ပၢႆးယူႇလီ
ႁူဝ်မဝ်း ပဵၼ်ယွၼ်ႉသင်?
- Details
- Published on Monday, 16 January 2012 17:14
- Written by ယိင်းလွႆတွၼ်း
ၼင်ႈႁိုင်သေၽုၼ်ႇၽၢၼ်ႇလုၵ်ႉၵမ်းလဵဝ် ၵမ်ႉၼမ်တေမဝ်းလပ်းသိုင်ႇၵႂႃႇၼၼ်ႉ ပဵၼ်ယွၼ်ႉ ႁႅင်းလိူတ်ႇ တႅမ် (ဢေႇ) ၵေႃႈဝႃႈ မိူဝ်ႈၵွၼ်ႇတႄႉယၢမ်ႈငိၼ်းၵူၼ်းထဝ်ႈၵူၼ်းၵႄႇၶဝ်ပဵၼ်ၵၼ်ၵူၺ်း ၼႂ်းၵၢပ်ႈမိူဝ်ႈလဵဝ် သမ်ႉဢမ်ႇၸႂ်ႈၵူၼ်းထဝ်ႈ ၵူၺ်းပဵၼ်ၸိူင်ႉၼၼ် ၵူၼ်းၼုမ်ႇပၢၼ်သႅၼ်းတိုၵ်ႉ ႁဵၼ်းဢမ်ႇၼၼ်ႁဵတ်းၵၢၼ် ၵေႃႈၸၢင်ႈပဵၼ်လႆႈ။
တၢင်းပဵၼ်ဢၼ်ၼႆႉမၼ်းဢမ်ႇၸႂ်ႈလႄႈဝႃႈပဵၼ်ယွၼ်ႉဢႃယု(ဢသၢၵ်ႈ)သုင်ဢမ်ႇၼၼ်ႁႅင်းလိူတ်ႈသုင်လႄႈႁႅင်း လိူတ်ႈ ဢႄႇ ၵူၺ်းၵႃႈမီးသုၼ်ႇယူႇၽွင်ႈ။ မၼ်းပဵၼ်ယွၼ်ႉပၢႆးယူႇလီၵေႃႉလႂ်ၵေႃႉၼၼ်ႉၵေႃႈ ဝႃႈလႆႈတၢင်းပဵၼ်ဢၼ် ၼႆႉပေႃးပဵၼ်ၵူၼ်းဢၼ်ၼွၼ်းပဵင်းပေႃး လႄႈဢွၵ်ႇဢဵၼ်ႁႅင်းယူႇ တႃႇသေႇ ၼၼ်ႉ တေဢမ်ႇပဵၼ်။
ၵမ်ႉၼမ်တေပဵၼ်ယွၼ်ႉ ၵူၼ်းႁဝ်းၼင်ႈႁိုင်ဢမ်ႇၼၼ် ၸုၵ်းႁိုင်ၼႃႇလႄႈ ႁဵတ်းႁႂ်ႈလိူတ်ႈလႆလူင်းပွတ်းတႂ်ႈၼမ်ၼႃႇ သေဢမ်ႇပေႃးတႃႇတေလေႃႇလဵင်ႉဢွၵ်ႇလႆႈ။ ၼႂ်းၵူၼ်းပဵၼ် တၢင်းပဵၼ်ပွတ်ႇ၊ ပွတ်ႇဢမ်ႇၶႅင်ႁႅင်းၵေႃႈတေပဵၼ်လႆႈငၢႆႈ။ ပေႃးတေႁႂ်ႈလီၸိုင် ဢွၵ်ႇဢဵၼ်ႁႅင်းဢမ်ႇၼၼ် ၼွၼ်း ဢိမ်ႇဢိမ်ႇတႃႉ တႃႇတေပဵၼ်ႁူဝ်ၶႆႈႁူဝ်မဝ်းၼၼ်ႉႁွင်ႉႁႃၵေႃႈ မၼ်းဢမ်ႇမႃးႁႃႁဝ်းယဝ်ႉ။
