ဝွၵ်းသွၼ်ႈၸႂ်

ႁဵတ်းၵၢၼ်လႅတ်းလိူဝ်ပေႃႈ

မွင်ႇငႄႇၼၼ်ႉပဵၼ်လုၵ်ႈၸၢႆးလူင်ၵူၼ်းတႅပ်းတြႃးၵေႃႉၼိုင်ႈ-

မွင်ႇငႄႇ။ ။ မိူဝ်ႈၼႆႉၶဝ်မီးလွင်ႈၶီႇရူတ်ႉၶိူင်ႈလူမ်ႉလႄႈ တပေးၶႃႈၵႂႃႇႁၼ်သေတၢင်ႇမႃးလႄႈ ၶႃႈႁွင်ႉၶဝ်မႃး တႅပ်းတတ်းတြုးပၼ်ၶဝ် ဝၼ်းလဵဝ်ၵေႃႈယဝ်ႉယဝ်ႉ ပေႃႈႁဝ်းယႃႇမႆႈၸႂ်သင်။

ၵူဝ်ႇၵြီး။ ။ ဢႃလူဝ်ႉ ၼႆႉႁႃႉ? ၵူၼ်းလႅတ်းၶၢတ်ႇလၢႆးလႆႈၵဝ်ယဝ်ႉ  ဢၢႆႈၼႆႉၵၢၼ်ၸိူဝ်းၼႆႉဢိူဝ်ႈ ႁႃလဵင်ႉမႂ်း မႃးပေႃးယႂ်ႇဢၢႆႈဢူၺ်း။

မွင်ႇငႄႇ။ ။ ၵၢၼ်ၶႃႈႁဵတ်းၼႆႉ ဝၼ်းလဵဝ်ၼႆႉ ပႆႇလႅတ်းႁႃႉ? ပေႃႈ။

ၵူဝ်ႇၵြီး။ ။မႂ်းတွင်းဝႆႉလီလီ ဢမ်ႇၵိူင်ႇတၢင်းၵဝ်ႁႃလဵင်ႉမႂ်းမႃးပေႃးယႂ်ႇ ဢမ်ႇၵိူင်ႇတၢင်းၵဝ်သူင်ႇမႂ်းႁဵၼ်း တေႃႇပေႃးလႆႈပွႆႉသေဢိတ်း ၵၢၼ်ႁႃလဵင်ႉတွင်ႉႁဝ်းတင်းႁိူၼ်းၼႆႉ ၵဝ်ဢဝ်လွင်ႈၼႆႉႁႃလဵင်ႉသူမႄႈ လုၵ်ႈမႃးၵူႈဝၼ်း ၵူႈလိူၼ် ၵူႈပီၼႆႉ ပဵၼ်လွင်ႈၵၢၼ်ဢၼ်ၼႆႉၵူၺ်းဢိူဝ်ႈ ၼိုင်ႈဝၼ်းဢမ်ႇယဝ်ႉ ပဵၼ်ၼိုင်ႈ လိူၼ်ၼိုင်ႈလိူၼ်ဢမ်ႇယဝ်ႉ ၼိုင်ႈပီ သိပ်းပီ သၢဝ်းပီ ၼႆၸၢင်ႈပဵၼ်သင်။

မွင်ႇငႄႇ။ ။ ၼႆႉႁႃႉ ၵၢၼ်တႅပ်းတတ်းတြုး ငိၼ်းၸူမ်းယဝ်ႉၶႃႈ (ၵေးၸူးတိၼ်ပႃႇပြ)။