ၶၢဝ်ႇမိူင်းႁူမ်ႈတုမ်
ၵေႃႊမသျိၼ်ႊ ငမ်းယဵၼ် တင်းၸၢဝ်းၶိူဝ်း
- Details
- Published on Monday, 01 August 2011 08:30
- Written by သိုဝ်ႇႁႅင်းၼုမ်ႇ
ပႃႇတီႇၸၢဝ်းၶိူဝ်းၶဝ် လႆႈႁူမ်ႈၵၼ်တၢင်ႇၼႄ ဢူးတိၼ်ႇဢေးႁူဝ်ပဝ်ႈၵေႃႊမသျိၼ်ႊ ပၢင်လိူၵ်ႈတင်ႈ မိူင်းမၢၼ်ႈသေလႆႈ ဢုပ်ႇ ဢူဝ်းၵၼ်ပႃးပၼ်ႁႃၵၢၼ်မိူင်းလႄႈတၢင်ႇၼႄ လွင်ႈတေၶွတ်ႇၽွတ်ႈ ၵေႃႊမသျိၼ်ႊ ငမ်းယဵၼ်ၸိုင်ႈမိူင်းၽွင်းပဵၼ် ပၢင်တိုၵ်းသိုၵ်း ၼႂ်းမိူင်းမိူၼ်မိူဝ်ႈလဵဝ် ဝႃႈၼႆ။
ဢူးတိၼ်ႇဢေး ႁူဝ်ပဝ်ႈၵေႃႊမသျိၼ်ႊ လိူၵ်ႈတင်ႈမိူင်းမၢၼ်ႈၶိုၼ်းလၢတ်ႈဝႃႈ ၼႆႉပဵၼ် လိူင်ႈဢၼ်ၵဵဝ်ႇၸွမ်း ၽွင်းတႅၼ်း ၵူၺ်းဝႃႈၼႆယဝ်ႉ။
ၵွပ်ႈပႃႇတီႇ ၸၢဝ်းၶိူဝ်းၼႂ်းသၽႃးပဵၼ်ဝႆႉၸုမ်းဢေႇ၊ သဵင်ဢေႇၵူၺ်းလႄႈတႃႇတေႁွင်ႉ ပၢင်ၵုမ်သၽႃးၸိုင်ႈမိူင်းႁူမ်ႈတုမ် ၼၼ်ႉတိုၼ်းယၢပ်ႇယဵၼ်း။ ၸုမ်းပႃႇတီႇသၢင်ႇသီႈ ဢၼ်ႁႅင်း ယႂ်ႇသုတ်းတၵ်းၽွမ်ႉ ၸွမ်းၵွၼ်ႇ ၸင်ႇၸၢင်ႈႁွင်ႉလႆႈဝႃႈ ၼႆယဝ်ႉ။
ၵွပ်ႈၼၼ်တႃႇတေတၢင်ႇၼႄၼၼ်ႉၸုမ်းၸၢဝ်းၶိူဝ်းၵူၺ်းတေလႆႈပႂ်ႉပၢင်ၵုမ်သၽႃး ၼင်ႇဢၼ် လႆႈမၵ်း မၼ်ႈဝႆႉမိူဝ်ႈလႂ် မိူဝ်ႈၼၼ်ႉၵူၺ်း ဝႃႈၼႆယဝ်ႉ။
ဢူးပူးၸူဝ်ႊၸမ်ႊ ႁူဝ်ပဝ်ႈ ပႃႇတီႇၸိူဝ်ႉၸၢတ်ႈၶျၢင်းလၢတ်ႈဝႃႈ သင်ဝႃႈမီးလွင်ႈၶိုၵ်ႉၶၵ်ႉ လူင်ၵိူတ်ႇၶိုၼ်ႈမႃးၸိုင်တေႁွင်ႉ ပၢင်ၵုမ်သၽႃးၸေႈမိူင်းဢၼ်ၽွင်းတႅၼ်းၸေႈမိူင်း ၽၢႆႇၸၢဝ်းၶိူဝ်း ၶဝ်လႆႈတီႈၼင်ႈ ဝႆႉ ၼမ်ၼၼ်ႉၵႂႃႇ ဢဝ်ၵူၺ်းယဝ်ႉ ဝႃႈၼႆ။
လွင်ႈဢၼ်ၼၢင်းဢွင်ႇသၢၼ်းသုၵျီႇ ယိုၼ်းမိုဝ်းႁႃတၢင်းဢုပ်ႇဢူဝ်းလွင်ႈငမ်းယဵၼ် ၼၼ်ႉ ဢူးပူးၸူဝ်ႊ ၸမ်ႊၵမ်ႉထႅမ် ယူႇ။ ၵူၺ်းၵႃႈသင်ဢုပ်ႇဢူဝ်းလွင်ႈငမ်းယဵၼ် ၼႂ်းၸိုင်ႈမိူင်းၽွင်း 20 ပီပူၼ်ႉမႃးၼၼ်ႉ တေလီတေႉတေႉ ဝႃႈၼႆယဝ်ႉ။
