ၶိုတ်းတၼ်း IT

ပၢင်တိုၵ်းလိပ်ႊပီႊယႃႊ ယိုတ်ႈႁိုင်မႃးလၢႆလိူၼ်

လွင်ႈဢၼ်မိူင်းဢင်းၵိတ်ႊ ၾရင်ႊသဵတ်ႊ လႄႈ ဢီႊတႃႊလီႊတၢင်ႇၽၢႆႇသူင်ႇတီႈတိူင်ႇပၢင်ႇၽၢႆႇသိုၵ်း ၸဝ်ႈၵဝ်ႇပၼ်ၸုမ်း ယိပ်းၵွင်ႈၵၢင်ႇလုၵ်ႉၽိုၼ်ႉလူင်ပွင်ၸိုင်ႈမိူင်းလိပ်ႊပီႊယႃႊ လႄႈၽွင်းလဵဝ်ၵၼ် ၸုမ်းသိုၵ်းၶွင် မူဝ်းဢမ်မႃႊလ် ၵတ်ႉတႃႊၾိ တင်းၽၢႆႇသၢၼ်ၶၢတ်း ၶတ်းၸႂ်တိုၵ်းႁိမ်တႃႇလႆႈ မၢၵ်ႇမိုဝ်ႉၸိုၼ်း ယၢမ်းဢိတ်ႇတင်းၸလိပ်ႈၸိူဝ်းလမ်ႇလွင်ႈ။ ယွၼ်ႉၼၼ် တေပဵၼ်လႆႈဝႃႈ ၵူႈၽၢႆႇႁၢင်ႈႁႅၼ်းပိူဝ်ႈတႃႇ ၸုၵ်းမၼ်ႈတႃႈပိုတ်ႇပၢင်တိုၵ်းၶၢဝ်းယၢဝ်းၼၼ်ႉယဝ်ႉ။

ၸွမ်ၸိုင်ႈ ၼိၵူဝ်းလတ်ႉသ် သႃႊၵူဝ်ႊသိ မိူင်းၾရင်ႊသဵတ်ႊ ပိုၼ်ၽၢဝ်ႇမိူဝ်ႈဝၼ်းထိ 4.5.2011 ဝႃႈ တေ ပိုတ်ႇယိုဝ်းတၢင်း ၵၢင်ႁၢဝ်ႁႂ်ႈႁၢဝ်ႉႁႅင်းလိူဝ်ၼႆႉၼႆယူႇ၊ ၵူၺ်းလၢႆၽၢႆဝူၼ်ႉဝႃႈ ၵၢၼ်တူင်ႉၼိုင်လွင်ႈႁိူဝ်းမိၼ် မဵဝ်းလဵဝ်ၵူၺ်းတေဢမ်ႇၸၢင်ႈ ၵႄႈလိတ်ႈပၼ်ႁႃႁႂ်ႈၵိုတ်းလိုဝ်ႈၵတ်းယဵၼ်လႆႈဝႃႈၼႆ။

သင်ဝႃႈ မူဝ်းဢမ်မႃႊလ် ၵတ်ႉတႃႊၾိ ဢမ်ႇထုၵ်ႇလိုပ်ႈလူင်းယွၼ်ႉၵၢၼ်သိမ်းဢႃႇၼႃႇ ၼႂ်းမိူင်းယဝ်ႉ ငဝ်းလၢႆးပၢင်တိုၵ်းၼႂ်း မိူင်းၵေႃႈတေဢွၵ်ႇၾၢင်ႈႁၢင်ႈမႃးဝႃႈ ၸုမ်းယိပ်းဢွင်ႈၵၢင်ႇသၢၼ်ၶတ်းလူင်ပွင်ၸိုင်ႈ တေ ၸၢင်ႈသေႃႉႁႃ ငိုၼ်းတိုၼ်း၊ မၢၵ်ႇ မိုဝ်ႉၸိုမ်းယၢမ်း လႄႈ တၢင်းၵတ်ႉၶႅၼ်ႇလၢႆလၢႆလွင်ႈ ဢၼ်တေႁဵတ်းႁႂ်ႈပၢင်တိုၵ်းပွၵ်ႈၼႆႉ ယိုတ်းယၢဝ်းၸၼ်ၶၢဝ်းယၢမ်း ၵႂႃႇထႅင်ႈလၢႆလိူၼ်ႁိုဝ် ဢမ်ႇၼၼ် တေၸၢင်ႈပဵၼ်လၢႆပီၵေႃႈပဵၼ်လႆႈဝႃႈၼႆယဝ်ႉ။

