ၶၢဝ်ႇလုမ်ႈၾႃႉ
ၸုမ်းဢၼ်ဢမ်ႇႁူႉလွင်ႈဝႃႈသုမ်း ၼႂ်းပၢင်ၽရီႇမျႃႇလိၵ်ႉ 2010 - 2011
- Details
- Published on Saturday, 18 December 2010 17:30
- Written by ၶီႈၾုၼ်ႇ
သင်မႃးလၢတ်ႈထိုင်ၸုမ်း Man Utd ၼႆၸိုင် လွင်ႈၸိုဝ်ႈသဵင်လႄႈ ၼမ်ႉၵတ်ႉၼၼ်ႉတႄႉဢမ်ႇလူဝ်ႇလၢတ်ႈထိုင်
ၽွင်းမိူဝ်ႈလဵဝ်ၵေႃႈ ပဵၼ်ၸုမ်းဢၼ်လႆႈ သျႅမ်ႇလိၵ်ႉ 18 ပွၵ်ႈပဵင်းၵၼ်တၢင်း Liverpool ၸုမ်းဢၼ်တိုၵ်ႉလုၵ်ႉ
တိုၵ်ႉလူမ်ႉဝႆႉယူႇ ၼၼ်ႉယဝ်ႉ။
ပၢင်မၢၵ်ႇၼင် ၽရီႇမျႃႇလိၵ်ႉပီ 2010-2011 ၼၼ်ႉၵေႃႈၸုမ်း ၽီၾႆးလႅင်ၼၼ်ႉယင်းတိုၵ်ႉပဵၼ်ၸုမ်းလဵဝ်ဢၼ် ဢမ်ႇႁူႉဝႃႈလွင်ႈသုမ်းၼႆႉပဵၼ်ၸိူင်ႉႁိုဝ် ၽွင်းမိူဝ်ႈလဵဝ်ၵေႃႈပဵၼ် ၸုမ်းဢၼ်ဢဝ်ဢွင်ႈတီႈထိ 1 ဝႆႉယူႇၼၼ်ႉယဝ်ႉ။
ပုၼ်ႈတႃႇပၢင်ဢၼ် ၸုမ်းၽီၾႆးလႅင်းလူင်းလဵၼ်ႈၼၼ်ႉၵေႃႈယဝ်ႉတူဝ်ႈၵႂႃႇတင်းမူတ်း 16 ပၢင်ပေႉၽူႈၶဵၼ်ၵႂႃႇလႆႈ 9 ပၢင် ဢမ်ႇဢဝ်ပေႉၽႂ်လႆႈတင်းမူတ်း 7 ပၢင် ၼႂ်း 9 ပၢင်ဢၼ်ပေႉလႆႈၵႂႃႇၼၼ်ႉၵေႃႈပဵၼ် ပၢင်ဢၼ်ၶိုၼ်းထူပ်း ၸုမ်းယႂ်ႇၼင်ႇၵၼ် မိူၼ်ၼင်ႇဢဝ်ပေႉၸုမ်း Liverpool ၵႂႃႇ 3 ၽၵ်းတူတေႃႇ 2 လႄႈ ပၢင်ပွၵ်ႈထိ16 ၼၼ်ႉၵေႃႈ ဢဝ်ပေႉၸုမ်းယႂ်ႇလူင် Arsenal ၵႂႃႇလႆႈ 1 ၽၵ်းတူတေႃႇ 0 ၼႆယဝ်ႉ။
ပုၼ်ႈတႃႇပၢင် ၸုမ်းယႂ်ႇၶိုၼ်းထူပ်းၵၼ်ၶိုၼ်းၼၼ်ႉၵေႃႈ တႃႇ Man Utd ၼၼ်ႉ လိူဝ်ပၢင်ပုၼ်ႈတႃႇတေထူပ်းၸုမ်း
Chelsea ၼၼ်ႉထႅင်ႈပၢင် 1 ၼႆ ဢွၼ်ၵၼ်မႃးသိုပ်ႇမုင်ႈမွင်းဝႃႈ မႅၼ်ႇယူႇ ၼၼ်ႉၸွင်ႇတေႁူႉၸၵ်းလွင်ႈလူႉသုမ်း ၼႂ်းပၢင်မၢၵ်ႇၼင်ပီ 2010 - 2011 သေဢမ်ႇၵႃး ၸွင်ႇတေၸင်ႈပဵၼ်ပႃး သျႅမ်ႇဢၼ်တေႁဵတ်းႁႂ်ႈ ၸုမ်းၸဝ်ႈၵဝ်ႇ ပဵၼ်ၸုမ်းဢၼ်လႆႈသျႅမ်ႇလိၵ်ႉသုင်းသုတ်း 19 ပၢင်တႅၼ်းတၢင် Liverpool ဢၼ်ပဵၼ်ဝႆႉ 18 ပွၵ်ႈၼၼ်ႉၼႆပႂ်ႉ မုင်ႈမွင်းၼႂ်းပၢင်ၸိူဝ်းဢၼ်လိူဝ်ဝႆႉယူႇၼၼ်ႉတေပဵၼ်ၶေႃႈတွပ်ႈပၼ်ၼႆယဝ်ႉ။
