ၶၢဝ်ႇလုမ်ႈၾႃႉ
US-Asean တိုၵ်းသူၼ်းႁႂ်ႈသၢင်ႈလွင်ႈၶိုၼ်း လီၵၼ်ၼႂ်းၸိူဝ်ႉၸၢတ်ႈ
- Details
- Published on Tuesday, 28 September 2010 10:20
- Written by ၼဵတ်းသၢၼ်ႈ
ဢၼ်လူင်ပွင်ၸိုင်ႈမိူင်းဢမေႊရိၵၢၼ်ႊ တိုၵ်ႉၸႂ်ႉပေႃႊလသီႊ ၵပ်းသၢၼ်တိုၵ်းသူၼ်း မိူင်းမၢၼ်ႈယူႇၼၼ်ႉၽူႈ ၼမ်းဢႃႊသီႊယၢၼ်ႊၶဝ် ႁူမ်ၸူမ်းတေႉတေႉ ၼႆ။
ၼႂ်းၶေႃႈပိုၼ်ၽၢဝ်ႇ ၽူႈၼမ်းဢမေႊရိၵၢၼ်ႊ တင်းၽူႈၼမ်းမိူင်းဢႃႊသီႊယၢၼ်ႊ ပွၵ်ႈၵမ်းသွင်ၼၼ်ႉပႃးဝႆႉဝႃႈ လွင်ႈဢၼ်ဢမေႊရိၵၢၼ်ႊတင်းဢႃႊသီႊယၢၼ်ႊၵပ်းသၢၼ်ၵၼ်ၶိုတ်းၶိုတ်းၸမ်ၸမ်ၼၼ်ႉပဵၼ်ၶၵ်ႉတွၼ်ႈ ၼိုင်ႈ ပိူဝ်ႈတႃႇႁႂ်ႈမိူင်းမၢၼ်ႈသၢင်ႈလွင်ႈၶိုၼ်းလီၵၼ်ၼႂ်းၸိူဝ်ႉၸၢတ်ႈလႄႈယုမ်ႇယမ်ဝႃႈမိူင်းမၢၼ်ႈတေမီးလွင်ႈ လႅၵ်ႈလၢႆႈတင်းၵၢၼ်မိူင်း ၵၢၼ်မၢၵ်ႈမီး ၸိူဝ်းၼႆႉမႃးယူႇ ဝႃႈၼႆ။
မိတ်ႉသ်တိူဝ်ႇ သုပႃႊလၵ်ႊ (Mr. Su Pa lak) ၽူႈထတ်းလိၵ်ႈၽိုၼ်ၶၢဝ်ႇ The Nation ၼႂ်းၸိုင်ႈထႆးလၢတ်ႈဝႃႈ ၵူၺ်းၵႃႈတႃႇႁႂ်ႈၸုမ်းသိုၵ်းမၢၼ်ႈလႅၵ်ႈလၢႆႈမႃးၸႅတ်ႈၸၢင်ႇ မၢၼ်ႇမႅၼ်ႈၼၼ်ႉ ၽူႈၼမ်းဢမေႊရိၵၢၼ်ႊတင်း ၽူႈၼမ်းဢႃႊသီႊယၢၼ်ႊ ၶဝ်ထုၵ်ႇလႆႈတိုၵ်းသူၼ်း မိပ်ႇငႅၼ်းလိူဝ်ၵဝ်ႇယူႇ ဝႃႈၼႆယဝ်ႉ။