မႃးလ်ၶူဝ်း ပႃႊပိၵ်ႉ ၽူႈထတ်းသၢင်လၢတ်ႈဝႃႈ ႁူမ်ႈဝႃႈၸုမ်းယိပ်းၵွင်ႈၵၢင်ႇတေတိုၵ်းၶႅၼ်ႇ လႄႈၽွတ်ႇၶွတ်ႇလႆႈ ပဵၼ်မူႇ ပဵၼ်ၸုမ်း၊ ၵၢၼ်ပိုတ်ႇယိုဝ်းတူင်ႉၼိုင်လူၺ်ႈၽၢႆႇၵၢင်ႁၢဝ်ၵေႃႈယဝ်ႉ ထုၵ်ႇလီပဵင်းပေႃး ။ " ၵူၺ်းၸုမ်းၶဝ်ဢမ်ႇလႆႈပဵၼ်မိူၼ် ၼင်ႇၼၼ် ၽႂ်ၽႂ်ၵေႃႈႁူႉလီ" ဝႃႈၼႆ။

ပႃႊပိၵ်ႉလၢတ်ႈထႅင်ႈဝႃႈ ပၢင်တိုၵ်းၼႂ်းလိပ်ႊပီႊယႃႊ မီးလွင်ႈသုၵ်ႉသၢၵ်ႉသုၵ်ႉယုင်ႈယူႇ ၸွမ်းၼင်ႇယိူင်းဢၢၼ်းတီႈတေႉ တေႉမၼ်းလႄႈ ၵၢၼ်လႅၵ်ႈလႆႈငဝ်းလၢႆးဢုပ်ႉပိူင်ႇ၊ ၸုမ်းသိုၵ်းၸိူဝ်းၶၢမ်ႇတၢႆယွၼ်ႉမၼ်း၊ ယွၼ်ႉၼၼ်ၽူႈမီးၸၼ်ႉမၢင် ၵေႃႉဝူၼ်ႉဝႃႈ ၵၢၼ်သူင်ႇၽူႈတိူင်ႇပၢင်ႇသိုၵ်းမိူင်းဝၼ်းတူၵ်းၵႂႃႇၸွႆႈလိူဝ်လႄႈ ဝၢင်းၽႅၼ်ပၢင်တိုၵ်းပၼ်ၸုမ်းယိပ်းၵွင်ႈၵၢင်ႇ ပဵၼ်လွင်ႈၽိတ်းယုပ်ႈယွမ်းတေႉ ယွၼ်ႉဝႃႈပၢင်တိုၵ်းတီႈ ဢႃႊၾ်ၵၢၼ်ႊၼိတ်ႊတၢၼ်ႊ ၵေႃႈတိုၵ်ႉသိုပ်ႇမီးယူႇတေႃႇထိုင် ဝၼ်းမိူဝ်ႈၼႆႉ၊ယွၼ်ႉၼၼ်ၸင်ႇမီးတၢင်းလိူၵ်ႈဢေႇလိူဝ်သေသိုပ်ႇပႆသိုပ်ႉတိုၵ်းၵႂႃႇတၢင်းၼႃႈၵူၺ်း ဝႃႈၼႆ။

