သၽႃႇဝ
ထမ်ႈလူင်ၼႂ်းထိူၼ်ႇမိူင်းဝႅတ်ႊၼၢမ်ႊ ပႆႇႁၼ်တီႈတိူၵ်ႈ
- Details
- Published on Tuesday, 23 August 2011 15:56
- Written by ႁဵဝ်းႁွမ်
ထမ်ႈယႂ်ႇဢၼ်မီးၼႂ်းထိူၼ်ႇလိုၵ်ႉလူင်ၼႂ်းၸိုင်ႈမိူင်းဝႅတ်ႊၼၢမ်ႊၼၼ်ႉ ယွၼ်ႉပဵၼ်ထမ်ႈယႂ်ႇ သုတ်း သေ ယၢဝ်းႁႅင်းလႄႈထိုင်မိူဝ်ႈလဵဝ် ယင်းပႆႇႁၼ်တီႈတိူၵ်ႈမၼ်း ၼႆ။
ၵႂၢမ်းဝႅတ်ႊၼၢမ်ႊႁွင်ႉထမ်ႈလူင်ၼႆႉဝႃႈ Hang Son Doong (ထမ်ႈၼမ်ႉ ၼိူဝ်လွႆ)ၼႆ။ ထမ်ႈ လူင် ၼႆႉ ၵူၼ်းမိူင်းဝႅတ်ႊၼၢမ်ႊၵေႃႉၼိုင်ႈလႆႈတႄႇထူပ်းႁၼ်မိူဝ်ႈပီ 1991။ တၢင်းတႂ်ႈထမ်ႈ ၼၼ်ႉ မီးၼမ်ႉ ႁွင်ႈ ဝႆႉၼႆယဝ်ႉ။
ထမ်ႈ Hang Son Doong ၼႆႉပဵၼ်ထမ်ႈဢၼ်ၸူႉၵၼ်ဝႆႉမီးယူႇ 150 ပၢႆသေ ဢၼ်ၼိုင်ႈလႄႈ ဢၼ် ၼိုင်ႈသိုပ်ႇၵၼ်ဝႆႉလႄႈလႆႈဝႃႈပဵၼ်ထမ်ႈယႂ်ႇလူင်တေႉတေႉ။ လွင်ႈတၢင်းလႆႈထူပ်းႁၼ် ထမ်ႈလူင်ဢၼ် ၼႆႉလႆႈပိုၼ်ၽၢဝ်ႇႁႂ်ႈၵူၼ်းမိူင်းႁူႉဝၢႆးပီ 2009 မႃးဝႃႈၼႆ။ 
ထမ်ႈဢၼ်ၼႆႉတၢင်းယၢဝ်းမၼ်းမီး 5 ၵီႇလူဝ်ႇမီႇတႃႇ တၢင်းသုင်မီး 200 မီႇတႃႇ ( မီး 650 ထတ်း )၊ တၢင်းၵႂၢင်ႈမီး 150 မီႇတႃႇ ဝႃႈၼႆယဝ်ႉ။





