ပၢႆးယူႇလီ

လိူတ်ႈၶၢဝ်ဢၼ်ဝႃႈၼၼ်ႉမၼ်းပဵၼ်ယွၼ်ႉ သင်

လိူတ်ႈၶၢဝ်ဢၼ်ဝႃႈၼၼ်ႉမၼ်းပဵၼ်(လိူတ်ႈၶၢဝ် မၢင်ၸိူဝ်းတေႁွင်ႉဝႃႈလိူတ်ႈၽိူၵ်ႇ) ဢၼ်လႆ ဢွၵ်ႇ မႃးတင်းႁူး ၵိူတ်ႇၼၢင်းယိင်း။ မၼ်းတေပဵၼ်သီၶၢဝ် ၼၢင်းယိင်းၼႂ်းႁူဝ် 10 ၵေႃႉၼၼ်ႉ တေႁႃ မေႃ ၵဵဝ်ႇ လူၺ်ႈလွင်ႈၼႆႉ 3 ၵေႃႉ ၼၼ်ႉၵေႃႈမၢႆထိုင်ဝႃႈ ၼၢင်းယိင်းၵမ်ႈၼမ်တေပဵၼ်လႄႈမီး ပၼ်ႁႃ ၵဵဝ်ႇလူၺ်ႈ လွင်ႈၼႆႉၼမ်။ 

လိူတ်ႈၽိူၵ်ႇလႄႈၼၢင်းယိင်းၼႆႉပဵၼ်ၶွင်ၵူႈၵၼ်ယူႇယဝ်ႉ။ ၵူၺ်းၵႃႈမၼ်းယူႇတီႈငဝ်းလၢႆးလိူတ်ႈၽိူၵ်ႇ ထႅင်ႈၵမ်း ၼိုင်ႈ။ သင်ဝႃႈမၼ်းမီးငဝ်းလၢႆး ၶူမ်း၊ မီးဢၢႆမဵၼ်လႄႈၸဵပ်းသႅပ်ႇၸွမ်းဢင်ႇၵႃႇ ၸိုင်မၢႆ ထိုင်ဝႃႈၼၢင်းယိင်းၵေႃႉ ၼၼ်ႉမီးတၢင်းပဵၼ်သေပိူင် ဢၼ်ၵဵဝ်ႇလူၺ်ႈႁူးၵိူတ်ႇလုၵ်ႈလႄႈဢင်ႇၵႃႇ ၵမ်းသိုဝ်ႈယဝ်ႉ။ တေပဵၼ်ယွၼ်ႉၸိူဝ်ႉ မႅင်း ပႅၵ်ႇထရီႊရေး ( bacterial ) ဢမ်ႇၼၼ်တိူၵ်ႇ ၼႂ်းႁူးၵိူတ်ႇ( vaginosis) ၸိူဝ်ႉသႃးၼႂ်းႁူး ၵိူတ်ႇ(trichomonas) ၸိူဝ်ႉမႅင်းတၢင်းပဵၼ်လၢႆလၢႆၸိူဝ်း(candida)   မိူၼ်ၼင်ႇ ပၢၵ်ႇႁူင်း လုၵ်ႈသႅပ်ႇၸဵပ်း၊ၼႂ်းႁူင်း လုင်ႈမီးႁွႆးယဵၼ်း၊ ၵွၼ်ႈ ၼိူဝ်ႉလိူဝ်ၼႂ်းႁူင်းလုၵ်ႈလႄႈသင်ဝႃႈမီးၼိူဝ်ႉလိူဝ်ၼႂ်းႁူင်းလုၵ်ႈဢမ်ႇၼၼ်ပၢၵ်ႇႁူင်း လုၵ်ႈၸိုင် ဢၢႆလိူတ်ႈၽိူၵ်ႇတေမဵၼ်ႁႅင်းလိူဝ်တၢင်း ပဵၼ်ဢၼ်လႆႈလၢတ်ႈမႃးၸိူဝ်းၼၼ်ႉ။ 

