ၶၢဝ်ႇလုမ်ႈၾႃႉ
ၸွမ်ၸိုင်ႈ သႃႊလ်ၵူဝ်ႊသိ မိူင်းၽရင်ႇသဵတ်ႊ ပိုၼ်ၽၢဝ်ႇ- သင်သုမ်းပၢင်လိူၵ်ႈတင်ႈ တေဢမ်ႇႁဵတ်းၵၢၼ်မိူင်း
- Details
- Published on Thursday, 26 January 2012 14:48
- Written by သႅင်ႁၢၼ်
ၸွမ်ၸိုင်ႈ သႃႊလ်ၵူဝ်ႊသိ မိူင်းၽရင်ႇသဵတ်ႊ ပိုၼ်ၽၢဝ်ႇဝႃႈသင်ဝႃႈသုမ်းပၢင်လိူၵ်ႈတင်ႈ ဢၼ်တေ ၸတ်းၶိုၼ်ႈမႂ်ႇၼႆႉ ၸိုင် တေဢမ်ႇႁဵတ်းၵၢၼ်မိူင်းယဝ်ႉၼႆ။
ၸုမ်းၶၢဝ်ႇၼွၵ်ႈမိူင်းလၢႆးငၢၼ်းမိူဝ်ႈဝၼ်းထိ 25.01.12 ဝႃႈ ၸွမ်ၸိုင်ႈ ၼိၵူဝ်ႊလတ်ႉသ် သႃႊလ် ၵူဝ်ႊ သိ (Nicolas Sarkozy) မိူင်းၾရင်ႇသဵတ်ႊဝႃႈ မီးတိုဝ်ႉတၢင်းတႃႇသုမ်းပၢင်လိူၵ်ႈတင်ႈ ပဵၼ်ၸွမ်ၸိုင်ႈ ၾရင်ႊသဵတ်ႊ (French) ယွၼ်ႉၵၢၼ်လဵပ်ႈႁဵၼ်း ပၢႆးဝူၼ်ႉၵူၼ်းမိူင်း မိူဝ်ႈပူၼ်ႉမႃး။ သင်သုမ်းပၢင် လိူၵ်ႈ တင်ႈၸိုင် တေၵိုတ်းလဵၼ်ႈၵၢၼ်မိူင်း သေၸႂ်ႉၶၢဝ်းယၢမ်းႁႃႁဵတ်းၵၢၼ်လဵင်ႉတွင်ႉတူဝ်ၵဝ်ႇ ၼႆယဝ်ႉ။
ၼႂ်းလၢႆးငၢၼ်း လၢတ်ႈထႅင်ႈဝႃႈ မိူဝ်ႈၼႃႈၼႆႉ ၽူႈဢွၼ်ႁူဝ် ၾရင်ႊသဵတ်ႊ တိုၵ်ႉမီးလုၵ်ႈႁူမ်ႈၸွမ်း ၼၢင်းၶႃႊလ်လႃႉ ပရူႊၼီႉ ၵေႃႉပဵၼ်မေး လႄႈ ၽူႈယိင်းထိၼိုင်ႈ ၶွင်ၸိုင်ႈမိူင်း သေထုၵ်ႇၸိၼေး လၢႆလၢႆလွင်ႈႁူမ်ႈထိုင်လွင်ႈႁပ်ႉ ငိုၼ်း တီႈၵေႃႉတေပုတ်ႈဢမူၺ်ႇ “လေႃႊရီႊဢဝ်လ” ပိူဝ်ႈ တႃႇ လႅၵ်ႈၸွမ်း လူၺ်ႈဢမ်ႇလႆႈသၢင်းၶွၼ်ႇ။
မိူဝ်ႈလဵဝ် ၼၢင်းၶႃႊလ်လႃႉၵေႃႈ ထုၵ်ႇၸိၼေးဝႃႈ ဢဝ်ငိုၼ်းတိုၼ်းလူႇတၢၼ်း ၸွႆႈလိူဝ် ၵူၼ်းပဵၼ် ဢဵတ်ႇသ်၊ ဢူၼ်း ၶဝ်ႈ သဵၼ်ႈမၢႆငိုၼ်းၶွင် ဢူၺ်းၵေႃႉ ၸမ်ၸႂ် တီႈဝဵင်းပႃႊရိတ်ႉသ် ဝႃႈၼႆယဝ်ႉ။
ပၢင်လိူၵ်ႈတင်ႈၸွမ်ၸိုင်ႈၾရင်ႇသဵတ်ႊၼႆႉ တေမီးၶိုၼ်ႈၼႂ်းလိူၼ် April လႄႈ ပၢတ်ႈသွင်ၼႂ်းလိူၼ်မေႊ (Second week of May) ဝႃႈၼႆယဝ်ႉ။
