သၽႃႇဝ

ၶႄႇဢၢၼ်းတေႃႉၵႅတ်ႉ လႄႈၼမ်ႉမဵၼ် ၼႂ်းမိူင်းမၢၼ်ႈ

မိူင်းၶႄႇယိူင်းဢၢၼ်းတႃႇလႆႈၵႅတ်ႊ (ဢၢႆထၢတ်ႈ)လႄႈၼမ်ႉမဵၼ်ၼႂ်း မိူင်းမၢၼ်ႈ သေၶုတ်း  တၢင်း ၶူင်သၢင်ႈတေႃႈ (pipeline) ၶဝ်ႈထိုင်ၼႂ်းမိူင်းမၢၼ်ႈၸိူဝ်းတိုၵ်ႉ မီးလွင်ႈသုၵ်ႉယုင်ႈပၼ်ႁႃ ၵၢၼ်မိူင်း ၵၢၼ်သိုၵ်းၵၼ်ယူႇၼႆ ၸုမ်း Shwe Gas Movement ဢွၵ်ႇၶေႃႈပိုၼ်ၶၢဝ်ႇမိူဝ်ႈၼႆႉ 6.9.2011 ။

ၼႂ်းလိၵ်ႈပိုၼ်ၶၢဝ်ႇ Shwe Gas Movement လၢတ်ႈဝႆႉဝႃႈ တေႃႈၵႅတ်ႉ (pipeline) ဢၼ်ၶႄႇ သၢင်ႈထိုင်ၼႂ်းမိူင်းမၢၼ်ႈၼၼ်ႉပဵၼ် ၼႂ်းပိုၼ်ႉတီႈၸိူဝ်းမီး လွင်ႈသုၵ်ႉသၵ်ႉၸိူင်ႉၼင်ႇပွႆးတိုၵ်း  လႄႈ ပဵၼ်တီႈဢၼ်မီးလွင်ႈတုမ်ႉတိူဝ်ႉၶူဝ်းၶွင်သၽႃႇဝၵူၺ်းဢမ်ႇၵႃး ပူၼ်ႉ ပႅၼ်ပႃးသုၼ်ႇလႆႈ သုၼ်ႇပဵၼ်ၵူၼ်းတင်းၼမ်။ တေႃႈၵႅတ်ႉ pipeline မိူင်းၶႄႇၼႆႉၵိုင်ႉၵၢင်ႉ ႁဵတ်းသၢင်ႈမႃးထႅင်ႈ လႄႈ ပဵၼ် တီႈဢၼ်လႆႈမႆႈၸႂ်ၸွမ်းငဝ်းလၢႆးၼႂ်းပိုၼ်ႉတီႈတေႉတေႉ ၼႆ။

တႃႇႁိူဝ်းၼမ်ႉလိုၵ်ႉ၊ ႁူင်းသၢင်ႈသၽႃႇဝ ထၢတ်ႈၵႅတ်ႉ၊ တႃႈသူင်ႇ ၼမ်ႉမဵၼ်ဢၼ်ႁဵတ်းတေႃႈ ၵႅတ်ႉ (pipeline) လူင်ၼၼ်ႉၵႆၵၼ် တင်း မိူင်းရၶႅင်ႇ ဢၼ်မီးၽၢႆႇဢွၵ်ႇမိူင်းမၢၼ်ႈ 800 ၵီႇ လူဝ်ႇမီႇတႃႇၼႆ။

ပဵၵ်ႉသမ်ႉဝႃႈ ၼႂ်းပိုၼ်ႉတီႈႁိမ်းႁွမ်တေႃႈၵႅတ်ႉ pipeline ၼၼ်ႉ မီးလွင်ႈယုင်ႈယၢင်ႈသုၵ်ႉသၵ်ႉ တၢၼ်ႇ ႁိုဝ် သေတႃႉ ၶွမ်ႊပၼီႊ မၢၼ်ႈ၊ ၶႄႇ(China National Petroleum Corporation companies) လႄႈၶွမ်ႊပၼီႊ မိူင်းၵူဝ်ႊရီႊယိူဝ်ႊၶဝ်ဢမ်ႇသူၼ်ၸႂ်သင်သေ သိုပ်ႇႁဵတ်းသၢင်ႈ ယူႇ ၼႆယဝ်ႉ။