ၽွင်းလဵဝ်ၵၼ်သိူဝ်ႊလ် ၵႆးလၢပ်ႉၾ်ရွပ်ႉၾ် ၽွင်းလူင်ၽၢႆႇၼွၵ်ႈမိူင်း မိူင်းရၢတ်ႉသျႃးဢွၵ်ႇၾၢင်ႉဝႃႈၵၢၼ် တီႈမိူင်းဝၼ်းတူၵ်း သူင်ႇၽူႈတိူင်ႇပၢင်ႇသိုၵ်းၶဝ်ႈလိပ်ႊပီႊယႃႊ ပဵၼ်လွင်ႈပူၼ်ႉပႅၼ်ပိူင်ဢႃႇၼႃႇၶွင် ၶွင်ႇသီႇ လွင်ႈႁူမ်ႈလူမ်ႈၸၢတ်ႈၸိုင်ႈလုမ်ႈ ၾႃႉ (UNSC) လႄႈပဵၼ်ၵၢၼ်ၸၼ်လုမ်ႈၾႃႉ ၶဝ်ႈသူႇပၢင်တိုၵ်းပွတ်းၼႃႈလိၼ်ထႅင်ႈ ဝႃႈၼႆ။

"ႁဝ်းဢမ်ႇၸႂ်လီၸွမ်းငဝ်းလၢႆးၼႂ်းမိူင်းလိပ်ႊပီႊယႃႊ ဢၼ်ၸၼ်ဢဝ်ၵူၼ်းမိူင်းၸၢတ်ႈၸိုင်ႈလုမ်ႈၾႃႉ ၶဝ်ႈ သူႇလွင်ႈသုၵ်ႉ ယုင်ႈဢၼ်ပဵၼ်မႃးဢိၵ်ႇတင်းတေၸၢင်းႁဵတ်းႁႂ်ႈမီးလွင်ႈလူႉသုမ်းၸွမ်းၸိူဝ်းဝူၼ်ႉဢမ်ႇထို်င် ဝႃႈၼႆ " လၢႆၵေႃႉတေတွင်း လႆႈဝႃႈဢွၼ်တၢင်းသုတ်းၶူးၽိုၵ်းတေထုၵ်ႇသူင်ႇၶဝ်ႈၼႂ်းလၢႆလၢႆမိူင်းယဝ်ႉတေမီး ၵူၼ်းသိုၵ်းထုၵ်ႇသူင်ႇမႃးၸွမ်းတၢင်း လင်လႄႈတေမီးၵူၼ်းလၢႆပၢၵ်ႇၵေႃႉတၢင်းသွင်ၽၢႆႇတေလူႉသုမ်းသၢႆၸႂ်။

လွင်ႈၼႆႉဢမေႊရိၵၢၼ်ႊ တူၺ်းႁၼ်ထိုင်ပၼ်ႁႃၼႆႉ လႄႈ ၼၢင်းႁိဝ်းလႃးလိ ၶလိၼ်းတၼ်ႊ ၽွင်းလူင်ၽၢႆႇၼွၵ်ႈမိူင်း မိူင်းဢမေႊရိၵၢၼ်ႊ ပို်ၼ်ၽၢဝ်ႇၸုၵ်းမၼ်ႈဝႃႈ တိုၼ်းတေဢမ်ႇႁဵတ်းၸိူင်ႉၼင်ႇၼၼ်ဝႃႈၼႆ။ ၽူႈလူင်ႉလႅၼ်ႇၶဝ်လၢတ်ႈဝႃႈ သင်ဝႃႈဢမ်ႇမီးလွင်ႈပိုတ်ႇယိုဝ်းတၢင်းၵၢင်ႁၢဝ်ၸိုင် မိူင်းပဵင်ႊၵႃႊသီႊ ငဝ်ႈၸိုင်ႈတီႈလမ်ႇလွင်ႈၶွင်ၸုမ်းယိပ်းၵွင်ႈၵၢင်ႇၵေႃႈ တေၸၢင်ႈတႅၵ်ႇသုမ်းၼႂ်းၶၢဝ်းယၢမ်းလၢႆဝၼ်း။ ဢမ်ႇဝႃႈၸွမ်ႈၸိုင်ႈ ၼိၵူဝ်းလၢတ်ႉသ် သႃႊၵူဝ်ႊသိ၊ တေႊထိတ်ႊၶႃးမေး လွၼ်ႊ မိူင်းဢင်းၵိတ်ႉ၊ မိူၼ်ၼင်ႇ ၸွမ်ၸိုင်ႈပႃးရၵ်ႉဢူဝ်ႊပႃးမႃးၶွင်ဢမေႊရိၵၢၼ်ႊၵေႃႈ ဢမ်ႇယွမ်းပွႆႇႁႂ်ႈ ၵတ်ႉတႃႊၾိ သိုပ်ႇၵုမ်းဢႃႇၼႃႇၵႂႃႇလႆႈထႅင်ႈမိူၼ်ၵၼ်။

