ၼႂ်းၵဵင်းမႆႇ ၸိုင်ႈထႆး တီႈၼိုင်ႈ မီႈၽူႈၶဝ်ႈႁူမ်ႈတင်းသဵင်ႈၸမ် 400 လႄႈ မီးပၢင်မူၼ်းသိူဝ်းၸွမ်း မိူၼ်ၼင်ႇတၢင်းၵႃႈ ၊ ႁွင်ႉၵႂၢမ်းၸိူဝ်း ၼႆႉ။
ၽူႈၵႅဝ်ပၢင်မွၵ်ႇလၢတ်ႈၶေႃႈၵႂၢမ်းဝႃႈ- တၢင်းႁဵတ်းသၢင်ႈၶွင်ၼၢင်းယိင်းဢၼ်ပူၼ်ႉမႃးမိူဝ်ႈ 100 ပီႊ ဢၼ်ၶတ်း ၸႂ်ႁႂ်ႈမီးလွင်ႈ သုၼ်ႇလႆႈသုၼ်ႇပဵၼ်မႃးၸိူဝ်းၼၼ်ႉႁဝ်းထုၵ်ႇလီဢဝ်ၵုင်ႇမုၼ် သေႁဵတ်းသၢင်ႈၵႂႃႇၸွမ်း ။ဝၼ်းမိူဝ်ႈ ၼႆႉၼႆႉပဵၼ်ဝၼ်းလႅၵ်ႈလၢႆႈတွၼ်ႈတႃႇႁဝ်း၊ပဵၼ်ႁႅင်းၸႂ်တွၼ်ႈတႃႇလုၵ်ႈလၢၼ်ႁဝ်းတေသိုပ်ႇၵႂႃႇမိူဝ်းၼႃႈၼႆယဝ်ႉ။
ဝၼ်းၼၢင်းယိင်းလုမ်ႈၾႃႉၼႆႉ တေႇပဵၼ်မႃးတီႈမိူင်းဢမေႊရိၵၢၼ်ႊ ဝဵင်းၼဵဝ်ႊယွၵ်ႊ ပိူဝ်ႈတႃႇႁႂ်ႈလူတ်းၶၢဝ်း ယၢမ်း ႁဵတ်းၵၢၼ် ဢိၵ်ႇ ပၼ်သုၼ်ႇလႆႈၼၢင်းယိင်း ပိူဝ်ႈတႃႇႁႂ်ႈၼၢင်းယိင်းပဵၼ်ၽူႈၼမ်းတူင်ႉၼိုင်ၼႂ်းၵၢၼ်မိူင်း ၸဵမ်ၸိူဝ်းၼႆႉမႃး ၼႆယဝ်ႉ။
ယိင်းၽွၼ်း ၵူၼ်းမႃးၶဝ်ႈႁူမ်ႈပၢင်ပွႆးၵေႃႉၼိုင်ႈလၢတ်ႈဝႃႈ “ၶႃႈဝူၼ်ႉဝႃႈ ဝၼ်းၼၢင်းယိင်း လုမ်ႈၾႃႉၼႆႉလမ်ႇလွင်ႈ တွၼ်ႈတႃႇၽူႈယိင်း ဢိၵ်ႇတင်းၽူႈၸၢႆးၶဝ် ၵူႈၵေႃႉ။ ၵွပ်ႈဝႃႈဝၼ်းမိူဝ်ႈၼႆႉၵေႃႈႁဵတ်းႁႂ်ႈၵူၼ်း ၼႂ်းမိူင်းမၢၼ်ႈမီႈ သုၼ်ႇ လႆႈၸတ်းပၢင်ပွႆးမိူၼ်ပိူၼ်ႈသေဢမ်ႇၵႃး ႁဵတ်းႁႂ်ႈၸုမ်းၵူႈၸုမ်းၸုမ်းမႃးၽွမ်ႉၵၼ်၊ လႆႈဢုပ်ႇဢူဝ်း ၵၼ်ၼႂ်း ဝၼ်းလမ်ႇလွင်ႈဝၼ်းၼိုင်ႈ၊ ဝၼ်းမိူဝ်ႈၼႆႉ ၼႆႉမၼ်းတေၸၢင်ႈႁဵတ်း ႁႂ်ႈၼႄၽူႈၸၢႆးႁူႉဝႃႈ ၽူႈယိင်းၵေႃႈမီး သုၼ်ႇ လႆႈတွၼ်ႈတႃႇတူင်ႉတိုင်ၼႂ်း တူင်ႇဝူင်းၵူၼ်းယူႇမိူၼ်ၵၼ်” ဝႃႈၼႆယဝ်ႉ။
