ၶၢဝ်ႇလုမ်ႈၾႃႉ

ၶွင်ႊသီႊ ႁူမ်ႇလူမ်ႈလုမ်ႈၾႃႉတႅပ်းတတ်း ႁၢမ်ႈႁိူဝ်းမိၼ်ၶိုၼ်ႈလူင်း ၼႂ်းမိူင်းလိပ်ႊပီႊယႃႊ

ၶွင်ႊသီႊႁူမ်ႇလူမ်ႈၸၢတ်ႈၸိုင်ႈလုမ်ႈၾႃႉ တႅပ်းတတ်းႁၢမ်ႈ ႁိူဝ်းမိၼ် ၶိုၼ်ႈလူင်းၼႂ်းမိူင်း လိပ်ႊပီႊယႃႊ လူၺ်ႈ ၶႅပ်းၵၢင်ၸႂ် 10 ၶႅပ်း၊ ဢမ်ႇမီးၶႅပ်းသၢၼ်ၶတ်းသေ လႆႈၸႂ်တူၵ်းၶေႃႈ တႅပ်းတတ်း 1973/ 2011 ၼႆ။

ၼႂ်းၼၼ်ႉမိူင်းၸိူဝ်းဢမ်ႇ ဢမ်ႇပၼ်ၶႅပ်းၵၢင်ၸႂ် ၼၼ်ႉပဵၼ်မိူင်းပႃႊရႃႊၸီႊ၊ မိူင်းၶႄႇ၊ မိူင်းၵျႃႊမၼီႊ၊မိူင်းဢိၼ်ႊ တီႉယိူဝ်ႊ လႄႈ မိူင်းရတ်ႊသိူဝ်ႊ ၼႆ ၽွင်းလူင်ၽၢႆႇၼွၵ်ႈမိူင်း မိူင်း သပဵၼ်ႊ လၢတ်ႈ။

ယွၼ်ႉတပ်ႉ မိတ်ႉၸတႃႊ ၵတႃႊၾီႊ ၽူႈၼမ်းၸိုင်ႈမိူင်းလိပ်ႊပီႊယႃႊ ယင်းပွႆႇမၢၵ်ႇၽဵဝ်ႈယႃႉၸုမ်းၽူႈ ဢွၵ်ႇ ၼႄၵၢင်ၸႂ်ၶဝ်ယူႇ လႄႈ တႃႇဢဝ်လွင်ႈႁူမ်ႇလူမ်ႈၵူၼ်းမိူင်းလိပ်ႊပီႊယႃႊၼၼ်ႉၶွင်ႊသီႊႁူမ်ႇလူမ်ႈၸၢတ်ႈ ၸိုင်ႈလုမ်ႈၾႃႉၸင်ႇ ဢုပ်ႇၵၼ်သေ တႅပ်းတတ်းႁႂ်ႈ မိူင်းလိပ်ႊပီႊယႃႊ ပဵၼ်ၼႃႈလိၼ်ႁၢမ်ႈႁိူဝ်းမိၼ် ၶိုၼ်ႈလူင်း။ ၼႂ်းၶေႃႈတႅပ်းတတ်းၼၼ်ႉပႃးဝႆႉဝႃႈ တပ်ႉသိုၵ်းမိူင်း လႂ်သေဢမ်ႇဝႃႈ တၵ်းဢမ်ႇလႆႈသိမ်းမိူင်း လိပ်ႊပီႊယႃႊဝႃႈၼႆ။

ၶၢဝ်ႇၼႂ်းမိူင်းလိပ်ႊပီႊယႃႊ လၢႆးငၢၼ်းပၼ်ၾၢင်ႉဝႆႉဝႃႈ သင်ဢဝ်ၵၢၼ်သိုၵ်း ၶဝ်ႈတိုၵ်းၼႂ်းမိူင်းလိပ်ႊပီႊယႃႊ ၸိုင်  ႁိူဝ်းမိၼ်၊ ႁိူဝ်းၼမ်ႉ ၸိူဝ်းၵႂႃႇမႃးလႄႈ မိၼ်ၼိူဝ်ၼမ်ႉပၢင်ႇလၢႆႇၸိူဝ်းၼၼ်ႉ ၸၢင်ႈထူပ်းၽေး။ ၸိူဝ်း ၼၼ်ႉပဵၼ်တီႈ ႁိူဝ်းသိုၵ်းၵႂႃႇမႃးလႄႈ ပဵၼ်တီႈ ယိူင်းမၢႆတႃႇတိုၵ်း လိပ်ႊပီႊယႃႊ ဝႃႈၼႆ။

မူဝ်ႊမႃႊၵတႃႊၾီႊ ၽူႈၼမ်ႊမိူင်းလိပ်ႊ ပီႊယႃႊပၼ်ၾၢင်ႉ သတိထိုင်ၸုမ်းလုၵ်ႉႁိုၼ်ႇသၢၼ်ၶတ်းမိူဝ်ႈ ၶွင်ႊသီႊႁူမ်ႇ လူမ်ႈပႆႇတႅပ်းတတ်းလွင်ႈၼႆႉဝႃႈ ႁႂ်ႈၵူၼ်းၸိူဝ်းလုၵ်ႉႁိုၼ်ႇသၢၼ်ၶတ်းၸိူဝ်းယူႇပွတ်းဢွၵ်ႇမိူင်း လိပ်ႊပီႊယႃႊ တီႈဝဵင်းပၢၼ်ႊၵႃႊသီႊ ဝၢင်းၶိူင်ႈ၊ ပေႃးဢမ်ႇၼၼ် လူင်ပွင်ၸိုင်ႈ တေတိုၵ်း ဝႃႈၼႆ။