ၵူဝ်ႇဝိၼ်းဢွင်ႇၽၢႆႇတူင်ႉၼိုင် Shwe Gas လၢတ်ႈဝႃႈ “ ၶွမ်ႊပၼီႊၸိူဝ်းၼႆႉ ၶဝ်ဢမ်ႇၼပ်ႉထိုဝ် သုၼ်ႇလႆႈ သုၼ်ပဵၼ်ၵူၼ်းသင်။ ႁဝ်းၶႃႈၶႂ်ႈတိုၵ်းသူၼ်းထိုင်ၶွမ်ႊပၼီႊၸိူဝ်းႁူမ်ႈၵၼ်ႁဵတ်းသၢင်ႈ တေႃႈၵႅတ်ႉ ၸိူဝ်းၼႆႉ ထွၼ်ဢွၵ်ႇၸူဝ်ႈပႆႇမီးလွင်ႈ ထူပ်းၽေးသင်” ဝႃႈၼႆ။

ၼႂ်းလိၵ်ႈပိုၼ်ၶၢဝ်ႇ Shwe Gas လၢတ်ႈဝႆႉပႃး လွင်ႈၸုမ်းသိုၵ်းမၢၼ်ႈ ယိူင်းဢၢၼ်းပိူဝ်ႈတႃႇၽဵဝ်ႈ မူၺ်ႉ ၸုမ်းၸၢဝ်းၶိူဝ်းၸိူဝ်းယိပ်းၵွင်ႈၵၢင်ႇၽိုၼ်ႉသိုၵ်းမၢၼ်ႈၸိူဝ်းယူႇၼႂ်းပိုၼ်ႉတီႈၶူဝ်းၶွင်သၽႃႇ ဝလိူင်ႈမၢၵ်ႈ ၸိူင်ႉၼင်ႇၼႂ်းမိူင်းတႆး လႄႈ မိူင်းၶၢင်ဢွၵ်ႇၼႂ်းပိုၼ်ႉတီႈဢၼ်မီးၶူဝ်းၶွင်သႃႇၽႃႇဝ။ ၵွပ်ႈၼၼ်ၸုမ်းသိုၵ်း မၢၼ်ႈၸင်ႇလႆႈ တေႇသၢင်ႈတေႃႈၵႅတ်ႉမႃး။ ဢိင်ၼိူဝ်ပၢင်တိုၵ်းဢၼ်သိုၵ်း မၢၼ်ႈပိုတ်ႇၼႃႈသိုၵ်းၸူးတပ်ႉသိုၵ်းၸိုင်ႈတႆးတင်းၸုမ်းၶၢင်လွတ်ႈလႅဝ်းသေၵူၼ်းဝၢၼ်ႈလႆႈ ၼီပၢႆႈယွၼ်ႉပၢင်တိုၵ်း လႄႈႁၢမ်းႁိူၼ်းယေး တီႈယူႇမွၵ်ႈ  50,000 ပၢႆဝႃႈၼႆယဝ်ႉ။

ၵူဝ်ႇဝိၼ်းဢွင်ႇၽၢႆႇတူင်ႉၼိုင် Shwe Gas လၢတ်ႈဝႃႈ “ႁူင်းသၢင်ႈတေႃႈၵႅတ်ႉၼႆႉၸၢင်ႈႁဵတ်းႁႂ်ႈ ပၢႆး မၢၵ်ႈမီးမိူင်းမၢၼ်ႈလႅၵ်ႈလၢႆႈလႆႈ။ ၵူၺ်းၵႃႈ တွၼ်ႈတႃႇပၢႆးမၢၵ်ႈမီး မိူင်းႁဝ်းမိူဝ်းၼႃႈသိုၵ်း မၢၼ်ႈဢဝ်ၶၢႆ ပၼ်ၶႄႇပႅတ်ႈ” ဝႃႈၼႆ ။