ဢိင်ၼိူဝ်ၼႂ်းၽိုၼ်လိၵ်ႈဝႂ်ပိဝ်ဢၼ်လၢႆၸုမ်းႁူမ်ႈၵၼ်ဢွၵ်ႇမိူဝ်ႈဝၼ်းထိ 8.03.2011 ၼၼ်ႉဝႃႈထိုင်ၶၢဝ်းယၢမ်း ႁဝ်း တႃႇဢွၼ်ၼမ်းၼႃႈ” (Our Time to Lead) ၼႆၼၼ်ႉသေ တၢင်းၼႂ်းမီးဝႆႉဝႃႈ- ဝၼ်းထိ 8 လိူၼ်မၢတ်ႉၶျ် ၼႆႉပဵၼ်ဝၼ်းလမ်ႇလွင်ႈတွၼ်ႈတႃႇၼၢင်းယိင်းတွၼ်ႈတႃႇႁႂ်ႈၵူၼ်းၵူႈၵေႃႉ ႁၢပ်ႉထွမ်ႇ(ၾင်း)သဵင် ၼၢင်းယိင်း။ၵူၺ်းၵႃႈဢိင်ၼိူဝ် သၢႆငၢႆ ၶၢဝ်းယၢမ်းမိူဝ်ႈလဵဝ်တႄႉဝၼ်းလဵဝ်ဢၼ်ဝႃႈ ၼၼ်ႉဢမ်ႇပဵင်းပေႃးတွၼ်ႈတႃႇၼၢင်းယိင်း တေႁႂ်ႈ ၽူႈၸၢႆး ဢိၵ်ႇလၢႆလၢႆၵေႃႉ ထွမ်(ၾင်း)သဵင်ၶဝ်၊ ၼၢင်းယိင်းထုၵ်ႇလီမီးသုၼ်ႇလႆႈလၢတ်ႈဢွၵ်ႇၼႄၵၢင် ၸႂ်ၵူႈဝၼ်းဝၼ်း ဝႃႈၼႆ။
ၼႂ်းၽိုၼ်လိၵ်ႈၼႆႉယင်းမီးၶေႃႈၵႂၢမ်းလၢတ်ႈထိုင်ၼၢင်းဢွင်ႇသၢၼ်းသုၵျီႇဝႃႈ- ၼၢင်းဢွင်သၢၼ်သုၵျီႇၼႆႉပဵၼ်ၽူႈ ၼမ်းတီႊမူဝ်ႊၶရေႊသီႊၵေႃႉၼိုင်ႈၼႂ်းမိူင်းမၢၼ်ႈသေ မၼ်းၼၢင်းပႆႇမီးသုၼ်ႇလႆႈတွၼ်ႈတႃႇဢွၼ်ႁူဝ် ၼမ်းၼႃႈ လႄႈ ၼၢင်းယိင်းႁဝ်းၵူႈၵေႃႉထုၵ်ႇလီဢွၼ်ၵၼ်ၶတ်းၸႂ်ၵႂႃႇ ၼႆယူႇယဝ်ႉ။ ပိၼ်ႇပူႇ လုၵ်ႈႁဵၼ်းၶၢင်ၵေႃႉၼိုင်ႈ လၢတ်ႈဝႃႈ “တၢင်းႁၼ်ထိုင်ၶႃႈတႄႉတွၼ်ႈတႃႇႁႂ်ႈၽူႈၸၢႆးဢိၵ်ႇၵူႈၵေႃႉဢၼ်ႁဵတ်းၼိူဝ်ၼၢင်းယိင်းၸိူဝ်း ၼၼ်ႉ ႁႂ်ႈဝႆႉတၢင်းလမ်ႇလွင်ႈၶွင်ၼၢင်းယိင်း၊” ၼႆယဝ်ႉ။
