ပၢႆးယူႇလီ
ႁၢမ်ႈၵိၼ်ၼိူဝ်ႉမူတၢႆၵူၺ်း ဢၼ်ဢမ်ႇႁူႉငဝ်းလၢႆးမၼ်း
- Details
- Published on Wednesday, 04 January 2012 15:10
- Written by ယိင်းလွႆတွၼ်း
ႁွင်ႈၵၢၼ်ၾၢႆႇႁႄႉၵင်ႈလႄႈ ၵုမ်းထိင်းတၢင်းပဵၼ်ၶဝ်ဢွၵ်ႇလၢတ်ႈၼႄပီႈၼွင်ႉ ၸိူဝ်းၵိၼ် ၼိူဝ်ႉမူတၢႆၵူၺ်းမိူၼ် ၼင်ႇ မူတၢႆ(တင်းၶွၵ်ႈ)လူၺ်ႈဢမ်ႇႁူႉလွင်ႈတၢင်းမၼ်းမိူၼ်ၼင်ႇ တီႈၸႄႈတွၼ်ႈလမ်းၽုၼ်းၸိုင်ႈထႆးပွတ်း ႁွင်ႇ ၼႆ။
ၸုမ်းၶဝ်လၢတ်ႈဝႃႈ ႁႂ်ႈၾၢင်ႉတႃႇဢဝ်ၼိူဝ်ႉမူၸိူဝ်းတၢႆၵူၺ်းသေ ဢမ်ႇႁူႉငဝ်ႈႁၢၵ်ႈငဝ်းလၢႆးမၼ်း။ယႃႇဢဝ်မႃးႁဵတ်း ၵိၼ် ၼိူဝ်ႉသႃႈ၊ သႃႈၶူမ်လႄႈသႃႈလိူတ်ႈၸဵမ်ၸိူဝ်းၼႆႉၵႂႃႇ ယွၼ်ႉဝႃႈၸၢင်ႈ ႁဵတ်းႁႂ်ႈ ၸပ်းတၢင်းပဵၼ်လႆႈ။ ဢမ်ႇ ၼၼ်ၼိူဝ်ႉမူဢၼ်ၵႂႃႇသိုဝ်ႉၼႂ်းၵၢတ်ႇမႃးၼၼ်ႉ လီသုတ်း ထုၵ်ႇလီႁုင် သုၵ်းသုၵ်းဝႃႈၼႆ။
ယွၼ်ႉမီးလႅင်ႇၶၢဝ်ႇဝႃႈ မူဢၼ်ဢမ်ႇႁူႉငဝ်းလၢႆးတၢင်းပဵၼ်သေတၢႆမူၵ်းၶွၵ်ႈ ၼၼ်ႉၵူၼ်းမၢင်ၸိူဝ်းဢဝ်ၼိူဝ်ႉ မၼ်း မႃးၶၢႆၼႂ်းၵၢတ်ႇဝႃႈၼႆယဝ်ႉ။
ၶေႃႈၾၢင်ႉထႅင်ႈဢၼ်ၼိုင်ႈ ပေႃးႁၼ်မူငဝ် ဢမ်ႇၵိၼ်ယိူဝ်ႇ၊ တူဝ်မႆႈ၊ၼွၼ်းသၼ်ႇလႄႈမီးလိူတ်ႈဢွၵ်ႇတၢင်း သူပ်း မၼ်းၸိုင် ယႃႇပေယႃႉၼိူဝ်ႉမၼ်းမႃးႁဵတ်းၽၵ်း ဢမ်ႇၼၼ်ႁဵတ်းၶၢႆဝႃႈၼႆ။ ၵူၺ်းၵႃႈမူတၢႆယွၼ်ႉတၢင်း ပဵၼ်ႁိုဝ် ဢမ်ႇၼၼ်တၢႆၸွမ်း သၽႃႇဝမၼ်းၼႆၼၼ်ႉ ဢိင်ၼိူဝ်လွင်ႈၼႆႉသေ ၶႃႈႁၼ်ထိုင်ဝႃႈ ပေႃးတၢင်းယၢမ်ႈ(ဢၵျၢင်ႉ)ၵူၼ်းႁဝ်းၵျိူၵ်ႈယူႇသဝ်း မူတ်းသႂ် လႄႈ ႁဵတ်းၵိၼ် ဢၼ်သုၵ်း မၼ်းၼႆၸိုင် တေပဵၼ်ၽွၼ်းလီသုတ်း၊ ၸိူဝ်ႉမႅင်းတၢင်းပဵၼ်ဢၼ်ဝႃႈၼၼ်ႉ ဢမ်ႇၸႂ်ႈလႄႈဝႃႈ တေ ယူႇၼႂ်းမူတၢႆၵႃႇလၵူၺ်း။