ဝၢႆးသေၵၢၼ်လုၵ်ႉႁိုၼ်ႇၼေၵၢင်ၸႂ်ဢၼ်ၸႂ်ႉၶၢဝ်းယၢမ်းပွတ်းသေဢွင်ႇပေႉၼႂ်းမိူင်း ဢီႊၸျိပ်ႊ လႄႈ တူႊၼီႊသျႃႊ ယဝ်ႉ ၽူႈဢွၼ်ႁူဝ်မိူင်းဝၼ်းတူၵ်း ဢွၼ်ၵၼ်ဝူၼ်ႉဝႃႈ ၵၢၼ်ဢုပ်ႉပိူင်ႇၶွင်ၵတ်ႉတႃႊၾိ တေလူမ်ႉၸူမ်ၼႂ်းၶၢဝ်းယၢမ်းဝႆးဝႆး လႆႈ ဝၢႆးပိုတ်ႇယိုဝ်းတၢင်းၵၢင်ႁၢဝ်ၼႆ။ ၵူၺ်းၽူႈဢွၼ်ႁူဝ်မိူင်းလိပ်ႊပီႊယႃႊ ၵေႃႈႁဵတ်းႁႂ်ႈႁၼ်ယဝ်ႉဝႃႈၶဝ်ၼၼ်ႉ "ၵႅၼ်ႇၶႅၼ်" လိူဝ်ၸိူဝ်းလၢႆလၢႆၵေႃႉထၢင်ႇထိူမ်ဝႆႉ ၼႆယဝ်ႉ။

