ပၢႆးယူႇလီ
ၼၢင်းယိင်းလုတ်ႇလႅၼ်းယႃႈ ႁဵတ်းႁႂ်ႈလိူတ်ႈႁူဝ်လိူၼ်သုတ်းၽႂ်း
- Details
- Published on Friday, 20 January 2012 18:33
- Written by ယိင်းလွႆတွၼ်း
ၼၢင်းယိင်းၸိူဝ်းလုတ်ႇလႅၼ်းယႃႈၼၼ်ႉ တေႁဵတ်းႁႂ်ႈလိူတ်ႈႁူဝ်လိူၼ်သုတ်းၽႂ်းလိူဝ် ဢူၺ်းၵေႃႉ သႅၼ်းပၢၼ် လဵဝ်ၵၼ် ၸိူဝ်းဢမ်ႇသုတ်ႇလႅၼ်းယႃႈ 1 ပီႊ ၼႆ။
ၽူႈလဵပ်ႈႁဵၼ်း Menopause ၶဝ်လႆႈလဵပ်ႈႁဵၼ်းၼႂ်းၼၢင်းယိင်း 6,000 ၵေႃႉ။ ၼၢင်းယိင်းၸိူဝ်း လုတ်ႇ လႅၼ်း ယႃႈၼၼ်ႉလိူတ်ႈႁူဝ်လိူၼ်တေသုတ်းၼႂ်းဢႃယု(ဢႃႈသၢၵ်ႈ) 43 ဢမ်ႇၼၼ် 50 ပီႊ လိူတ်ႈႁူဝ်လိူၼ်တေသုတ်း ၽႂ်းလိူဝ်ၼၢင်းယိင်းဢၼ်ဢမ်ႇလုတ်ႇလႅၼ်းယႃႈၼၼ်ႉ 3 ပီႊ။
ယွၼ်ႉလိူတ်ႈႁူဝ်လိူၼ် သုတ်းၽႂ်းလႄႈ ၸၢင်ႈပဵၼ်တၢင်းပဵၼ်ဢၼ်ၸွမ်းမႃးထႅင်ႈ မိူၼ်ၼင်ႇ လုပ်ႇမွတ်ႈ၊ ယဵဝ်ႈ ဝၢၼ်၊ တၢင်းပဵၼ်လူင်လိုမ်း လႄႈတၢင်းပဵၼ်ႁူဝ်ၸႂ် ( ၵူၺ်းၵႃႈဢမ်ႇၸႂ်ႈလႄႈ ဝႃႈမီးလိူတ်ႈႁူဝ်လိူၼ်ႁိုင်၊ လိူတ်ႈ ၼၢၼ်းသုတ်းၼၼ်ႉ ဢမ်ႇၸႂ်ႈလႄႈဝႃႈပဵၼ်ၶေႃႈလီၼင်ႇၵဝ်ႇ မီးတိုဝ်ႉတၢင်းတႃႇပဵၼ်ၵႅၼ်ႇသႃႇၼူမ်းမိူၼ်ၵၼ်)။
ၵူၺ်းၵႃႈၾၢႆႇၽူႈလဵပ်ႈႁဵၼ်းၶဝ်ဢမ်ႇလႆႈမွၵ်ႇလၢတ်ႈဝႆႉဝႃႈ လုတ်ႇလႅၼ်းယႃၼမ်ၵႃႈႁိုဝ် ႁိုင်ၵႃႈႁိုဝ်လႄႈႁဵတ်းႁႂ်ႈ လိူတ်ႈႁူဝ်လိူၼ်သုတ်း။ ပေႃးပႅတ်ႈလႆႈၸိုင် ပဵၼ်ၽွၼ်းလီတႃႇတူဝ်ၵဝ်ႇ ယူႇယဝ်ႉ။
