ဝွၵ်းသွၼ်ႈၸႂ်

ၸၢဝ်းၶရိတ်ႉ တုၵ်းယွၼ်း ၶွတ်ႇၽွတ်ႈ ၸုမ်းထတ်းထွင် မိူင်းမၢၼ်ႈ

မိူဝ်ႈဝၼ်းဢၢင်းၵၢၼ်းၼႆႉ ၸုမ်းႁူမ်ႈတုမ်ၸၢဝ်းၶရိတ်ႉလုမ်ႈၾႃႉ Christian Solidarity Worldwide (CSW)လႆႈတုၵ်းယွၼ်း ထိုင်လုမ်ႈၾႃႉ UN ပိူဝ်ႈတႃႇၶွတ်ႇၽွတ်ႈၸုမ်း ထတ်းထွင်လုမ်ႈၾႃႉ (UN Commission of Inquiry ပိူဝ်ႈတႃႇမိူဝ်းထတ်း ထွင်လွင်ႈ ၸုမ်းသိုၵ်းမၢၼ်ႈ ပူၼ်ႉပႅၼ်သုၼ်ႇလႆႈ သုၼ်ႇပဵၼ်ၵူၼ်းလႄႈတဵၵ်းတဵင်ပေႉၵိၼ်ၵူၼ်း မိူင်းၸိူဝ်းၼႆႉ ၼႆ။

ၸုမ်း CSW လႆႈတႅမ်ႈလိၵ်ႈသူင်ႇထိုင်ၽွင်းလူင်ၽၢႆႇၼွၵ်ႈမိူင်းႁူမ်ႈတုမ်ယူႊရူပ်ႊၶဝ် သေတုၵ်းယွၼ်းႁႂ်ႈ ႁူမ်ႈၵၼ်ၶွတ်ႇ ၽွတ်ႈၸုမ်းထတ်းထွင်လုမ်ႈၾႃႉၼႂ်းပၢင်ၵုမ်ၵႄႈၶႆ ၵူႈ လွင်ႈလွင်ႈလုမ်ႈၾႃႉပီၼႆႉ ၼင်ႇဢၼ် တေႃႊမၢတ်ႊ ၶိၼ်ႊတႃႊၼႃႊ ၽူႈတႅၼ်းၶိုၵ်ႉ တွၼ်းၽၢႆႇသုၼ်ႇလႆႈသုၼ်ႇပဵၼ် ၵူၼ်းၵပ်းသၢၼ်လွင်ႈမိူင်းမၢၼ်ႈယၢမ်ႈတၢင်ႇလၢတ်ႈ ၵမ်ႉထႅမ်မႃးၼႆယဝ်ႉ။

ၼွၵ်ႈသေၼၼ်ႉ ၸုမ်း CSW ၼႆႉလႆႈၶဝ်ႈႁူမ်ႈၸုမ်းတူင်ႉၼိုင်တႃႇမိူင်းမၢၼ်ႈလၢႆလၢႆ ၸုမ်းသေ တုၵ်း ယွၼ်းထိုင် ၵျိူဝ်ႊ မၼ်ႊၼီႊ ပိူဝ်ႈတႃႇဢမ်ႇႁၢမ်ႈတၢပ်ႈသၢၼ်ၶတ်း လွင်ႈၼႆႉ ။

ၵဵဝ်ႇလူၺ်ႈလွင်ႈၼႆႉ ၸိူဝ်းၶဝ်တေႁူမ်ႈၵၼ်ၼႄၵၢင်ၸႂ်ပႃႈၼႃႈလုမ်းၽွင်းတၢင် ၵျိူဝ်ႊမၼ်ႊၼီႊ ဢၼ်မီးၼႂ်းဝဵင်းလၼ်ႊ တၼ်ႊ ၸိုင်ႈမိူင်းဢင်းၵိတ်း ဝႃႈၼႆယဝ်ႉ။

Irrawaddy.