ၶၢဝ်ႇလုမ်ႈၾႃႉ
လွင်ႈၽိုၵ်းၽွၼ်ႉၵၢၼ်သိုၵ်း ၸၢင်ႈပဵၼ်ပၢင်တိုၵ်း ၼိဝ်းၵလီးယိူဝ်ႊ
- Details
- Published on Tuesday, 14 December 2010 14:20
- Written by ႁဵဝ်းႁွမ်
ဢၼ်ၵူဝ်ႊရီႊယိူဝ်ႊၸၢၼ်း လႄႈ ဢမေႊရိၵၢၼ်ႊ ၽိုၵ်းၽွၼ်ႉၵၢၼ်သိုၵ်းၸွမ်းၵၼ်ၼၼ်ႉ
ၸၢင်ႈပဵၼ်မႃးပၢင် တိုၵ်းၼိဝ်းၵလီးယိူဝ်ႊဢၼ်ၼိုင်ႈၼႆ
ၵူဝ်ႊရီႊယိူဝ်ႊႁွင်ႇပၼ်ၾၢင်ႉ။
ၶၢဝ်ႇ VOA ၼေဝႆႉဝႃႈၸွမ်းႁၢတ်ႇသၢႆး ၽၢႆႇမိူင်းၵူဝ်ႊရီႊယိူဝ်ႊၸၢၼ်းၼၼ်ႉ ဢဝ်ၵွင်ႈလူင် တင်းဢဵၼ်ႁႅင်းသိုၵ်း ႁၢင်ႈႁႅၼ်းဝႆႉယူႇၼႆ။
ယွၼ်ႉၵွပ်ႈၵူဝ်ၽၢႆႇၵူဝ်ႊရီႊယိူဝ်ႊႁွင်ႈ ဢဝ်ႁိူဝ်းမိၼ်တိုၵ်းၵူဝ်ႊရီႊယိူဝ်ႊၸၢၼ်းလႄႈ ၸင်ႇ ႁၢင်ႈႁႅၼ်းတႃႇႁႄႉ ၵင်ႈပၼ်ၵူၼ်းမိူင်းၵူဝ်ႊရီႊယိူဝ်ႊၸၢၼ်း ပိူဝ်ႈတႃႇပၢႆႈမႅပ်းယူႇၼႂ်းလုၵ်း ဝႃႈၼႆ။
ၵူဝ်ႊရီႊယိူဝ်ႊႁွင်ႇလၢတ်ႈဝႃႈ ဢၼ်ၵူဝ်ႊရီႊယိူဝ်ႊၸၢၼ်းၶဝ် သိုပ်ႇၽိုၵ်းၽွၼ်ႉၶိူင်ႈသိုၵ်း ၵွင်ႈၵၢင်ႇ လူင်ၸိူဝ်းၼၼ်ႉ မိူၼ်တင်းတႃႇႁႂ်ႈၵုၼ်ၵူဝ်ႊရီႊယိူဝ်ႊပဵၼ်ပၢင်တိုၵ်းၼိဝ်းၵလီး ယိူဝ်ႊ ၵူၺ်းဝႃႈၼႆ။
ၵူၺ်းၵႃႈ ၽူႈမီးၸၼ်ႉၵူဝ်ႊရီႊယိူဝ်ႊၸၢၼ်းၵေႃႉၼိုင်ႈလၢတ်ႈဝႃႈ ပၢင်တိုၵ်းဢၼ်ၼႆႉ တေဢမ်ႇ ၸမ်လႅၼ်လိၼ် ၵူဝ်ႊရီႊယိူဝ်ႊၸၢၼ်းလႄႈ ၵူဝ်ႊရီႊယိူဝ်ႊႁွင်ႇ ဝႃႈၼႆ။