ဢၼ်တေႁဵတ်းႁႂ်ုၼၢင်းယိင်းပဵၼ်လိူတ်ႈၽိူၵ်ႇ ဢမ်ႇၼၼ်လိူတ်ႈၽိူၵ်ႇလူင်းၼမ်ၼၼ်ႉမိူၼ်ၼင်ႇ။ ဢႁႃႇရ တၢင်း ၵိၼ် ၶွင်ယႅမ်း ၶွင်မွင် ဢမ်ႇၼၼ် ၶွင်ၸႂ်ႉ မိူၼ်ၼင်ႇ ၽွင်သၵ်ႉၶူဝ်း သၵ်ႉယဝ်ႉဢမ်ႇၸၢင်း မူတ်းတၢၵ်ႇ ဢမ်ႇႁႅင်ႈသေဢဝ်မႃးသႂ်ႇၸိူဝ်းၼႆႉၵေႃႈၸၢင်ႈပဵၼ်လႆႈ။ ၼွၵ်ႈသေၼၼ်ႉ ၼႂ်းၼမ်ႉဢၢပ်ႇ ၵေႃႈၸၢင်ႈပဵၼ်မိူၼ် ၼင်ႇဢၢပ်ႇၼမ်ႉႁွင်ႈတီႈဢၼ်ဢမ်ႇမူတ်းသႂ်။ ၼႂ်းၶၢဝ်းယၢမ်းဢၼ်လိူတ်ႈႁူဝ်လိူၼ်ၼၢင်းယိင်းတေမႃးၼၼ်ႉ ႁႂ်ႈငိူင်ႉဝႄႈယႃႇပေဢၢပ်ႇၼမ်ႉႁွင်ႈဢၼ်ၶုၼ်ႇ ဢမ်ႇမူတ်းသႂ်ၼၼ်ႉ တႃႉ ယွၼ်ႉဝႃႈမႅၼ်ႈၽွင်းလိူတ်ႈႁူဝ်လိူၼ် တေမႃးလႄႈပၢၵ်ႇႁူင်းလုၵ်ႈပိုတ်ႇဝႆႉသေ တေႁဵတ်းႁႂ်ႈၸိူဝ်ႉမႅင်း ဢၼ်မီးၼႂ်းၼမ်ႉၼၼ်ႉ ၶဝ်ႈၼႂ်းႁူင်း လုၵ်ႈလႄႈ ႁဵတ်းႁႂ်ႈၸပ်းတၢင်းပဵၼ်လႆႈငၢႆႈ။

ပေႃးမီးလိူတ်ႈၽိူၵ်ႇလူင်းၼမ်သေၶူမ်းၸိုင်တေႁဵတ်းႁိုဝ်ယူတ်းယႃ။

1 ပေႃးတေႁႂ်ႈလီသုတ်းၼၼ်ႉ ၵႂႃႇႁႃမေႃၵူတ်ႇၸႅတ်ႈၼႂ်းႁူင်းလုၵ်ႈ(ၽၢႆးၼႂ်း)

2 ပေႃးပဵၼ်ၵူၼ်းၽူဝ်ၵူၼ်းမေး ဢမ်ႇၼၼ်မီးၵူႈၼွၼ်းယဝ်ႉၸိုင် ႁႂ်ႈၵႂႃႇၵူတ်ႇၸႅတ်ႈတင်းသွင်ၵေႃႉယွၼ်ႉတေ လႆႈယူတ်းယႃၸွမ်းၵၼ်။ ၽွင်းတိုၵ်ႉယူတ်းယႃလႄႈပဵၼ်ယူႇၼၼ်ႉ ႁႂ်ႈငိူင်ႉဝႄႈလွင်ႈႁူမ်ႈၵႃႇမ ၼႂ်းၶၢဝ်းတၢင်း 2 ဝူင်ႈ ဢမ်ႇၼၼ်တေႃႇပေႃးယူတ်းယႃတၢင်းပဵၼ်ႁၢႆ။

3 တေလႆႈၵိၼ်ယႃဢမ်ႇၼၼ် ယႃသွတ်ႈႁူးၵိူတ်ႇ သင်ဝႃႈၵႂႃႇႁႃမေႃဢမ်ႇၼၼ် ၵႂႃႇသိုဝ်ႉယႃ မေႃၶဝ်တေပၼ်မႃး ယႃသွင်မဵဝ်း။  မဵဝ်းၼိုင်ႈပဵၼ်ယႃၵိၼ် ထႅင်ႈမဵဝ်းသမ်ႉပဵၼ်ယႃသွတ်ႇႁူးၵိူတ်ႇ ပေႃးပဵၼ်ႁႅင်းၸိုင်မေႃၶဝ်တေသင်ႇ ႁႂ်ႈသွတ်ႇ 1 ဝူင်ႈ။  ယႃသွတ်ႇဢၼ်ဝႃႈၼၼ်ႉ မိူဝ်ႈႁဝ်းတေၼွၼ်းၵၢင်ၶိုၼ်းၼၼ်ႉ  ထုၵ်ႇလီလၢင်ႉမိုဝ်းႁႂ်ႈမူတ်း သႂ်သေၵွၼ်ႇ။  ဝၢႆးၼၼ်ႉၸင်ႇဢဝ်ယႃသွတ်ႇၼၼ်ႉ သွတ်ႇၶဝ်ႈၵႂႃႇၼႂ်းႁူးၵိူတ်ႇ ႁႂ်ႈလိုၵ်ႉတီႈသုတ်း။ ပေႃးယဝ်ႉ ၵေႃႈႁႂ်ႈၼွၼ်းၶီႈၵႅင်းဝႆႉၼင်ႇႁိုဝ်ယႃၼၼ်ႉ တေလႆႈလၢင်ႉၸိူဝ်ႉမႅင်းႁႂ်ႈလီ သေ ပေႃးထႅင်ႈဝၼ်းၼိုင်ႈမႃးယႃ ၼၼ်ႉၵေႃႈတေၸိူမ်ႈ သေလႆဢွၵ်ႇမႃးၶိုၼ်း ၽွင်းၼၼ်ႉယႃႇပေတူၵ်းၸႂ်သေဝူၼ်ႉဝႃႈမၼ်းပဵၼ်လိူတ်ႈၽိူၵ်ႇ ၼႃ။