|
တႅမ်ႈ - လၢၼ်ဢွၼ်ႇ
|
|
Tuesday, 20 July 2010 01:33 |
|
ၽူႈမီးၸၼ်ႉသုိၵ်းမၢၼ်ႈ ၼႂ်းဝဵင်းၵဵင်းတွင်း ၸီႉသင်ႇတိၺွပ်းၵူၼ်းလူင်ၼႂ်းဢူိင်ႇ ၵမ်ႈၽွင်ႈ ယွၼ်ႉလဵင်ႉၶဝ်ႈ ၸုမ်း သုိၵ်းတႆးပွတ်းၸၢၼ်းၼႆ လႅင်ႇၶၢဝ်ႇပွင်ႇမႃး။
သုိၵ်းမၢၼ်ႈၵဵင်းတွင်းလႆႈၶၢဝ်ႇ သုိၵ်းတႆးပွတ်းၸၢၼ်း မိူဝ်းပႂ်ႉႁပ်ႉၵူၼ်းသုိၵ်းမႂ်ႇ ေသ ၵူၼ်းလူင်ၽူႈမီး ၸၼ်ႉ သုိၵ်းမၢၼ်ႈၵဵင်းတွင်းလႆႈသင်ႇလူင်းၸွမ်းၵူႈတပ်ႉ ဢွၵ်ႇႁႃသွၵ်ႈၼႂ်းထူိၼ်ႇ ဝႃႈၼႆ။
ၵူၼ်းပႆၢႈၶဝ်ႈမႃး တင်းလႅၼ်လိၼ်ထႆး ေၵႃႉၼုိင်ႈလၢတ်ႈဝႃႈ “ၵူၼ်းၸူိဝ်းႁဵတ်းမႆႉ တၢင်းတူၵ်းတဵင်းေၵႃႈၶဝ် (သိုၵ်းမၢၼ်ႈ) ဢွၵ်ႇေၶႃႈႁၢမ်ႈဝႆႉဝႃႈၽႂ်ေတဢမ်ႇလႆႈၵႂႃႇႁဵတ်း။ မူိဝ်ႈဝၼ်းထိ 5.7.2010 ၼၼ်ႉသိုၵ်းမၢၼ်ႈႁွင်ႉ ပူႇႁဵင် ပူႇၵၢင်ႉ ၼႂ်းဢူိင်ႇၵူႈဢူိင်ႇဢူိင်ႇၵႂႃႇၶုိၼ်ႈပၢင်ၵုမ်တီႈတူၼ်ႈႁုင်း။ ဝႆၢးပၢင်ၵုမ်ယဝ်ႉယဝ်ႉတိၺွပ်းၵူၼ်းလူင် ၼႂ်းဢူိင်ႇတူၼ်ႈႁုင်း3-4 ေၵႃႉ ၶင်ၶွၵ်ႈဝႆႉ ထိုင်မူိဝ်ႈလဵဝ် ယင်းပႆႇပွႆႇၶုိၼ်း ” ဝႃႈၼႆ။
ၵူၼ်းဝၢၼ်ႈေၵႃႉၼၼ်ႉ သုိပ်ႇလၢတ်ႈဝႃႈ ဝႆၢးၼၼ်ႉယဝ်ႉ ႁူဝ်ၶမ်ႈမွၵ်ႈ 8:00 မွင်းပႆၢသုိၵ်းမၢၼ်ႈမႃးဝႅတ်ႉ ႁူိၼ်းပူႇ ႁဵင်ဝၢၼ်ႈပၢင်ႇၵျွင်း ႄလႈ ႁူိၼ်းၵူၼ်းဝၢၼ်ႈေၵႃႉၼုိင်ႈေသႄၼးဝႃႈ လဵင်ႉၶဝ်ႈ၊ လဵင်ႉၼမ်ႉၸုမ်းသုိၵ်းတႆးပွတ်း ၸၢၼ်း။ ပူႇႁဵင် ႄလႈ ၵူၼ်းဝၢၼ်ႈေၵႃႉၼၼ်ႉႁူႉတူဝ်တၼ်းေသ ပၢႆႈဝႆႉဢွၼ်တၢင်းႄလႈ သုိၵ်းမၢၼ်ႈၸူိဝ်းမႃး ဝႅတ်ႉႁူိၼ်းၼၼ်ႉ ဢမ်ႇတၼ်းတီႉလႆႈတူဝ်ၶဝ်။ မူိဝ်ႈလဵဝ် ပူႇႁဵင်ႄလႈ ၵူၼ်းဝၢၼ်ႈေၵႃႉၼၼ်ႉၵႂႃႇမီး တီႈလႂ်ၽႂ် ယင်းႁူႉၶၢဝ်ႇငၢဝ်းၶဝ် ဝႃႈၼႆ။
မူိဝ်ႈလဵဝ် တီႈႁူိၼ်းၶဝ်ၼၼ်ႉ သုိၵ်းမၢၼ်ႈ ၵႆႉၵႆႉမိူဝ်းငွႆးတူၺ်းၵူႈၶုိၼ်းႄလႈ တီႈၵဵင်းတွင်းၼႆႉမႅၼ်ႈၽွင်းသုၵ်ႉ သၵ်ႉေသၵူၼ်းဝၢၼ်ႈ ဢွၼ်ၵၼ်ၵူဝ် ၵဵဝ်ႇလူၺ်ႈလွင်ႈၼႆႉ ဝႃႈၼႆယဝ်ႉ။
|
ၶၢဝ်ႇ 
မႆၢဝၼ်း 27.08.2010
