joomla templates Youth Power Media

ၽူႈၸႂ်ႉၶွမ်းလၢႆၵေႃႉၸိူဝ်းသိုဝ်ႉၶွမ်းမႃးႁိုင်ၵမ်ႈၽွင်ႈ တေၵႆႉႁၼ်ဝႃႈထၢၼ်ႇၶွမ်း ၸဝ်ႈၵဝ်ႇၼၼ်ႉ ၵႆႉၵႆႉလႆႈသၢင်း လႄႈ ဢမ်ႇၸႂ်ႉလႆႈႁိုင်မိူၼ်မိူဝ်ႈသိုဝ်ႉမႃးမႂ်ႇ။ ဝၼ်းၼႆႉႁဝ်းမႃးတူၺ်း ဝႃႈထၢၼ်ႇၶွမ်းႁဝ်း ဢၼ်သၢင်းတဵမ်သုင်သုတ်းယၢမ်း လဵဝ်ၼၼ်ႉ ယွမ်းလူင်းၵႃႈႁိုဝ်မိူဝ်ႈတႅၵ်ႈၵၼ်တင်းၽွင်းသိုဝ်ႉမႃးမႂ်ႇမႂ်ႇ။

1. ၵႂႃႇတီႈ Start သေ ၼႂ်းလွၵ်း search ၼၼ်ႉ ႁႂ်ႈတႅမ်ႈသႂ်ႇဝႃႈ cmd (ယႃႇၵွႆႈတဵၵ်း enter) တႃႇႁွင်ႉၸႂ်ႉ command prompt ။ ၵႂႃႇတီႈဢၢႆႇၶွၼ်ႇပူဝ်ႊၵႅမ်ႊယဝ်ႉ ၶလိၵ်ႉၶႂႃသေ လိူၵ်ႈ Run as administrator
2. Windows တေထၢမ်လွင်ႈပၼ်ၸႂ်ႉသေ ႁႂ်ႈလိူၵ်ႈ Yes ယဝ်ႉတေႁၼ် command prompt ပေႃႇမႃး။ ႁႂ်ႈတႅမ်ႈ သႂ်ႇဝႃႈ powercfg –energy သေတဵၵ်း enter

3. Windows တေၸႂ်ႉၶၢဝ်းယၢမ်းထတ်းသၢင်ထၢၼ်ႇၶွမ်းမွၵ်ႈ 1 မိတ်ႉၼိတ်ႉသေ ဝႆးၼၼ်ႉႁႂ်ႈတူၺ်းၵႂႃႇတီႈ See C: \Windows\System32\engergy-report.html for more details (ၶွမ်းမၢင်ၶိူင်ႈတေပဵၼ်  See C:\energy-report.html)။ ၼႆႉပဵၼ်တီႈဢၼ် ၶွမ်းသဵပ်ႉလူင်းၶေႃႈမုၼ်းထၢၼ်ႇ (ပဵၼ်ၾႆႇ .html) ဢၼ်လႆႈထတ်း ၵႂႃႇမိူဝ်ႈၵႆႈ။

4. ပိၵ်ႉ command prompt ယဝ်ႉၵႂႃႇၸွမ်းတူဝ်လိၵ်ႈဢၼ်ႁၼ်ၼႂ်းၶၵ်ႉတွၼ်ႈပႃႈၼိူဝ်သေ ၵွပ်ႉၾႆႇဢွၵ်ႇမႃးဝႆႉ ၼႃႈ desktop ယဝ်ႉပိုတ်ႇ (သင်ဢမ်ႇလႆႈႁႂ်ႈပိုတ်ႇလူၺ်ႈ Firefox ဢမ်ႇၼၼ် IE)

ဝႆးၼႆႉ ၽူႈၸႂ်ႉၶွမ်းၶဝ်တေႁၼ်ၼႂ်းၾႆႇၼၼ်ႉ မီးလၵ်းမၢႆ (ID) ထၢၼ်ႇၶွမ်း လႄႈ ၶွမ်ႇပၼီႊဢၼ်ႁဵတ်းဢွၵ်ႇ၊ ပဵၼ် ႁိုဝ်ၵေႃႈယဝ်ႉ ၶေႃႈမုၼ်းဢၼ်ႁဝ်းၶႂ်ႈလႆႈၼၼ်ႉပဵၼ် ထႅဝ်လိၵ်ႈ Design Capacity (တင်းၼမ်ထၢၼ်ႇဢၼ် ၸၢင်ႈ သၢင်းသုင်သုတ်းမိူဝ်ႈသိုဝ်ႉမႃးမႂ်ႇ)  လႄႈ Last full charge (တၢင်းၼမ်ထၢၼ်ႇဢၼ်ၸၢင်ႈသၢင်းသုင်သုတ်း ယၢမ်းလဵဝ်) ၸွမ်းၼင်ႇၼႂ်းတူဝ်ယင်ႇၼၼ်ႉ ၶွမ်းၶႃႈယၢမ်းလဵဝ်သၢင်းၶဝ်ႈၼမ်သုတ်းလႆႈမွၵ်ႈ 67% ၵူၺ်း သင်တႅၵ်ႈ ၵၼ်တင်းမိူဝ်ႈသိုဝ်ႉမႃးမႂ်ႇမႂ်ႇ ၼႆယူႇ။