မိူင်းဢူၺ်းလီၶဝ်လႆႈတူင်ႉၼိုင်ၽႅၼ်ၵၢၼ်လၢႆလၢႆမဵဝ်း ဢၼ်ပႅၵ်ႇပိူင်ႈၵၼ်။ ႁူမ်ႈဝႃႈတေယူႇတႂ်ႈပွင်ၵၢၼ်ၶွင်ၸုမ်းႁူမ်ႈမၢႆႁေႉ ၵင်ႈဢႅတ်ႊတ်လႅၼ်ႊတိၵ်ႊႁွင်ႇ (NATO) ၵေႃႈယဝ်ႉ။ ၶိူင်ႈမိၼ်တိုၵ်းၶွင် ဢင်းၵိတ်းလႄႈ ၾရင်ႊသဵတ်ႊ တူင်ႉၼိုင်ၵမ်ႉ ထႅမ်ႁႅင်းသိုၵ်းၸုမ်းလုၵ်ႉႁိုၼ်ႇသၢၼ်ၶတ်းၵမ်းသိုဝ်ႈ၊ ၽၢႆႇဢမေႊရိၵၢၼ်ႇၵူၺ်းၵေႃႈသတိတူဝ်ၵဝ်ႇ လိူဝ်သေတႃႇၶဝ်ၵဵဝ်ႇ ၶွင်ႈၸွမ်းၵမ်းသိုဝ်ႈယူႇယဝ်ႉ။ၽၢႆႇမိူင်းရၢတ်ႉသျႃး လႄႈ ၶေႇ ဢမ်ႇယွမ်းဢွၵ်ႇသဵင်ၵမ်ႉထႅမ် ပိုတ်ႇတၢင်းႁႂ်ႈၸႂ်ႉဢဵၼ်ႁႅင်း သိုၵ်း၊ လႄႈ သၢၼ်ၶတ်းလွင်ႈတေၽိူမ်ႉထႅမ်ႁႅင်းသိုၵ်းလႄႈၵၢၼ်တူင်ႉၼိုင်ၼမ်လိူဝ်ၼႆႉယူႇ။ ၽွင်းလဵဝ်ၵၼ်ၸုမ်းလုၵ်ႉ
ၽိုၼ်ႉၼႂ်းမိူင်း လီႊပီႊယႃႊ ၵေႃႈဢမ်ႇႁၼ်လီၸွမ်းတႃႇတေႁႂ်ႈသိုၵ်းမိူင်းဝၼ်းတူၵ်းၶဝ်ႈ တူင်ႉၼိုင်ပွတ်းၼႃႈလိၼ် ဝႃႈၼႆ။
ၵၢၼ်သူင်ႇသိုၵ်းၶဝ်ႈတူင်ႉၼိုင်ၼႃႈလိၼ် တေၸၢင်ႈႁဵတ်းလႆႈလူၺ်ႈၶေႃႈၸိသင်ႇၶွင် ၶွင်ႇသီႇလွင်ႈႁူမ်ႇလူမ်ႈ ၸၢတ်ႈၸိုင်ႈ လုမ်ႈၾႃႉ (UNSC) ၊ သင်ဝႃႈဢမ်ႇၸႂ်ႈၵၢၼ်ၶဝ်ႈၵႂႃႇဢုပ်ႉပိူင်ႇလူၺ်ႈၵမ်းသိုဝ်ႈ "လွင်ႈတေၽို်ၵ်း ၽွၼ်ႉႁႂ်ႈၵူၼ်းမိူင်းႁူႉၵၢၼ် သိုၵ်းၵတ်ႉၶႅၼ်ႇၼၼ်ႉ တေလႆၸႂ်ႉၶၢဝ်းယၢမ်းႁိုင်ယူႇ" ၼႆ။ ၽူႈမီးၸၼ်ႉသိုၵ်းမိူင်းဝၼ်းတူၵ်းၵဝ်ႇၵေႃႉၼိုင်ႈလၢတ်ႈလႄ ဝူၼ်ႉဝႃႈတၢင်းဢွၵ်ႇဢၼ်လီတီႈသုတ်းၼႆႉပဵၼ်ၵၢၼ်ႁုပ်ႈယိုတ်းဢႃႇၼႃႇၶိုၼ်းတီႈ ၵတ်ႉတႃႊၾိ လႄႈႁႃလွၵ်းလၢႆးႁႂ်ႈမီး လွင်ႈၵိုတ်းသိုၵ်း၊ ဢၼ်လၢတ်ႈမႃး ၼႆႉတေပဵၼ်မႃးၵေႃႈယဝ်ႉ ၵၢၼ်ၶဝ်ႈထိုင်ငိုၼ်းတိုၼ်း လႄႈ ၸလိပ်ႈၸိူဝ်းၼႆႉလႆႈဝႃႈ ပဵၼ်လွင်ႈလမ်ႇလွင်ႈတႃႇၸုမ်းသၢၼ် ၶတ်းတႃႇလွင်ႈဢွင်ႇပေႉတေႉတေႉ။ ယွၼ်ႉလွင်ႈၼႆႉမိူၼ်တိုၵ်ႉသိုပ်ႇသၢၼ်ၵၼ်ယူႇ။ ဢၼ်လမ်ႇလွင်ႈသုတ်း ၼႆႉပဵၼ်မၢႆမီႈၶေႃႈၸိသင်ႇႁၢမ်ႈၵႃႉၶၢႆ (Boycott) ဢၼ်ၶႂ်ႈႁႂ်ႈ ၵတ်ႉတႃႊၾိ တုၵ်ႉယၢၵ်ႈလႄႈယၢပ်ႇ
ၽိုတ်ႇတႃႇသိုပ်ႇယူႇၼႂ်းဢၢမ်းၼၢတ်ႈၵႂႃႇၼၼ်ႉၵူၺ်း။

