ပၢႆးယူႇလီ
လုတ်ႇလႅၼ်းယႃႈ ၸၢင်ႈယႃႉ DNA လႅဝ် ၼႂ်းၶၢဝ်းတၢင်း ၼိုင်ႈၼႃးထီး
- Details
- Published on Friday, 29 April 2011 09:12
- Written by ယိင်းလွႆတွၼ်း
ၸိူဝ်းဝူၼ်ႉဝႃႈ လုတ်ႇလႅၼ်းယႃႈ လႅၼ်းလဵဝ်ၵူၺ်းဢမ်ႇထိုင်တၢႆၼႆၼၼ်ႉ ထုၵ်ႇလီဝူၼ်ႉ ၶိုၼ်းထႅင်ႈယူႇ။ ယွၼ်ႉဝႃႈ ၽူႈၶူၼ်ႉၶႂႃႉၶဝ်လႆႈၵၢဝ်ႇလၢတ်ႈဝႆႉဝႃႈလွင်ႈလုတ်ႇလႅၼ်းယႃႈၼၼ်ႉ ၽွၼ်းၸႃႉမၼ်းၵေႃႈ မိူၼ် ႁဝ်းသမ်းလႅၼ်းယႃႈ ၶဝ်ႈၵႂႃႇၼႂ်းတူဝ်ႁဝ်းၵမ်းသိုဝ်ႈ။ ၼႂ်းလႅၼ်း ယႃႈၼၼ်ႉ မၼ်းမီးထၢတ်ႈဢၼ်ၼိုင်ႈ ၸိုဝ်ႈမၼ်းႁွင်ႉဝႃႈ ၽေႃႊလီႊ သၢႆႊၶလိၵ်ႊဢရူဝ်ႊ မႅတ်ႊတိၵ်ႊ ႁၢႆႊတရူဝ်ႊၶႃႊပွၼ်ႊသ် (Polycyclic Aromatic Hydrocarbons) ၼႆ ၼၼ်ႉယဝ်ႉ။
ၽူႈၶူၼ်ႉၶႂႃႉၽၢႆႇတၢင်းပဵၼ်ၶႅၼ်ႊသိူဝ်ႊ ၶဝ်ၾၢၵ်ႇထိုင်ၽူႈၸိူဝ်းလုတ်ႇလႅၼ်းယႃႈလႄႈၽူႈ တိုၵ်ႉၽိုၵ်း လုတ်ႇၶဝ်ဝႃႈ ထၢတ်ႈဢၼ်ၼႆႉယဝ်ႉဢၼ်ႁဵတ်းႁႂ်ႈ DNA ၶွင်ၵူၼ်းႁဝ်းလူႉလႅဝ် ၼႂ်းၶၢဝ်းတၢင်း 15-30 ၼႃးထီး။ လိူဝ်သေၼၼ်ႉ ဢမ်ႇၵႃးမီးတိုဝ်ႉတၢင်းတႃႇတေပဵၼ်မၢၵ်ႇ ႁႅင်းပွတ်ႇမိူၼ်လႆႈသမ်းထၢတ်ႈယႃ PHAs ၶဝ်ႈၼႂ်းတူဝ်ထိုင်သဵၼ်ႈလိူတ်ႈ ၵမ်းသိုဝ်ႈ ဝႃႈ ၼႆယဝ်ႉ။
