ၶၢဝ်ႇမိူင်းႁူမ်ႈတုမ်

လုမ်ႈ​ၾႃႉ​ႁွၼ်ႉ​မႆႈ

လုမ်ႈ​ၾႃႉ (ၵမ်ႇ​ၽႃႇ) မႆႈ​ဢမ်ႇ​ၼၼ် တၢင်း​မႆႈ​ယွၼ်ႉ​ၽေး​သ​ၽႃႇ​ဝ​ၼၼ်ႉ​ပဵၼ်​ပၼ်​ႁႃယႂ်ႇ​တွၼ်ႈ​တႃႇ ၵူၼ်း​မိူင်း​လုမ်ႈ​ၾႃႉ​တေႉ⁠တေႉ​ယဝ်ႉ။ ၵွပ်ႈ​သင်​သမ်ႉ​ၵိူတ်ႇ​ၶိုၼ်ႈ​ပဵၼ်​မႃး ၵမ်ႇ​ၽႃႇ​ႁွၼ်ႉ​မႆႈ​ၼႆ ၼၼ်ႉ ယွၼ်ႉ​ဝႃႈ​ႁူဝ်​ၵူၼ်း​ႁဝ်း​ၼမ်​ၶိုၼ်ႈ​မႃး​လႄႈ ၵၢၼ်ၸႂ်ႉ​ၾႆး​ၾႃႉ ၊ လွင်ႈ​တတ်း​တူၼ်ႈ​မႆႉ​ယႃႉ​ထိူၼ်ႇ​ယႃႉ ၶိူဝ်း ဢိၵ်ႇ​တင်း​လွင်ႈၸႂ်ႉ​ၶူဝ်း​ၶွင်​သ​ၽႃႇ​ဝ​ၸိူဝ်း​ၼႆႉ​ၼမ်​ၶိုၼ်ႈ​မႃး​တိၵ်း⁠တိၵ်း​ၼၼ်ႉ ယဝ်ႉ။ ၵွပ်ႈ​ၼၼ် ၶွပ်ႇ​လူမ်း​လုမ်ႈ​ၾႃႉ​ၵေႃႈ​မီး​လွင်ႈ​တုမ်ႉ​တိူဝ်ႉ​ၶိုၼ်ႈ​မႃး​တင်း​ၼမ်။

ယွၼ်ႉသင်လႄႈဝႃႈၵၢၼ်ၸႂ်ႉၾႆးၾႃႉ တုမ်ႉ​တိူဝ်ႉ​သ​ၽႃႇ​ဝ​ၼႆ၊ တႃႇ​ႁဝ်း​တေ​လႆႈ​ၾႆး​ၾႃႉ​ၼၼ်ႉ​လႆႈၸႂ်ႉ ထၢၼ်ႇ​ႁိၼ်၊ ၼမ်ႉ​မၼ်း​ၸၢၵ်ႈ ၸဵမ်​ၸိူဝ်း​ၼႆႉ​ၵႂႃႇ​ၼၼ်ႉ​ယဝ်ႉ။ ထၢၼ်ႇ​ႁိၼ်​ၼႆႉ​မီး​ထၢတ်ႈ​ၶႃႇ​ပူၼ်ႇ​တၢႆႊ ဢဝ်ႊ​သၢႆႊ​တင်း​ၼမ်​သေ​ႁဵတ်းႁႂ်ႈ​ၵႂႃႇ​တုမ်ႉ​တိူဝ်ႉ​ၶွပ်ႇ​လူမ်း​လုမ်ႈ​ၾႃႉ​တီႈ​ဢၼ်​ႁဵတ်းႁႂ်ႈ​လွင်ႈ​ၽဵင်ႇ​ပဵင်း​တၢင်း​မႆႈ၊ ၵတ်း တႃႇ​ၵူၼ်း​ႁဝ်း​လႄႈ​ၸိူဝ်း​မီး​တူဝ်​သတ်း​တၢင်း​လၢႆ ၼၼ်ႉ​ယဝ်ႉ။ ၽွင်း​မိူဝ်ႈ​ၽဝ်​ထၢၼ်ႇ​ႁိၼ်​ၼၼ်ႉ​ဢၼ်​ပဵၼ်​ၵွၼ်း​ၾႆး​ၶႃႇ​ပူၼ်ႇ​တၢႆႊ​ဢဝ်ႊ​သၢႆႊ​လႆႈ​ၵႂႃႇ​ပိၵ်ႉ​ႁူး​ၶွပ်ႇ လူမ်း​လႄႈ​တႃႇ​ႁူး​ဢၢႆ​လႅတ်ႇ​ဢွၵ်ႇ​ဢမ်ႇ​ၼၼ် ႁူး​လႅတ်ႇ​ၶဝ်ႈ မၼ်း​တေ​ၵဵပ်း​ဝႆႉ​ဢၢႆ​လႅတ်ႇ​ၼမ်​လိူဝ် ၵဝ်ႇ​ၼၼ်ႉ​ယဝ်ႉ။ တွၼ်ႈ​တႃႇ​သႅင်​လႅတ်ႇ​ဢွၵ်ႇ​ၵႂႃႇ​ၶိုၼ်း​ၼၼ်ႉ​တေ​လႆႈ​ႁဵတ်းႁႂ်ႈ​ၶႃႇ​ပူၼ်ႇ​တၢႆႊ​ဢဝ်ႊ သၢႆႊ​ယွမ်း​လူင်း​ၼႆ​ယဝ်ႉ။

