ၶၢဝ်ႇမိူင်းတႆး

ႁိူဝ်း​ၵူၼ်း​ပၢႆႈ​ၽေး​ပၢင်​တိုၵ်း​မိူင်း​လိပ်ႊ​ပီႊ​ယႃႊ ၸူမ်​ႁၢႆ​ႁိမ်း​ၽၢင်ႇ​ဢီႊ​တႃႊ​လီႊ တၢႆ​ဢမ်ႇ​ယွမ်း 250 ၵေႃႉ

ဝၢႆး​သေ ႁိူဝ်း​ပိၼ်ႈ​ၸူမ်​ၵၢင်​ပၢင်ႇ​လၢႆႇ မေး​တီႊ​တိူဝ်ႊ​ရေ​ၼီႊယ် ၼွၵ်ႈ​ၽၢင်ႇ​ပၢင်ႇ​လၢႆႇ​ဢီႊ​တႃႊ​လီႊ ယဝ်ႉ​ၵူၼ်း ပၢႆႈ​ၽေး​ပၢင်​တိုၵ်း​မိူင်း​လိပ်ႊ​ပီႊ​ယႃႊ ၸူမ်​ႁၢႆ​ႁိမ်း​ၽင်ႇ​ဢီႊ​တႃႊ​လီႊ တၢႆ​ဢမ်ႇ​ယွမ်း 250 ၵေႃႉ​ထိုင်​ယၢမ်း လဵဝ် ၸုမ်း​ၸွႆႈ​လိူဝ်​ဢီႊ​တႃႊ​လီႊ​တိုၵ်ႉ​ၸွႆႈ​လႆႈ 48 ၵေႃႉ​ၵူၺ်း ၼႆ။

ၸုမ်း​ၶၢဝ်ႇ​ၼွၵ်ႈ​မိူင်း​လၢႆး​ငၢၼ်း​မိူဝ်ႈ ဝၼ်း​ထိ 7.04.2011 ဝႃႈ မီး​ႁိူဝ်း​ၸူမ်ၼႂ်း​ၵၢင်​ပၢင်ႇ​လၢႆႇ မေး​တီႊ​တိူဝ်ႊ​ရေ ၼီႊယ် ၼွၵ်ႈ​ၽင်ႇ​ပၢင်ႇ​လၢႆႇ​ဢီႊ​တႃႊ​လီႊ​သေ ႁဵတ်းႁႂ်ႈ​ၵူၼ်း​ပၢႆႈ​ၽေး​ၸၢဝ်း​လိပ်ႊ​ပီႊ​ယႃႊ​ၸူမ်​ၼမ်ႉ​ႁၢႆ​ဢမ်ႇ ယွမ်း 250 ၵေႃႉ လႄႈ​တေ​လႆႈ​ဝႃႈ​ပဵၼ်​လွင်ႈ​လူႉ​သုမ်း​ၵူၼ်း​မိူင်း​လိပ်ႊ​ပီႊ​ယႃႊ ဢၼ်​ၶတ်းၸႂ်​ပၢႆႈ ပူၼ်ႉတႂ်ႈ ဢုပ်ႉ​ပိူင်ႇ​လူင်​ပွင်​ၸိုင်ႈ မူး​ဢမ်ႊ​မႃႊလ် ၵတ်ႉ​တႃႊ​ၾိ ဢၼ်​တဵၵ်း​တဵင် ပူၼ်ႉပႅၼ်ၵူၼ်းမိူင်း။

