ၶၢဝ်ႇလုမ်ႈၾႃႉ
ၵမ်ႊပူႊၶျႃႊ တင်း ထႆး တေဢုပ်ႇၵၼ်လွင်ႈ လႅၼ်လိၼ်
- Details
- Published on Friday, 08 October 2010 09:35
- Written by ႁဵဝ်းႁွမ်
ႁုၼ်ႊသၢၼ်ႊ (Hun Sen) ၸွမ်ၽွင်းလူင်မိူင်းၵမ်ႊပူႊၶျႃႊ တင်းၼၢႆးဢၽိသိတ်ႊ ဝဵတ်ႊၶျႃႊၶျိဝႃႊ (Abhisit Vejjajiva) ၸွမ်ၽွင်းလူင်မိူင်းထႆး ဢုပ်ႇၵၼ်လွင်ႈလႅၼ်လိၼ် ၵမ်ႊပူႊၶျႃႊ လႄႈ ထႆး ၵဵဝ်ႇလူၺ်ႈလွင်ႈဝတ်ႉ ၽြႃႊဝိႁၢၼ် ဢၼ်မီးပၼ်ႁႃၵၼ်ၼႆ။
ၼႂ်းပၢင်ၵုမ်ဢႃႊသီႊယၢၼ်ႊ ပွၵ်ႈထီႉ 17 ဢၼ်တေၸတ်းတီႈ မိူင်းဝႅတ်ႉၼၢမ်း ဝဵင်းႁႃႊၼွႆႊၼႂ်းပၢႆလိူၼ်ၼႆႉၼၼ်ႉ ၽူႈၼမ်းသွင်မိူင်းတေဢုပ်ႇၵၼ် ၵဵဝ်ႇလူၺ်ႈလႅၼ်လိၼ်မၵ်းၶႅၼ်ႈ ၵၼ်ၸိူဝ်းၼၼ်ႉ ဝႃႈၼႆ။
မိူဝ်ႈမိူင်းလုၵ်ႈၸုမ်း ဢႃႊသီႊယၢၼ်ႊၸတ်းႁဵတ်းပၢင်ၵုမ်ပွၵ်ႈထီႉ 8 တီႈမိူင်းပႅတ်ႊၵျီႊယၢမ်ႊဝဵင်းပရပ်ႉ သႅၼ်ႊလ် ၼၼ်ႉၵေႃႈ ၽွင်းလူင်တင်းသွင်ၽၢႆႇႁူပ်ႉထူပ်းဢုပ်ႇၵုမ်ၵၼ်ယူႇ ၼႆယဝ်ႉ။
မိူဝ်ႈပီ 2008 ၼၼ်ႉ သွင်ၽၢႆႇပဵၼ်ပၢင်တိုၵ်းၵၼ်လႄႈ ၵူၼ်းသိုၵ်းဢမ်ႇယွမ်း 8 ၵေႃႉလႆႈလုသုမ်းသၢႆၸႂ်မႃး ။ ပၼ်ႁႃလႅၼ်လိၼ် ၵမ်ႊပူႊၶျႃႊ တင်း ထႆးၼႆႉမီးပၼ်ႁႃလွင်ႈဝတ်ႉမႃး လၢႆလၢႆပီယဝ်ႉ ဝႃႈၼႆ။
