ၶၢဝ်ႇမိူင်းႁူမ်ႈတုမ်
ၼမ်ႉထူမ်ႈတီႈမိူင်းပရႃႊၸီႊလ် (Brazil ) ၵူၼ်းတၢႆမွၵ်ႈ 800
- Details
- Published on Monday, 24 January 2011 13:58
- Written by ႁဵဝ်းႁွမ်
လွင်ႈၽူၼ်လူင်တူၵ်းႁႅင်း ၼမ်ႉထူမ်ႈ၊ လိၼ်ၵူၼ်ႇၸမ်ဝဵင်းရီႊယူဝ်ႊတေႊ ၸၼ်ႊၼေႊယိူဝ်ႊရႍဝ်ႊ( Rio de Janeiro) တီႈမိူင်းပရႃႊၸီႊလ်(Brazil )ၼၼ်ႉ ထိုင်မိူဝ်ႈလဵဝ်ႁူဝ်ၵူၼ်းၸိူဝ်းတၢႆယွၼ်ႉၼမ်ႉထူမ်ႈ မီးထိုင် 800 ပၢႆၼႆ ၶၢဝ်ႇ ABC ၼေဝႆႉ။
ၸဝ်ႈၼႃႈတီႈၽူႈမီးပုၼ်ႈၽွၼ်းၶဝ် ဢဝ်သၢႆမၢႆႁူဝ်ၵူၼ်းၸိူဝ်းတၢႆမီးထိုင် 803 ၵေႃႉလႄႈ ၵူၼ်းၸိူဝ်းမၢတ်ႇၸဵပ်း ယင်းမီးထႅင်းတင်းၼမ် ဝႃႈၼႆ။
ႁွင်ႈၵၢၼ်ၽၢႆႇၵႅတ်ႇၶႄ လူလွမ်ပၢႆးယူႇလီၵူၼ်းမိူင်း (the national Civil Defence agency and Department of Health) ဢဝ်သၢႆမၢႆဝႆႉဝႃႈ တီႈလႅၼ်လိၼ် ထႄႊရီႊသူဝ်ႊၽေႃႊလိတ်ႊ (Teresopolis) ၼၼ်ႉႁူဝ်ၵူၼ်းတၢႆမီး 324 လႄႈ တီႈမိူင်းၼူဝ်ႊဝႃႊ ၾရီႊပိူဝ်ႊၵူဝ်ႊ (Nova Friburgo) ၸမ်ဝဵင်းရီႊယူဝ်ႊ တေႊၸၼ်ႊၼေႊယိူဝ်ႊရႍဝ်ႊ ၼၼ်ႉ ၵူၼ်းတၢႆမီး 389 ၵေႃႉ ဝႃႈၼႆယဝ်ႉ။
မိူဝ်ႈဝၼ်းသဝ် ပူၼ်ႉမႃးၼႆႉ ၸဝ်ႈၼႃႈတီႈၽူႈမီးပုၼ်ႈၽွၼ်းၶဝ်လႆႈဢဝ်သၢႆမၢႆ ၵူၼ်းမၢတ်ႇၸဵပ်းတင်း မူတ်းမီး 417 ထိုင် 430 ဝႃႈၼႆ။
ၽၢႆႇပၢႆးယူႇလီ Rio’s လၢတ်ႈဝႃႈ ၵူၼ်းမိူင်း 13,830 လႆႈပၢႆႈၵႂႃႇယူႇၸွမ်းလႅၼ်လိၼ်၊ ၵွပ်ႈဝႃႈႁိူၼ်းယေး တီႈယူႇ တၼ်းသဝ်းလုၵွႆပႅတ်ႈ ဝႃႈၼႆ။
