ၶိုတ်းတၼ်း IT

သၢင်ႈ Batch File လၢင်ႉၾႆႇ ၸူဝ်ႈၵႅမ်ႉ (Temporary Files)

ၵၢၼ်ၸႂ်ႉ Windows ၼၼ်ႉ ဢမ်ႇလွတ်ႈလႆႈ ၾႆႇၸူဝ်ႈၵႅမ်ႉ ဢၼ် Windows ႁဵတ်းၶိုၼ်ႈ။ ၵူၺ်းသင်ဝႃႈၾႆႇၸိူဝ်းၼႆႉ မီးၼမ်မႃးတိၵ်းတိၵ်းၸိုင် ၸၢင်ႈႁဵတ်းႁႂ်ႈပိုၼ်ႉတီႈၵဵပ်းၶေႃႈမုၼ်း ၵိုတ်းလိူဝ်ဢေႇငၢႆႈ။ တႃႇၵေႈလိတ်ႈပၼ်ႁႃဢၼ်ၼႆႉ ဝၼ်းၼႆႉႁဝ်းဢွၼ်ၵၼ် မႃးသၢင်ႈ ပႅတ်ႇၸ်ၾႆႇ (Batch File) တႃႇလၢင်ႉၾႆႇၸူဝ်ႈၵႅမ်ႉ (Temporary Files) ၸွမ်းၼင်ႇၶၵ်ႉတွၼ်ႈ ပႃႈတႂ်ႈၼႆႉ-

1) ပိုတ်ႇ Notepad မႃး

2) တႅမ်ႈသႂ်ႇဝႃႈ
@echo off
del /s /q "%userprofile%\cookies\*.*"
del /f /q %windir%\Prefetch\*.*
del /f /q %windir%\Temp\*.*
del /f /q "%userprofile%\local settings\temp\*.*"
del /f /q "%userprofile%\local settings\temporary internet files\*.*"

3) သႂ်ႇပၼ်ၸိုဝ်ႈၾႆႇလႄႈ တၢင်းလင်ၸိုဝ်ႈၼၼ်ႉ သႂ်ႇပႃး .bat မိူၼ်ၼင်ႇ cleantemp.bat မိူဝ်ႈ Save ၾႆႇ။

ဝၢႆးၼႆႉသင်ၶႂ်ႈလၢင်ႉၾႆႇၸူဝ်ႈၵႅပ်ႉမိူဝ်ႈလႂ်ၵေႃႈ ၶလိၵ်ႉၼိူဝ်ဢၢႆႇၶွၼ်ႇဢၼ်ႁဝ်းလႆႈသၢင်ႈဝႆႉၵေႃႈ လႆႈယဝ်ႉ။