ၶၢဝ်ႇလုမ်ႈၾႃႉ
ၼမ်ႉထူမ်ႈမိူင်းပႃႊၵိတ်ႊသ်တၢၼ်ႊ ၵူၼ်းလႆႈၶၢႆႉတီႈယူႇတင်းၼမ်
- Details
- Published on Monday, 23 August 2010 15:27
- Written by ႁဵဝ်းႁွမ်
မိူဝ်ႈ 22.8.2010 ဝၼ်းတိတ်ႉၼႆႉ ၼမ်ႉထူမ်ႈ မိူင်းပႃႊၵိတ်ႊသ်တၢၼ်ႊ ပွတ်းၸၢၼ်း ၸေႈတွၼ်ႈ သိၼ်ႊတ် (Sindh) လႄႈ ႁူဝ်ၵူၼ်းမွၵ်ႈ 200,000 (သွင်သႅၼ်) လႆႈၶၢႆႉပၢႆႈၽေးၼမ်ႉထူမ်ႈၼႆ ၶၢဝ်ႇ ABC News ၼေဝႆႉ။
ၵွပ်ႈၼမ်ႉထူမ်ႈႁၢဝ်ႈႁႅင်းလႄႈ ၵူၼ်းတၢႆတီႈဢေႇသုတ်း 1,600 ၵေႃႉ၊ ႁူဝ်ၵူၼ်း 4 လၢၼ်ႉပၢႆ ႁၢမ်းတီႈယူႇတၼ်း သဝ်းၼႆ။
ၸုမ်းၽၢႆႇပၢႆးယူႇလီၸၢတ်ႈၸိုင်ႈလုမ်ႈၾႃႉ (United Nations World Health Organization) လၢတ်ႈဝႃႈ ၵူၼ်း ၸိူဝ်း ထုၵ်ႇၼမ်ႉထူမ်ႈၼၼ်ႉ မိူဝ်ႈလဵဝ်ၸပ်းတၢင်းပဵၼ်ၶႆႈၼၢဝ် ၵွပ်ႈၺႃးၼမ်ႉဝူၺ်ႇႁင်ႈ ဝႃႈၼႆ။
မိူဝ်ႈဝၼ်းထိ 23.8.2010 ၵၢင်ၼႂ်ၸဝ်ႉၼႆႉ ၸုမ်းၽၢႆႇယႃႈယႃ (medical teams) ၶဝ်လႆႈၶဝ်ႈၸွႆႈလိူဝ် ၵူၼ်းၸိူဝ်း ထုၵ်ႈၼမ်ႉထူမ်ႈလႄႈပဵၼ်ၶႆႈၼၢဝ်ၸိူဝ်းၼၼ်ႉ ဝႃႈၼႆ။
ၸၢတ်ႈၸိုင်ႈလုမ်ႈၾႃႉ (United Nations) ၵေႃႈၸွႆႈလိူဝ်ၵူၼ်းၸိူဝ်းထုၵ်ႇၼမ်ႉထူမ်ႈ တီႈမိူင်းပႃႊၵိတ်ႊသ်တၢၼ်ႊ ၼမ်သုတ်း 900 လၢၼ်ႉတေႃႇလႃႇ (900$) ဝႃႈၼႆယဝ်ႉ။
