ၶၢဝ်ႇမိူင်းတႆး
ၽူၼ်လူင်တူၵ်းႁႅင်း ၼမ်ႉလူၵ်ႈ မိူင်းဢိၼ်ႊတူဝ်ႊၼီႊသျိဝ်ႊ တင်း ဝႅတ်ႉၼၢမ်း
- Details
- Published on Tuesday, 05 October 2010 10:00
- Written by ႁဵဝ်းႁွမ်
ၽူၼ်လူင်တူၵ်းႁႅင်းၼႃႇလႄႈ ၼမ်ႉထူမ်ႈ မိူင်းဢိၼ်ႊတူဝ်ႊၼီႊသျႍိဝ်ႊ တင်း မိူင်းဝႅတ်ႉၼၢမ်းမီးၵူၼ်းလုတၢႆ ၽွင်ႈၼႆ ၶၢဝ်ႇ voa ၼေဝႆႉ။
တီႈမိူင်းပႃႊပူဝ်ႊပွတ်းတူၵ်း (West Papua) ပွတ်းဢွၵ်ႇၸိုင်ႈမိူင်းဢိၼ်ႊတူဝ်ႊၼီႊသျႍိဝ်ႊၼၼ်ႉၼမ်ႉၵိုင်ႉၵၢင်ႉ ထူမ်ႈလႄႈ လင်ႁိူၼ်း၊ ႁူင်းႁဵၼ်းၸိူဝ်းၼႆႉထုၵ်ႇၼမ်ႉထူမ်ႈ၊ ၵူၼ်းတၢႆဢမ်ႇယွမ်း 15 ၵေႃႉဝႃႈၼႆ။သဵၼ်ႈ တၢင်း ၶူဝ်ၸိူဝ်းၼႆႉၵေႃႈလုလႅဝ်ၵွႆလႄႈ ၸဝ်ႈၼႃႈတီႈၽူႈမီးပုၼ်ႈၽွၼ်းၶဝ်ၶဝ်ႈၸွႆႈထႅမ်ၵေႃႈထူပ်းတၢင်းယၢပ်ႇ ၽိုတ်ႇၼမ် ဝႃႈၼႆ။
တီႈမိူင်း ဝႅတ်ႉၼၢမ်း ပွတ်းၵၢင်ၵေႃႈ ၽူၼ်လူင်တူၵ်းႁႅင်းယႂ်ႇၼႃႇလႄႈ ၵူၼ်းတၢႆဢမ်ႇယွမ်း 6 ၵေႃႉၼႆၸဝ်ႈ ၼႃႈတီႈ ၽူႈမီးပုၼ်ႈၽွၼ်းမိူင်း ဝႅတ်ႉၼၢမ်း ၵေႃႉၼိုင်ႈလၢတ်ႈၼင်ႇၼႆ။ ႁူဝ်ၵူၼ်း မွၵ်ႈ 13,000 လႆႈၶၢႆႉတီႈ ယူႇတၼ်းသဝ်း ၼီပၢႆႈတႃႇဢဝ်တူဝ်ၸႂ်ယူႇလွတ်ႈဝႃႈၼႆ။
