ပၢႆးယူႇလီ

ထူင်ယၢင်လႄႈ ယႃၶုမ်း ဢၼ်လႂ်ႁႄႉၵင်ႈ သၼ်ႇထေႇ လႆႈလီလိူဝ်ၵၼ်

ထူင်ယၢင်ၼၼ်ႉ မၼ်းပဵၼ်တၢင်းလိူၵ်ႈလၢႆလၢႆတၢင်း ႁႄႉၵင်ႈလႆႈတၢင်းပဵၼ်ဢၼ်မႃးၸွမ်းလွင်ႈႁူမ်ႈ ၵႃႇမလႄႈႁႄႉၵင်ႈ သၼ်ႇထေႇမိူဝ်ႈပႆႇ ၽွမ်ႉတႃႇတေမီးလုၵ်ႈ။ ၵူၺ်းၵႃႈယႃႁႄႉၵင်ႈသၼ်ႇထေႇၼၼ်ႉ ၽွၼ်းလီ မၼ်းႁေႉၵင်ႈသၼ်ႇထေႇ လႆႈၸူဝ်ႈၶၢဝ်းၵူၺ်း။

ပေႃးလိုမ်းၵိၼ်ယႃၶုမ်း ဢမ်ႇၼၼ်ၵိၼ်ဢမ်ႇမႅၼ်ႈၸွမ်းလွၵ်းလၢႆးမၼ်းၵေႃႈ ၸၢင်ႈၸပ်းသၼ်ႇ ထေႇလႆႈ ယူႇ။

ယွၼ်ႉၼၼ်ပေႃးဝႃႈမီးလွင်ႈႁူမ်ႈၵႃႇမယူႇၵူႈဝၼ်းၸိုင်ထုၵ်ႇလီၵိၼ်ယႃၶုမ်း ဢၼ်ၵိၼ်ၸွမ်းၵူႈဝၼ်း မိူၼ်ၼင်ႇ ယႃၶုမ်း မဵတ်ႉဢၼ်မီး 21 ဢမ်ႇၼၼ် 28 မဵတ်ႉ။ ပေႃးတေႁႂ်ႈလီလိူဝ်ၼၼ်ႉသမ်ႉ  မိူဝ်ႈပႆႇလႆႈ ၵိၼ်ၼၼ်ႉႁႂ်ႈၵႂႃႇ တိူင်ႇပၢင်ႇၸွမ်း မေႃၶဝ်ဢွၼ်တၢင်းဝႃႈ ထုၵ်ႇလီၵိၼ်ယႃၶုမ်းမဵဝ်းႁိုဝ်ၼင်ႇႁိုဝ် ပေႃးတေလီတေႃႇတူဝ်ၵဝ်ႇ၊ ယွၼ်ႉလိူတ်ႈလူမ်းၼၢင်းယိင်း ၵေႃႉၼိုင်ႈ လႄႈၵေႃႉ ၼိုင်ႈဢမ်ႇမိူၼ်ၵၼ်ၼၼ်ႉယဝ်ႉ။