လွင်ႈ​ႁဵတ်း​ႁၢႆႉ​ပႃႇ​ထိူၼ်ႇ၊ တတ်း​တူၼ်ႈ​မႆႉ​ၸိူဝ်း​ၼႆႉ​ၵေႃႈ​မီး​လွင်ႈ​တုမ်ႉ​တိူဝ်ႉ​တင်း​ၼမ် ယွၼ်ႉ​သင်​လႃႇ ၼႆ​ၵွပ်ႈ​ဝႃႈ​တူၼ်ႈ​မႆႉ​တႃႇ​တေယႂ်ႇ​သုင်​ၶိုၼ်ႈ​ၼၼ်ႉ မၼ်း​လႆႈ​လုတ်ႇ​ဢဝ်​ၶႃႇ​ပူၼ်ႇ​တၢႆႊ​ဢဝ်ႊ​သၢႆႊ​ၼၼ်ႉ ယဝ်ႉ။ တူၼ်ႈ​မႆႉ​ၼႆႉ​မၼ်း​ၸွႆႈ​ႁဵတ်းႁႂ်ႈ ၶႃႇ​ပူၼ်ႇ​တၢႆႊ​ဢဝ်ႊ​သၢႆႊ​ယွမ်း​လူင်း​သေ​ပေႃး​တႅပ်း​မႆႉ​ယႃႉ ထိူၼ်ႇ ယႃႉ​ၶိူဝ်း​ၵေႃႈ​မိူၼ်​ၽိူမ်ႉ​လူမ်း​ႁႅင်း​မႆႈ​လူင်​ၶိုၼ်ႈ​မႃး​ထႅင်ႈ ၼၼ်ႉ​ယဝ်ႉ။
ၵၢပ်ႈ​ပၢၼ်​မိူဝ်ႈ​လဵဝ်​ၼႆႉ ပဵၼ်​ၵၢပ်ႈ​ပၢၼ်​ဢၼ်​ၶိုၼ်ႈယႂ်ႇ​ၶိုတ်း​ၵၢပ်ႈ​လႄႈ ၵႃႈ​ပဵၼ်​လူတ်ႉ၊ၵႃး​ၸဵမ်​ၸိူဝ်း ၼႆႉ ၵေႃႈ​ၼမ်​မႃး၊ လွင်ႈၸႂ်ႉ​ၶူဝ်း​ၶွင်​သ​ၽႃႇ​ဝ​ၵေႃႈ​ၼမ်​မႃး​မိူၼ်​ၼင်ႇ​ၼမ်ႉ​မၼ်း​ၶိူင်ႈ​ၸၢၵ်ႈ​ၸိူဝ်း​ၼႆႉ ၵေႃႈ လူဝ်ႇ​လႆႈၸႂ်ႉ​တၢင်း​ၼမ်​ယဝ်ႉ။ ၸိူဝ်း​ၼႆႉ​ၵေႃႈ​ႁဵတ်းႁႂ်ႈ​လုမ်ႈ​ၾႃႉ (ၵမ်ႇ​ၽႃႇ) မႆႈ​မိူၼ်​ၵၼ်​ယဝ်ႉ ၵွပ်ႈ ဝႃႈ​ၵွၼ်း​ၾႆး​လူတ်ႉ​ဢၼ်​ဢွၵ်ႇ​မႃး​ၸိူဝ်း​ၼၼ်ႉ​ၵေႃႈ​မီး​ဝႆႉ​ၶႃႇ​ပူၼ်ႇ​တၢႆႊ​ဢဝ်ႊ​သၢႆႊ တင်း​ၼမ်။ၸိူဝ်း ၼႆႉ​ပဵၼ်​ပၼ်​ႁႃယႂ်ႇ​လူင်​တွၼ်ႈ​တႃႇ​လုမ်ႈ​ၾႃႉ လႄ​သ​ၽႃႇ​ဝ​တေႉ⁠တေႉ​ယဝ်ႉ။

တီႈ​ဢၼ်​ၵူၼ်း​ႁဝ်း လႄ​ၸိူဝ်း​မီး​တူဝ်​သတ်း​လႆႈ​ၶၢမ်ႇ​ယွၼ်ႉ​ၽေး​လုမ်ႈ​ၾႃႉ​မႆႈ​ၼႆႉ​ၵေႃႈ​ၽိဝ်​ၼမ်ႉ​ပၢင်ႇ လၢႆ​ၶိုၼ်ႈ​သုင်​မႃး။ ၼမ်ႉ​ႁႅင်ႈ၊ ၼမ်ႉ​ထူမ်ႈ၊ လႄႈ​ၾိင်ႈ​ၾႃႉ​မႆႈ ၸဵမ်​ၸိူဝ်း​ၼႆႉ​ယဝ်ႉ။ ထႅင်ႈ​လွင်ႈ​ၼိုင်ႈ ယွၼ်ႉ ဝႃႈ​လွႆ​ၼမ်ႉ​ၶႅင်​ၵူၼ်ႇ လႄႈ​ၸိူမ်ႈ​လူင်း​ၵႂႃႇ​ၼင်ႇ​ၼႆ။ ၽွင်း​ၽူၼ်​တူၵ်း​ၵေႃႈ​ၼမ်ႉ​ၽူၼ်​ဢၼ် တူၵ်း လူင်း​မႃး​ၼၼ်ႉ​တေ​ၸၢင်ႈ​ပႃး​မႃး​ၼမ်ႉ​ၽူၼ်​ဢႅတ်ႉ​ၸိတ်ႉ (ၼမ်ႉ​ဢၼ်​မီး​ၵွင်ႉ) လႄႈ​ၸၢင်ႈ ႁဵတ်း ႁႂ်ႈ​ၽိဝ်​ၼိူဝ်ႉ​ၼင်​ၵူၼ်း​ႁဝ်း​ပဵၼ်​တၢင်း​ပဵၼ်​လႆႈ​ယူႇ​ၼၼ်ႉ ယဝ်ႉ။