တႃႇၸုမ်းၽၢႆသၢၼ်ၶတ်းတေၸၢင်ႈႁွတ်ႈထိုင်ၸၼ်ႉၼၼ်ႉၼၼ်ႉ တိုၵ်ႉမီးလွင်ႈယၢပ်ႇၽိုတ်ႇယူႇလၢႆလၢႆ လွင်ႈဢၼ်ထိ ၼိုင်ႈ ၸုမ်းသၢၼ်ၶတ်းၶဝ်လူႉသုမ်းတႃႈႁိူဝ်းဢၼ်လမ်ႇလွင်ႈမိူၼ်ၼင်ႇ လၢတ်ႉသ်လႃႊၼုတ်ႉၾ် လႄႈပေလ်ၵႃႊ ဢၼ် ႁဵတ်းႁႂ်ႈၵၢၼ်သူင်ႇဢွၵ်ႇၼမ်ႉမၼ်းလႆႈဢေႇလူင်းလႄႈလိူဝ်တႃႈႁိူဝ်းလဵၵ်ႉလဵၵ်ႉတီႈမိူင်းထူဝ်ႊပလုၵ်ႉၶ်ၵူၺ်း။ ထိသွင်ပဵၼ် မၢႆမီႈၶေႃႈၸိသင်ႇႁၢမ်ႈၵႃႉၶၢႆ၊ဢၼ်ၼၼ်ႉၵေႃႈႁဵတ်းႁႂ်ႈ ၸုမ်းၵူၼ်းသိုဝ်ႉဢွၼ်ၵၼ်ၽၢတ်ႇဢွၵ်ႇ ထိုင်မိူဝ်ႈလဵဝ်မီးၵၢၼ်သူင်ႇ ၼမ်ႉမၼ်းဢွၵ်ႇၵေႃႉလဵဝ်ၵူၺ်း။ လႆႈသူင်ႇၸွမ်း ၶွမ်ႊပၼီႊဝႆးထေႃးလ် ဢၼ်တင်ႈလုမ်းယူႇတီႈဝဵင်းလူင်လွၼ်ႊတွၼ်ႊ။

လႅင်ႇၶၢဝ်ႇၵၢၼ်ၵႃႉၶၢႆၼမ်ႉမၼ်းလၢႆးငၢၼ်းဝႃႈ ၽူႈသိုဝ်ႉတၢင်ႇၵေႃႉၵေႃႈမီးတၢင်းယၢပ်ႇၽိုတ်ႇယွၼ်ႉဝႃႈမႆႈ ၸႂ်ၸွမ်းမၢႆမီး ၶေႃႈၸိသင်ႇႁၢမ်ႈၵႃႉၶႆၼၼ်ႉယဝ်ႉ။ ၽူႈထတ်းသၢင်ၶဝ်လၢတ်ႈဝႃႈ တႃႇႁႂ်ႈမီးၸိုင်ႈမိူင်းယွမ်းႁပ်ႉ ၸုမ်းယိပ်းၵွင်ႈၵၢင်ႇပဵၼ် လူင်ပွင်ၸိုင်ႈထုၵ်ႇမႅၼ်ႈၶွင် လိပ်ႊပီႊယႃႊၼၼ်ႉ ထိုင်ယၢမ်းလဵဝ်တိုၵ်ႉမီး မိူင်းၾရၢင်ႇသဵတ်ႊ၊ ဢီႊတႃႊလီႊ လႄႈ ၵႃႊ တႃႊလ် ၵူၺ်းဢၼ်ယွမ်းႁပ်ႉ။ ဢမေႊရိၵၢၼ်ႊ လႄႈ ဢင်းၵိတ်ႊၵေႃႈပႆႇဢွၵ်ႇသဵင်သင်ဝႃႈၼႆ။

