ၶိုတ်းတၼ်း IT

ၸႂ်ႉလွၵ်း Search ၶွင် Windows သွၵ်ႈႁႃၶေႃႈမုၼ်း ၼိူဝ်ဝႅပ်ႉ

လွၵ်း Search ၶွင် Windows 7 ၼၼ်ႉ တီႈတေႉမၼ်း ၸႂ်ႉတႃႇ သွၵ်ႈႁႃပူဝ်ႊၵႅမ်ႊ ဢမ်ႇၼၼ် ၾႆႇၼႂ်းၶွမ်း။ ၵူၺ်းႁဝ်း ၸၢင်ႈႁဵတ်းႁႂ်ႈ မၼ်းပဵၼ် တူဝ်သွၵ်ႈႁႃၶေႃႈမုၼ်းၼိူဝ်ဝႅပ်ႉၵေႃႈလႆႈ။

1) ၵႂႃႇတီႈ Start သေၼႂ်းလွၵ်း Search ၼၼ်ႉတႅမ်ႈသႂ်ႇဝႃႈ gpedit.msc သေတဵၵ်း Enter တႃႇႁွင်ႉပူဝ်ႊၵႅမ်ႊ Local Group Policy Editor ၶိုၼ်ႈမႃး

2) တၢင်းၽၢႆႇသၢႆႉမိုဝ်းၼၼ်ႉ ၵႂႃႇတီႈ User Configuration > Administrative  Templates  > Start Menu and Taskbar

3) တၢင်းၶႂႃမိုဝ်းၼၼ်ႉ ႁႂ်ႈတႃႇပိူဝ်ႇၶလိၵ်ႉ(ၶလိၵ်ႉသွင်ၵမ်း)ၼိူဝ် Add  Search Internet  link  to  Start  Menu သေလိူၵ်ႈ Enable

4) တဵၵ်း OK သေပိၵ်ႉၼႃႈတၢင်ႇ

ဝၢႆးၼႆႉ သင်ၶႂ်ႈသွၵ်ႈႁႃၶေႃႈမုၼ်းသင် ၼိူဝ်ၼဵတ်ႇၼႆၵႂႃႇတီႈလွၵ်း search သေတႅမ်ႈသႂ်ႇၶေႃႈ မုၼ်းဢၼ်ၶႂ်ႈႁႃယဝ်ႉ တေႁၼ်ၽၢင်ႁၢင်ႈ Browser ပေႃႇမႃးသေ ၶလိၵ်ႉၼိူဝ် Browser ၵူၺ်းၵေႃႈ တေႁၼ်ပူဝ်ႊၵႅမ်ႊလဵၼ်ႈၼဵတ်ႇပေႃႇ မႃးၸွမ်းၶေႃႈမုၼ်းဢၼ်ႁဝ်းၶႂ်ႈလႆႈ ပိူင်တႅၵ်ႈမၼ်း-

- သင်တႅမ်ႈဝႃႈ Shan State ၼႆ တေပဵၼ်ၵၢၼ်သွၵ်ႈႁႃၶေႃႈမုၼ်းဢၼ်မီးၼိူဝ်ဝႅပ်ႉၵဵဝ်ႇလူၺ်ႈ လွင်ႈတႆး

- သင်တႅမ်ႈဝႃႈ www.youthpowermedia.org ၼႆ တေပဵၼ်ၵၢၼ်ၶဝ်ႈမႃးၸူးဝႅပ်ႉသိုဝ်ႇႁႅင်းၼုမ်ႇ ၵမ်းသိုဝ်ႈ

မၢႆတွင်း- ပူဝ်ႊၵႅမ်ႊလဵၼ်ႈၼဵတ်ႇဢၼ်တေပေႃႇမႃးၼၼ်ႉဢိင်ၼိူဝ်ၶွမ်းၽူႈဢၢၼ်ႇၶဝ်ဢၼ်လႆႈ တင်ႈဝႆႉပဵၼ် Default Browser။ မၢင်ၵေႃႉ တေပဵၼ် IE၊ Firefox၊ ဢမ်ႇၼၼ် GoogleChrome။