ၶၢဝ်ႇလုမ်ႈၾႃႉ
ဢိင်ႇသၼ်ႇတီႈလႅၼ်လိၼ် မိူင်းၶႄႇ- မၢၼ်ႈ ၵူၼ်းတၢႆ 24 ၵေႃႉ
- Details
- Published on Friday, 11 March 2011 17:22
- Written by ၶိတ်ႉလႃး
လူင်ပွင်ၸိုင်ႈမိူင်းၶႄႇလၢတ်ႈမိူဝ်ႈဝၼ်ႈထိ 10.3.2011 ဝႃႈ ယွၼ်ႉဢိင်ႇသၼ်ႇတီႈ မိူင်းၶႄႇ ယူႊၼၢၼ်ႊလႄႈ မီးၵူၼ်းတၢႆ ဢေႇသုတ်း 24 ၵေႃႉ လုသုမ်းလင်ႁိူၼ်းမွၵ်ႈႁူဝ် ပၢၵ်ႇ ၼႆ။
ၽိုၼ်ၶၢဝ်ႇလူင်ပွင်ၸိုင်ႈမိူင်းၶႄႇ ပိုၼ်ႇၽၢဝ်ႇဝႃႈ ဢၼ်ဢိင်ႇသၼ်ႇတီႈ ၸေႈတွၼ်ႈ ယိၼ်ၸၢၼ်ႊမိူဝ်ႈဝၼ်း ၽတ်းၼၼ်ႉ မီးၵူၼ်းမၢတ်ႇ 200 ပၢႆ။ ၵူၺ်းၼႂ်းမိူင်းမၢၼ်ႈတႄႉ ဢမ်ႇမီးလၢႆးငၢၼ်းၶၢဝ်ႇဢွၵ်ႇ ဝႃႈပဵၼ်သင် ၼႆ။
ၼွၵ်ႈသေၼၼ်ႉလွင်ႈမၢတ်ႇၸဵပ်း လုသုမ်းၸိူဝ်းၼၼ်ႉ လူင်ပွင်ၸိုင်ႈမိူင်းၶႄႇ တင်းသိုၵ်းႁၢၼ်ၶဝ်ႁူမ်ႈၵၼ်လႆႈၸွႆႈ ထႅမ်ပၼ်ယူႇ ၼႆယဝ်ႉ။
ဢိင်ၼိူဝ်ၵၢၼ်လဵပ်းႁဵၼ်း ပူႊပိ ဢမေႊရိၵၢၼ်ႊ ဝႃႈ- ဢိင်ႇသၼ်ႇတီႈ ၸဵင်ႇၸၢၼ်းဝၼ်းတူၵ်းၸေႈမိူင်းယူႊ ၼၼ်ႊ ဝဵင်းတႃႊလီႊၼၼ်ႉ ႁႅင်းထိုင် 5.4 ၼႆယဝ်ႉ။