လိူဝ်သေၼၼ်ႉမိူင်းလိပ်ႊပီႊယႃႊ တူၵ်းယူႇတႂ်ၵႂၢမ်းသင်ႇႁၢမ်ႈၵႃႉၶၢႆလၢတ်ႈၼၢၵ်ႈလႄႈထိုင်မိူင်ႈလဵဝ်လၢတ်ႈ လႆႈဝႃႈတင်း သွင်ၽၢႆႇပႆငိၼ်းလွင်ႈမၢၵ်ႇၵွင်ႈၸိုၼ်းယၢမ်း၊ တင်းသွင်ၽၢႆႇၵေႃႈၶတ်းၸႂ်တိုၵ်းႁိမ်မေႃႇၼမ်ႉမၼ်းယူႇ၊ သင်ဢမ်ႇၼၼ် ၸိုင်တေၸၢင်ႈႁွတ်ႈထိုင်တီႈလူႉသုမ်းလႆႈၼၼ်ႉယဝ်ႉၼႆ။ ၵတ်ႉတႃႊၾိ ၶတ်း ၸႂ်တႃႇသူင်ႇၼမ်ႉမၼ်းပဵၼ်းသိၼ်းၶဝ်ႈ ၽၢၼ်ႇ မိူင်းတူႊၼီႊသျူႊ ပိူဝ်ႈတႃႇငိူင်ႉဝေႈမၢႆမီႈႁၢမ်းၵႃႉၶၢႆတေႃႉ သူင်ႇၼမ်ႉမၼ်းလုၵ်ႉတီႈႁိူဝ်းလမ်းၼိုင်ႈသိုပ်ႇထႅင်ႈလမ်း
ၼိုင်ႈယူႇ၊ ၽၢႆႇသၢၼ်ၶတ်းၶဝ်ၵေႃႈႁႃ တၢင်းဢွၵ်ႇ လူၺ်ႈသူင်ႇၼမ်ႉမၼ်းလိပ်းလႅၵ်ႈၸွမ်းၼမ်ႉမၼ်းဢၼ်ထတ်းထွင် ၼၼ်ႉယဝ်ႉ။

ၽူႈဢွၼ်ႁူဝ် ၵတ်ႉတႃႊၾိ တေတူၵ်းၵိၼ်းၼႂ်းၵၢၼ်သူင်ႇၼမ်ႉမၼ်းလႄႈၶွင်ၸႂ်ႉလၢႆလၢႆလွင်ႈသေပၼ် ႁႅင်းသိုၵ်းတူဝ်ၵဝ်ႇ ၸွမ်းယူႇ။ ငဝ်းလၢႆးၸိူင်ႉပဵၼ်ယူႇၼႆႉၽူႈလူင်ႉလႅၼ်ႇၶဝ်လၢတ်ႈဝႃႈ ၽၢႆႇလႂ်မီးၼႃႈတီႈလီလိူဝ်၊ ၸလိပ်ႈၽွမ်ႉလႄႈ ၸုၵ်း မၼ်ႈ လႆႈႁိုင်လိူဝ်ၽၢႆႇလႂ်ၵေႃႈၽၢႆႇၼၼ်ႉတေပဵၼ်ၸုမ်းဢွင်ႇပေႉၼႆ ဝႃႈၼႆ။