ၼႂ်းလၢႆး​ငၢၼ်း​လၢတ်ႈ​ထႅင်ႈ​ဝႃႈ ႁိူဝ်း​လမ်း​ၼၼ်ႉ​တၢင်ႇ​ၵူၼ်း​ပၢႆႈ​ၽေး​ၸၢဝ်း​လိပ်ႊ​ပီႊ​ယႃႊ မွၵ်ႈ 300 ၵေႃႉ​ပၢႆ။
ႁိူဝ်း​ပိၼ်ႈ​ယွၼ်ႉ​ႁွၼ်​ၼမ်ႉ​ႁႅင်းၼႂ်း​ပၢင်ႇ​လၢႆႇ​မေး​တီႊ​တိူဝ်ႊ​ရေ​ၼီႊယ် ၼွၵ်ႈ​ၽင်ႇ ဢီႊ​တႃႊ လီႊ​မိူဝ်ႈ​ဝၼ်း ထိ 6/4/2011 သေ​ႁဵတ်းႁႂ်ႈ​မီး​ၵူၼ်း​ၸူမ်​ႁၢႆ​ဢမ်ႇ​ယွမ်း 250 ၵေႃႉ။ လႅပ်ႈ​တၢႆ​မူတ်း ယဝ်ႉ​ၼႆ။ ၼႂ်း​ၽွင်း​လဵဝ် ၵၼ်​ၸုမ်း​ၸွႆႈ​လိူဝ် ဢီႊ​တႃႊ​လီႊ တိုၵ်ႉ​ၸွႆႈ​လႆႈ 48 ၵေႃႉ​ၵူၺ်း။ တေ​လႆႈ ဝႃႈ​ပဵၼ်​လွင်ႈ​လူႉ​သုမ်းယႂ်ႇ​လူင် သုတ်း ၼႂ်း​ယူႊ​ရူပ်ႊ ၼႂ်း​ႁွပ်ႈ​လၢႆ​သိပ်း​ပီ​ၶွင် ၵူၼ်း​ပၢႆႈ​ၽေး ဢၼ်ၶႂ်ႈ​ဢွၵ်ႇ​ပူၼ်ႉ​ၵုၼ် ဢႃႊ​ၾိ​ၵ လႄႈ​ၶတ်းၸႂ် ၶၢမ်ႈ​ပၢင်ႇ​လၢႆႇ​ပိူဝ်ႈ​တႃႇ​သေႃႉ​ႁႃ​တီႈ​ၵတ်း​တီႈ​ယဵၼ် ၼႆ​ယဝ်ႉ။

ၸုမ်း​ၸွႆႈ​လိူဝ်​ၵူၼ်း​ပၢႆႈ​ၽေး​ႁိုဝ် ဢႆႊဢူဝ်ႊ​ဢႅမ်ႊ လၢတ်ႈ​ဝႃႈ​ၵူၼ်း​ပၢႆႈ​ၽေး​ၸိူဝ်း​လုၵ်ႉ​မိူင်း​လိပ်ႊ​ပီႊ​ယႃႊ​မႃး ၵမ်ႈ ၼမ်​တိုၵ်ႉ​တိုၼ်ႇ​ၵူဝ် လွင်ႈ​ႁိူဝ်း​ၸူမ်​ပွၵ်ႈ​ၼႆႉ​ယူႇ ဝႃႈ​ၼႆ​ယဝ်ႉ။

ၸုမ်း​ယၢမ်း ၽင်ႇ​ဢီႊ​တႃႊ​လီႊ​လၢတ်ႈ​ဝႃႈ လွင်ႈ​ႁိူဝ်း​ၸူမ်​ၼႆႉ ပဵၼ်​တီႈ ၼွၵ်ႈ​ၽင်ႇ​ၶွင်​ၵုၼ် ဢမ်ႊ​ပေႊ​တူႊ သႃႊ ၶွင်​ဢီႊ​တႃႊ​လီႊ တီႈ​ယူႇ​ၸမ် ၽင်ႇ​ပၢင်ႇ​လၢႆႇ​ပွတ်း​ၸၢၼ်း​ၶွင် ၵုၼ်​ဢႃႊ​ၾိ​ၵ လႄႈ​ယုမ်ႇ​ယမ်​ဝႃႈ​ႁိူဝ်း လမ်း​ၼႆႉ လုၵ်ႉ​တီႈ​မိူင်း​လိပ်ႊ​ပီႊ​ယႃႊ​ဢွၵ်ႇ​မႃး​လႆႈ 2 ဝၼ်း​ယဝ်ႉ ဝႃႈ​ၼႆ။