ၶိုတ်းတၼ်း IT
လၢႆးသၢင်ႈ Shortcut တႃႇလၢင်ႉ Memory
- Details
- Published on Tuesday, 17 January 2012 22:00
- Written by ယွတ်ႈတႆး
မိူဝ်ႈပိုတ်ႇၸႂ်ႉပူဝ်ႊၵႅမ်ႊၼမ်မႃးၼၼ်ႉ တေႁၼ်ဝႃႈၶွမ်းၸဝ်ႈၵဝ်ႇႁဵတ်းၵၢၼ်ထိူင်းၵႂႃႇ။ ၼႆႉပဵၼ် ၵွပ်ႈပူဝ်ႊၵႅမ်ႊၵူႈတူဝ် ၸႂ်ႉ Memory ၼႂ်းၶွမ်းတႃႇႁဵတ်းၵၢၼ်၊ ၵူၺ်းမၢင်ပွၵ်ႈ ပဵၵ်ႉသမ်ႉဝႃႈႁဝ်းပိၵ်ႉ ပူဝ်ႊၵႅမ်ႊသေဢၼ်ဢၼ်ၵႂႃႇယဝ်ႉ ၵူၺ်းပူဝ်ႊၵႅမ်ႊၸိူဝ်းၼႆႉ ယင်းတိုၵ်ႉသိုပ်ႇဢဝ်ဝႆႉပိုၼ်ႉတီႈ Memory လႄႈဢမ်ႇယွမ်း ပၼ်ၽႂ်။
ပူဝ်ႊၵႅမ်ႊတၢင်ႇတူဝ်ဢမ်ႇၸၢင်ႈ မႃးၸႂ်ႉ Memory ၼင်ႇဢၼ်လူဝ်ႇသေၶွမ်းၸင်ႇထိူင်းလူင်း။ တၢင်းၼိုင်ႈတႃႇၵေႈ လိတ်ႈပၼ်ႁႃၼႆႉ ပဵၼ်ၵၢၼ်ပိၵ်ႉ ၶွမ်းယဝ်ႉပိုတ်ႇမႂ်ႇ။ ၵူၺ်းဝၼ်းၼႆႉ ႁဝ်းမႃးတူၺ်းလၢႆးသၢင်ႈ Shortcut (တၢင်း လတ်း) တႃႇလၢင်ႉ Memory မိူဝ်ႈလႂ်ၵေႃႈလႆႈ လူၺ်ႈဢမ်ႇလူဝ်ႇပိၵ်ႉၶွမ်းသေပိုတ်ႇမႂ်ႇ ၸွမ်းၼင်ႇၶၵ်ႉတွၼ်ႈပႃႈ တႂ်ႈၼႆႉ-
1) ၶလိၵ်ႉၶႂႃမိုဝ်းၼိူဝ် Desktop သေလိူၵ်ႈ New > Shortcut
2) ၼႂ်းလွၵ်း Browse: ၼၼ်ႉတႅမ်ႈသႂ်ႇဝႃႈ %windir \system32\rundll32.exe advapi32.dll,ProcessIdleTasks သေတဵၵ်း Next
3) သႂ်ႇပၼ်ၸိုဝ်ႈၼႂ်းလွၵ်း Type a name for this shortcut: သေတဵၵ်း Finish ၵူၺ်းၵေႃႈ တေလႆႈတူဝ်လၢင်ႉ RAM ယဝ်ႉ။
မၢႆတွင်း - မိူဝ်ႈၶလိၵ်ႉၼိူဝ် shortcut ၼၼ်ႉတေဢမ်ႇႁၼ်သင်ပေႃႇမႃး။ ၵူၺ်းသင်ၶႂ်ႈတူၺ်းဝႃႈ မၼ်းႁဵတ်းၵၢၼ် ၸိူင်ႉႁိုဝ်ၼႆ မိူဝ်ႈတေလၢင်ႉ Memory ၼၼ်ႉ တဵၵ်း Ctrl + Shift + Esc တႃႇႁွင်ႉပူဝ်ႊၵႅမ်ႊ Task Manager ၶိုၼ်ႈမႃးသေ ၵႂႃႇတူၺ်းတီႈထႅပ်ႇ Performace မိူၼ်ၼင်ႇၶႅပ်းႁၢင်ႈပႃႈတႂ်ႈၼႆႉ-
