ၶၢဝ်ႇလုမ်ႈၾႃႉ
ၶိူင်ႈဝိၼ်မိူင်းဢီႊရၢၼ်ႊတူၵ်း ၵူၼ်းတၢႆ 70 ပၢႆ
- Details
- Published on Monday, 10 January 2011 12:12
- Written by ႁဵဝ်းႁွမ်
ၵွပ်ႈငဝ်းလၢႆးၽူၼ်လူမ်းၸွမ်း လႅၼ်လိၼ် ၸဵင်ႇႁွင်ႇဝၼ်းတူၵ်း
မိူင်းဢီႊရၢၼ်ႊႁၢႆႉႁႅင်းလႄႈ မိူဝ်ႈဝၼ်းထိ 09.01.2011
မိူဝ်ႈဝႃးၼႆႉၶိူင်ႈဝိၼ်မိူင်းဢီႊရၢၼ်ႊ လမ်းၼိုင်ႈဢၼ်မီးၵူၼ်းၶီႇၶိူင်ႈဝိၼ်
106 ၵေႃႉတူၵ်းတီႈဢေႇ သုတ်းၵူၼ်းတၢႆ 71 ၵေႃႉ။
မႃႊမုတ်ႊမူဝ်ႊသႃႊၽႃႊ (Madmoud Mozaffar) ႁူဝ်ၼႃႈၸုမ်းပၢႆးယူႇလီၶႂၢႆႇၶႃပေလႅင် လၢတ်ႈတီႈ ႁူင်းပွႆႇၶၢဝ်ႇ လူင်ပွင်ၸိုင်ႈဢီႊရၢၼ်ႊ ဝႃႈ ၶိူင်ႈဝိၼ်လမ်းၼႆႉ တူၵ်းတီႈၸဵင်ႇႁွင်ႇဝၼ်းတူၵ်း မိူင်းဢီႊ ရၢၼ်ႊ တီႈဝဵင်းတီႊႁီႊ ယၢၼ်ႊ ၽွင်းၵိုင်ႉၵၢင်ႉၶတ်းလူမ်းဝိၼ်လူင်းလႄႈ ဢဝ်ၶိူင်ႈဝိၼ်တူၵ်း။ ၵူၼ်းမၢတ်ႇၸဵပ်း 35 ၵေႃႉ ၼႆ။
ၸဝ်ႈၼႃႈတီႈၽူႈမီးၸၼ်ႉမိူင်းဢီႊရၢၼ်ႊလၢတ်ႈဝႃႈ ၵူၼ်းၸိူဝ်းၵိုတ်းၵမ်ႈၽွင်ႈၼၼ်ႉ မၢတ်ႇၸဵပ်း ႁၢဝ်ႉႁႅင်းလႄႈ တိုၵ်ႉမီးယူႇတီႈႁူင်းယႃၵေႃႈမီး၊ ၵမ်ႈၽွင်ႈၵေႃႈမၢတ်ႇၸဵပ်းဢိတ်းဢွတ်း ဝႃႈၼႆ။
မိတ်ႊသတိူဝ်ႊ မူဝ်ႊသႃႊၽႃႊလၢတ်ႈဝႃႈ ၶိူင်ႈဝိၼ်တူၵ်းၼႂ်းၼႃး ၸမ်ဝဵင်းဢူႊရူႊမီႊယႃႊ၊ ၶိူင်ႈဝိၼ် ပဵၼ်ပိတ်းပဵၼ် ပွတ်းၵႂႃႇမူတ်း ၵူၺ်းၵႃႈၶိူင်ႈၸၢၵ်ႈမၼ်းဢမ်ႇမီးလွင်ႈတႅၵ်ႇသင် ၼႆ။
လွင်ႈႁိူဝ်းဝိၼ်တူၵ်းပွၵ်ႈၼႆႉ ယင်းပႆႇႁူႉလွင်ႈတၢင်းမၼ်းၸႅင်ႈလႅင်းလီ ဢၼ််လႆႈႁူႉတႄႉ ယွၼ်ႉတီႈလႅၼ်လိၼ် ၼၼ်ႉ ၼမ်ႉၼၢႆးသုမ်ႇၵုမ်ႈဝႆႉ။ တႃႇၸွႆႈထႅမ် ၵူၼ်းထူပ်းၽေးလွတ်ႈဢႃယုသၢႆၸႂ်ၵေႃႈမီးလွင်ႈထူပ်းတၢင်းယၢပ်ႇ ၽိုတ်ႇ ဝႃႈၼႆ။
