ၶၢဝ်ႇလုမ်ႈၾႃႉ
သူႊတၢၼ်ႊတေလူင်းယင်ႇၵၢင်ၸႂ် ၵူၼ်းမိူင်း ပိူဝ်ႈတႃႇပွတ်းၸၢၼ်း ၽၢတ်ႇဢွၵ်ႇပဵၼ်မိူင်းၵွၼ်းၶေႃ
- Details
- Published on Thursday, 06 January 2011 12:40
- Written by Kham Sai
ဝူင်ႈတေမႃးၼႆႉသူႊတၢၼ်ႊတေလူင်းယင်ႇၵၢင်ၸႂ်ၵူၼ်းမိူင်း ပိူဝ်ႈတႃႇတႅပ်းတတ်းၸိုင်ႈမိူင်းပဵၼ် 2 ပုၼ်ႈ။
မိူင်းသူႊတၢၼ်ႊပွတ်းၸၢၼ်း တေၽႄဢွၵ်ႇၸိုင်ႈမိူင်းသူႊတၢၼ်ႊပွတ်းႁွင်ႇသေ ပဵၼ်မိူင်းလွတ်ႈလႅဝ်း ၵွၼ်းၶေႃ။
ၸုမ်းၶၢဝ်ႇၼွၵ်ႈမိူင်းလၢႆးငၢၼ်းဝႃႈ ၵူၼ်းမိူင်းသူႊတၢၼ်ႊ (မိူင်းသူႊတၢၼ်ႊပဵၼ်မိူင်းယႂ်ႇသုတ်း ၼႂ်းၵုၼ် ဢႃႊၾိၵ) တေယင်ႇၵၢင်ၸႂ် ၼႂ်းဝၼ်းထိ 9.01.2011 ၼႆႉပိူဝ်ႈတႃႇ ႁႂ်ႈပွတ်းၸၢၼ်းၽၢတ်ႇဢွၵ်ႇ ပဵၼ်မိူင်း ၵွၼ်းၶေႃ တီႈပွတ်းႁွင်ႇလႆႈဢမ်ႇလႆႈၼႆ။
လွင်ႈၼႆႉတေလႆႈဝႃႈ ပဵၼ်ၵၢၼ်တႅပ်းတတ်းသၢႆငၢႆၸိုင်ႈမိူင်း ဝၢႆးသေမီးသိုၵ်းၵၢင်မိူင်းမႃးထိုင် 22 ပီ လႄႈ တိုၵ်ႉ လူင်းလၢႆးမိုဝ်းၶေႃႈမၼ်ႈၵႅၼ်ႇငမ်းယဵၼ်ၸွမ်းၵၼ်လႆႈ 6 ပီ။
ႁူဝ်ၵူၼ်းမိူင်း သူႊတၢၼ်ႊတင်းမူတ်းမီးမွၵ်ႈ 42 လၢၼ်ႉ။ ၵူၼ်းမိူင်းပွတ်းႁွင်ႇၵမ်ႈၼမ် ပဵၼ်ၸၢဝ်း မူႊသလိမ်ႊ- ဢႃႊရပ်ႉ လႄႈ မီးဢႃႊၼႃႊၼိူဝ်ပွတ်းၸၢၼ်း ဢၼ်မီးႁူဝ်ၵူၼ်းမွၵ်ႈ 8.5 လၢၼ်ႉ။ ၸိူဝ်းၼၼ်ႉ ၵမ်ႈပႃႈၼမ်ပဵၼ် ၵူၼ်းၼပ်ႉထိုဝ် ၶရိတ်ႉသ် လႄႈ ၼပ်ႉထိုဝ်ၽီ။
မိူဝ်ႈလဵဝ် ၸွမ်ၸိုင်ႈမိူင်းသူႊတၢၼ်ႊပဵၼ် ဢူဝ်းမႃးလ် ဢပ်ႉတဵဝ်ႊလ် ပႃးၶျႍိဝ်ႊ လႄႈ ၽူႈဢွၼ်ႁူဝ်ပွတ်းၸၢၼ်း ပဵၼ် သႃႊဝႃႊ ၶိူဝ်ႊလ် ၽူႈၼမ်းၵဝ်ႇၸုမ်း လုၵ်ႉၽိုၼ်ႉ လူင်ပွင်ၸိုင်ႈ ဝႃႈၼႆယဝ်ႉ။
