ၶၢဝ်ႇလုမ်ႈၾႃႉ
ၽူႈၼမ်းၼႂ်းၸၢတ်ႈၸိုင်ႈလုမ်ႈၾႃႉ UN ပၢၼ်ႊၶီႊမုၼ်း မႆႈၸႂ်ၸွမ်းပၢင်ယုင်ႈ ယၢင်ႈ မိူင်း ၶႃႊၵိတ်ႊသထၢၼ်ႊ (Kyrgyzstan)
- Details
- Published on Tuesday, 15 June 2010 13:04
- Written by ႁဵဝ်းႁွမ်
ပၢၼ်ႊၶီႊမုၼ်း (Ban Ki-moon) ၽူႈၼမ်းၼႂ်းၸၢတ်ႈၸိုင်ႈလုမ်ႈၾႃႉ UN မႆႈၸႂ်ၸွမ်းလွင်ႈယုင်ႈ ယၢင်ႈမိူင်း ၶႃႊၵိတ်ႊသထၢၼ်ႊ(Kyrgyzstan) ပွတ်းၸၢၼ်း ၼႆၶၢဝ်ႇ BBC ၼေဝႆႉ ။
ပၢၼ်ႊၶီႊမုၼ်း လႆႈသင်ႇၽူႈတႅၼ်းမၼ်းၸဝ်ႈၵႂႃႇလႄႇတူၺ်းတီႈဝဵင်းလူင် ပိတ်ႊသ်ၶႅၵ်ႊ (Bishkek) ၸိုင်ႈ မိူင်းၶႃႊၵိတ်ႊသထၢၼ်ႊ (Kyrgyz) ၼႆ။
ၽူႈမီးၸၼ်ႉ ၼႂ်းပိုၼ်ႉတီႈၵေႃႉၼိုင်ႈလၢတ်ႈဝႃႈ ပၢင်ယုင်ႈယၢင်ႈသၢမ်ဝၼ်း ၼႂ်းၵႄႈၵၢင် Kyrgyz လႄႈ ၸၢဝ်းၶိူဝ်းဢူႊၸ်ပႅၵ်ႊသ် (Uzbeks) တီႈဝဵင်း Osh ၼႆႉ ႁဵတ်းႁႂ်ႈၵူၼ်းတၢႆ 100 ပၢႆ ၼႆယဝ်ႉ။
ၵူၼ်းၸၢဝ်းၶိူဝ်း ဢူႊၸ်ပႅၵ်ႊသ Uzbeks ၼပ်ႉမိုၼ်ႇ လႆႈထုၵ်ႇလိုပ်ႈၼီပၢႆႈဢွၵ်ႇမိူင်းၶၢႆႉတီႈယူႇ တၼ်းသဝ်း ဝႃႈၼႆ။
မိူဝ်းဝၼ်းတိတ်ႉပူၼ်ႉမႃးၼႆႉ လူင်ပွင်ၸိုင်ႈၸူဝ်းၶၢဝ်း မိူင်းပိတ်ႊသ်ၶႅၵ်ႊ (Bishkek) ဢဝ်ၽၢႆႇႁူမ်ႇ လူမ်ႈ တီႈၼၼ်ႈသေ တုၵ်းယွၼ်းတၢင်းၸွႆႈထႅမ်တီႈ ရတ်ႉသျႍိဝ်ႊ (Russia) ႁႂ်ႈသူင်ႇသိုၵ်းၸွႆႈ ထႅမ်ၼႂ်း ပၢင်တိုၵ်း။ ၵူၺ်းတၢင်းၽၢႆႇ မွတ်ႉသ်ၶၢဝ်ႊ (Moscow) မိူင်းလူင် ၸိုင်ႈမိူင်းရတ်ႉသျႍိဝ်ႊ လၢတ်ႈဝႃႈဢမ်ႇမီးၽႅၼ်ၶဝ်ႈ ၸိမ်ၸွမ်း ၼႆယဝ်ႉ။
ၵူၺ်းၵႃႈ ရတ်ႉသျႍိဝ်ႊ (Russia) သူင်ႇတပ်ႉသိုၵ်းတီႈဢေႇသုတ်း 150၊ တႃႇၵႅတ်ႇၶႄၵႂၢင်းႁိူဝ်း မိၼ် ရတ်ႉသျႍိဝ်ႊ ဢၼ်မီးတီႈမိူင်း ၶႃႊၵိတ်ႊသ ထၢၼ်ႊ (Kyrgyzstan) ပွတ်းႁွင်ႇ ၼႆယဝ်ႉ။
