ၶၢဝ်ႇလုမ်ႈၾႃႉ
ဝၼ်းၵိူတ်ႇ မၼ်းတေႊလႃႊ ၶွပ်ႈၶူပ်ႇ 92 ပီ
- Details
- Published on Monday, 19 July 2010 12:24
- Written by လဵၵ်းလႅင်
ၼေႊသၼ်ႊမၼ်ႊတေႊလႃႊ ၽူႈလႆႈႁပ်ႉသူး ငမ်းယဵၼ် ၼူဝ်ႊပႅဝ်ႇ သေယၢမ်ႈပဵၼ်ၸွမ်ၸိုင်ႈၵေႃႉဢွၼ်တၢင်း သုတ်းၼႂ်းဢၾိၵ(Africa) ပွတ်းၸၢၼ်း ၶွပ်ႈၶူပ်ႇဝၼ်းၵိူတ်ႇ 92 ပီ သေၵူၼ်းမိူင်းႁူမ်ႈၵၼ်ယွင်ႈယေႃးၼႂ်းဝၼ်းၵိူတ်ႇ မၼ်းၸဝ်ႈၼႆ။
သိုဝ်ႇၶၢဝ်ႇ ဢၢၼ်ႊၸႃးသီးလႃႊ ပိုၼ်ၶၢဝ်ႇ မိူဝ်ႈဝၼ်းထိ 19/7/2010 ဝႃႈ ၼေႊသၼ်ႊမၼ်ႊ တေႊလႃႊလႆႈႁဵတ်း ပွႆးဝၼ်းၵိူတ်ႇၸွမ်း လုၵ်ႈမေးတီႈႁိူၼ်းသဝ်းမၼ်း ၼႂ်းဝဵင်း ယူဝ်ႊႁၼ်ႊ ဢဵတ်ႉသပိူၵ်ႊလ် ၼႆယဝ်ႉ။
ၵူႈပီပူၼ်ႉမႃး တၢင်းၽၢႆႇ UN လႆႈပွင်သၢင်ႈဝၼ်းၵိူတ်ႇၼေႊသၼ်ႊမၼ်ႊတေႊလႃႊၸွမ်ၸိုင်ႈ ၵေႃႉဢွၼ်တၢင်း သုတ်းၶွင်ၸၢဝ်းၶိူဝ်းၵူၼ်းၽိဝ်လမ် ၼႂ်း ဢၢပ်ႊၾ်ၾရိၵ ပွတ်းၸၢၼ်း ပဵၼ်ဝၼ်းၶွင် ၼေႊသၼ်ႊမၼ်ႊ တေႊလႃႊ တင်းလုမ်ႈၾႃႉပိူဝ်ႈတႃႇၶုၵ်းၸႂ်လႆႈ ၸဝ်ႈၶွင် သူးငမ်းယဵၼ်ၼူဝ်ႊပႅဝ်ႊဢၼ်မၼ်းၸဝ်ႈ ၶတ်း ၸႂ်တႃႇၵႄႈလိတ်ႈ ပၼ်ႁႃလွင်ႈ သုၵ်ႉယုင်ႈ ၵူၺ်းဢမ်ႇၵႃးယင်းႁဵတ်းႁႂ်ႈမီးလွင်ႈၽွမ်ႉႁူမ်ႈၼႂ်းၸၢဝ်း ၶိူဝ်း တင်းပုၼ်ႈသုၼ်ႇလႆႈသုၼ်ႇ ပဵၼ်ၵူၼ်းပႃး ဝႃႈၼႆယဝ်ႉ။
ၼႂ်းဝၼ်းထိ 19.7.2010 ၼႆႉ ၵူၼ်းမိူင်းဢွၼ်ၵၼ်ၸွႆႈႁဵတ်းတၢင်းလီပၼ်ဝၢၼ်မိူင်းတႃႇ 67 မီႉၼိတ်ႉပိူဝ်ႈ တႃႇ ယွင်ႈယေႃးမၼ်းၸဝ်ႈ ဢၼ်လႆႈႁဵတ်းၵၢၼ်မိူင်းမႃးတႃႇ 67 ပီ သေႁူမ်ႈၵၼ်ႁဵတ်းလွင်ႈမူတ်းသႂ်ပၼ် ဝၢၼ်ႈ မိူင်းၽဵဝ်ႈပတ်းႁူင်းႁဵၼ်း လႄႈ ဢွၼ်ၵၼ်ၵႂႃႇပၼ် ႁႅင်းၸႂ်လႄႈ တူၺ်းထိုင်ၵူၼ်းထဝ်ႈၸိူဝ်းယူႇတီႈႁိူၼ်းသဝ်း ၵူၼ်းထဝ်ႈ ဝႃႈၼႆယဝ်ႉ။
